U Rwanda Ruzubakwa n'Amaboko y'Abana Barwo Bose

Ishyaka PRM-Abasangizi rirekana abo ribaraho ubutwari mu guhaharanira Ubworoherane n’Ubusabane

Mu tangazwa ry´┐Żishyaka rishya ´┐ŻParti Rwandais des Moderes / Moderate Rwanda Party´┐Ż ryakorewe i Savannah, Georgia, Leta Zunze Ubumwe z´┐ŻAmerika ku taliki ya 10/03/2013, abayobozi bakuru b´┐Żiryo shyaka aribo Dr Gasana Anastase,´┐ŻBamara Prosper na´┐ŻAkishuli ´┐ŻAbdallah batangaje lisiti y’abanyarwanda bo bafata nk’intwari zaharaniye ubworoherane n’ubusabane mu mateka y’u Rwanda.

Dore uko babitangaza mu nyandiko yabo bise ´┐ŻAmahame Remezo y´┐ŻIshyaka Parti Rwandais des Moderes / Moderate Rwanda Party, PRM/MRP ´┐Ż ABASANGIZI´┐Ż:

BAMWE MU NTWARI DUSANGA MU MATEKA Y´┐ŻU RWANDA BAHARANIYE UBWOROHERANE N´┐ŻUBUSABANE

Dutekereza gushinga iri shyaka, twabanje kwibaza niba mu mateka y´┐Żu Rwanda kuva kera na kare hari Abanyarwanda baba bararanzwe no kurwanya ubuhezanguni mu muryango nyarwanda no guharanira ubworoherane n´┐Żubusabane hagati yabo nk´┐Żuko muri iri shyaka tubyifuza ubu.
Twarakurikiranye rero dusanga mu kinyejana cya 18 hari Abanyarwanda bafashe iya mbere barwanya akarengane mu bantu kariho icyo gihe cy´┐Żingoma ya Cyami ntutsi yayoboraga u Rwanda.Twatanga nk´┐Żingero zikurikira:
Nkizamacumu, Mbanzabugabo na Nyirashyirambere: aba bose bari abahutu, baza kwicwa n´┐Żingabo z´┐Żi Bwami kubera ko barwanyaga akarengane n´┐Żurugomo bw´┐Żubutegetsi bw´┐Żingoma ya Cyami mu bantu. Twibutse ko ingabo z´┐Żibwami zabaga zigizwe n´┐Żubwoko bumwe gusa bw´┐Żabatutsi. Abajyaga mu ngabo z´┐Żumwami icyo gihe bagombaga kuba ari abana b´┐Żabatware, ibisonga byabo n´┐Żabandi benewabo cyangwa se ababaga babashamikiyeho, kimwe n´┐Żabana b´┐Żabajyanama b´┐ŻUmwami ndetse n´┐Żabana b´┐ŻAbiru. Abahutu n´┐ŻAbatwa uko bari barahejwe mu butegetsi bwa Cyami ni nako bari barahejwe mu ngabo z´┐Żigihugu z´┐Żicyo gihe.
Nyuma Umwami Yuhi Mazimpaka yaje kudohorera abatwa bonyine abemerera kujya mu ngabo z´┐Żigihugu.
Bisangwa bya Rugombituri (umutwa) ni umwe muri abo batwa wamenyekanye mu ngabo z´┐Żi Bwami ku ngoma ya Rwabugiri kuko yari indwanyi cyane akaba n´┐ŻUmukuru w´┐Żingabo zitwaga Ingangurarugo zari zishizwe kurinda Umwami (Royal Protection Unit). Bisangwa yaranzwe no kurwanya iyicwa ry´┐Żabantu bicwaga bazira akarengane gashingiye ku birego by´┐Żibinyoma, urugomo, impuha, amatiku n´┐Żubucabiranya. Bisangwa yabashije kujya akiza abantu benshi babaga bagiye kwicwa kubera ibyo, atitaye ku bwoko bakomokagamo.
Padiri Bushayija Stanislas, (umututsi) wari umwe mu bajyanama b´┐Żi Bwami, yaranzwe no kuvugisha ukuri ku mateka y´┐Żu Rwanda igihe yandikaga mu mwaka w´┐Ż 1957 yemeza ko amacakubari hagati y´┐Żabatutsi n´┐Żabahutu yatewe mbere na mbere n´┐Żabatutsi mu gihe cy´┐Żikinyejana cya 16. Yabivuze anabyandika uko biri atitaye ku bwoko bwe nk´┐Żumututsi ahubwo yireba nk´┐Żumunyarwanda ubwira abandi banyarwanda ku mateka yabo mabi bagiranye, atabogamye.
Bwanakweli Prosper, (umututsi) wari Shefu w´┐ŻIntara ya Nyanza ahari umurwa mukuru w´┐ŻIgihugu icyo gihe, wigaragaje muw´┐Ż 1959 mu kurwanya ikibi aho cyaba giturutse hose. Bwanakweli yarwanyije igitekerezo cy´┐Ż i Bwami cyo gukora urutonde rw´┐Żabahutu bagomba kwicwa bazira ko basaba nabo kugira uruhare mu butegetsi bw´┐Żigihugu. Nuko Shefu Prosper Bwanakweli atangariza Umwami Kigeli V Ndahindurwa ko we atemeye icyo gikorwa cyo kwica abo bahutu ahubwo ko hakwigwa uburyo bagirana n´┐Żabo bahutu ibiganiro hagashakwa uko nabo bagira uruhare mu butegetsi bw´┐Żigihugu.
Umwami Kigeli V Ndahindurwa yahise amunyaga kuba Shefu w´┐ŻIntara ya Nyanza amucira ku Kibuye. Abaturage icyo gihe, abatutsi n´┐Żabahutu n´┐Żabatwa bakoze bwa mbere mu mateka y´┐Żu Rwanda imyigaragambyo (demonstrations/manifestations) i Nyanza bati ntidushaka ko Shefu Bwanakweli aciribwa ku Kibuye, bati twiteguye kumurwanirira. Ibintu birakomera i Nyanza induru ziravuga.
Byabaye ngombwa ko uwo mugabo w´┐Żintwali Bwanakweli Prosper aza guhosha iyo myivumbagatanyo afata ijambo imbere y´┐Żabaturage ati ´┐Żnimureke ibyo Umwami yategetse bikorwe nk´┐Żuko yabitegetse´┐Ż. Birazwi mu mateka y´┐Żu Rwanda ko iyo Umwami Kigeli V Ndahindurwa aza kumva inama nziza zubaka zishingiye ku ngengabitekerezo y´┐Żubworoherane no kumva abandi nka ba Shefu Bwanakweli Prosper, 59 ntiba yarabayeho kuko imbarutso yayo yabaye iyo kujya kwica umuhutu surushefu Mbonyumutwa Dominiko taliki ya 1/11/1959 avuye mu misa mu Byimana akaba yari ari kuri iyo lisiti yaturutse y´┐Żi Bwami Shefu Bwanakweli akayirwanya ariko bikaba iby´┐Żubusa abatutsi b´┐Żabahezanguni bakamurusha imbaraga.
Umuhutu w´┐Żumucuruzi wari ukomeye icyo gihe i Nyanza witwaga Secyugu yahise aterwa iwe n´┐Żingabo z´┐ŻUmwami Kigeli V Ndahindurwa zigizwe n´┐ŻAbatwa yihisha mu kabati ariko zimutsinda aho azira gusa ko yari umuhutu ushyigikiye imibanire myiza y´┐Żabahutu n´┐Żabatutsi n´┐Żuko habaho isangira ry´┐Żubutegetsi hagati y´┐Żayo moko yombi.
Kuri iyo lisiti yaturutse i Bwami y´┐Żabahutu bagomba kwicwa haje kongerwaho n´┐Żabatutsi bari bashyigikiye ibitekerezo by´┐Żuko n´┐Żabahutu bashyirwa mu butegetsi bw´┐Żigihugu no mu ngabo. Sindibona ni umututsi wahise yicwa azira gushyigikira ku mugaragaro ibyo bitekerezo byo gusaranganya ubutegetsi hagati y´┐Żamoko yombi.
Hari abarwanasyaka bo mu ishyaka rya RADER (Rassemblement Democratique Rwandais) bari abatutsi bize bajijutse barangwaga n´┐Żingengabitekerezo y´┐Żubworoherane, ubufatanye no gusangira ubutegetsi n´┐Żabandi banyarwanda, ariko icyo gihe MDR Parmehutu yakoze ikosa rikomeye ryo kwanga no kwigizayo abo bose ivuga ko yo ari rubanda nyamwinshi, ko yihagije, ko idakeneye gufatanya n´┐Żagashyaka k´┐Żabatutsi niyo baba badashyigikiye ubwami.
Birazwi mu mateka y´┐Żu Rwanda ko iyo MDR-PARMEHUTU ya Perezida Kayibanda iza kwemera gukorana na Bwanakweli Prosper wari Umukuru w´┐Żishyaka RADER na bagenzi be barangwaga n´┐Żingengabitekerezo y´┐Żubworoherane no guharanira ubufatanye n´┐Żabandi banyarwanda, baba abatutsi, baba abahutu cyangwa abatwa, igihugu cyacu kiba cyaragize indi sura kandi nziza kidafite ubu.
Ku ngoma ya Habyarimana yaranzwe no gutoteza no gupyinagaza abatutsi n´┐Żabahutu biswe Abanyenduga ´┐Żelargi´┐Ż,
Padiri Sindambiwe Siliviyo (umuhutu) wari umuyobozi w´┐Żikinyamakuru Kinyamateka wari warigiye iby´┐Żitangazamakuru mu Bufaransa, we, n´┐Żumwe mu banyamakuru be witwa:
Philibert Ransoni (umututsi) bahagurukiye kuvugira abatagira kivugira (abatutsi n´┐Żabahutu b´┐Żabanyanduga) nuko Leta ya Habyarimana kugirango icecekeshe iryo jwi ryavugiraga abatagira ubavugira icyo gihe, yica Padiri Sindambiwe Silvio inamugaza bikomeye Philibert Ransoni asigara ari igisenzegeri.
Philbert Ransoni tumwibukira ku nyandiko ye muri Kinyamateka yise ´┐ŻKwambaza umutegetsi ni ukumuroha´┐Ż.
Colonel Nsekalije Aloys (umuhutu w´┐Żumushiru) w´┐Żi Giciye ku Gisenyi, iwabo wa Perezida Habyarimana, akaba yari afite n´┐Żijambo rikomeye muri leta yariho.
Nsekalije yaranzwe no kugerageza kuzenguruka itegeko ry´┐Żikandamiza ryagengaga icyiswe iringaniza ry´┐Żamoko n´┐Żuturere mu mashuri agafasha ababyeyi b´┐Żabatutsi n´┐Żabanyenduga kubonera abana babo amashuri mu buryo ubundi batashoboraga kuyabona abikesha ubusabane ku giti cye yagiranaga n´┐Żabantu bose, atarobanuye.
Ikindi tumwibukiraho ni umubare munini w´┐Żabatutsi yabashije guhisha mu gihe cya j´┐Żnoside mu rwuri rw´┐Żinka ze rwari muri Gishwati tutibagiwe n´┐Żabo yahishe mu rugo rwe i Remera ya Kigali.
Profeseri Ntezimana Emmanuel (umuhutu), mu gihe amashyaka menshi yari amaze kuvuka mu 1992, yari mu ishyirahamwe ry´┐Żuburenganzira bw´┐Żikiremwamuntu ryitwaga ADL (Association pour la Defense des Libertes/ Freedom Defence League). Yahise aha umuganda we iryo shyirahamwe maze akoresha ubuhanga bwe yari asanganywe ategura vuba anasohora igitabo
ku ihohotwerwa ry´┐Żikiremwamuntu mu Rwanda ryibasiraga by´┐Żumwihariko Abatutsi. Icyo gitabo cyateye ubwoba ubutegetsi bwa Habyarimana buhita bumwica bukoresheje uburozi.
Hakurikiyeho mu 1994 iyicwa ry´┐ŻAbahutu bose barangwaga n´┐Żingengabitekerezo y´┐Żubworoherane, ubwubahane, ubusabane, ubwumvikane, ubufatanye no gushyigikira isangira ry´┐Żubutegetsi hagati y´┐Ż Abahutu n´┐ŻAbatutsi mu Rwanda. Bamwe mu bishwe bazira ibyo ni aba bakurikira´┐Ż:
Uwiringiyimana Agatha (Hutu) Minisitiri w´┐ŻIntebe n´┐Żaba minisitiri be aribo:
Nzamurambaho Ferederiko (Hutu),
Ndasingwa Landouald (Tutsi),
Ngurinzira Boniface (Hutu),
Rucogoza Faustin (Hutu) na
Kavaruganda Yozefu (Hutu) Perezida w´┐ŻUrukiko rusesa imanza.
Nk´┐Żuko Umuryango w´┐ŻAbibumbye wabitangaje mu kigereranyo cyawo, Abahutu b´┐Żabahezanguni bishe Abanyarwanda basaga ibihumbi Magana atanu (500,000) b´┐ŻAbatutsi n´┐ŻAbahutu barangwaga n´┐Żingengabitekerezo y´┐Żubworoherane n´┐Żubusabane hagati y´┐ŻAbahutu n´┐ŻAbatutsi.
Hari ndetse n´┐Żizindi raporo zinyuranye zemeza ko umubare w´┐Żabishwe uri hejuru y´┐Żibihumbi magana inani kugeza kuli miliyoni imwe y´┐Żabantu.
Aba bahezanguni b´┐ŻAbahutu bishe kandi n´┐Żumuhanzi Rugamba Cypriani (Hutu) wo ku Gikongoro wabaye igihe kirekire Diregiteri w´┐Żikigo cy´┐Żubushakashatsi mu buhanga azira ko yaranzwe mu buzima bwe bwose no gusabana n´┐Żabantu b´┐Żamoko yose, abahutu, abatutsi, abatwa; kandi nk´┐Żumusizi n´┐Żumuhimbyi w´┐Żindirimbo akarangwa no kwimakaza urukundo mu bana b´┐Żu Rwanda atarobanuye.
Hagati aho, mu gihe FPR/APR nayo yari irimo iyogoza igihugu yica abahutu ku gasozi igezeho kose, hari abasilikare bayo bo mu rwego rwa officier/officer ndetse na sous-officiers barwanije ibyo kwica abaturage maze barabizira abo ni nka:
Kapiteni Muvunanyambo Donat (Hutu) yarwanije igikorwa cyo kwica abaturage bituma FPR aba ari we yica;
Liyetena Ruraza Claude (umututsi w´┐Żumugogwe) wakoraga mu butasi (DMI), yanze kwica abaturage b´┐Żinzirakarengane rwose aremera ahubwo aba ariwe wicwa na FPR. Uyu mu Liyetena yiciwe i Kanama muri Gisenyi taliki ya 11/09/1995;
Kapiteni Kwizera (Tutsi) yarwanije gahunda yo kwica abahutu bari bateraniye muri Pensez-y i Rulindo bareba umupira kuri Television bikamuviramo kwirukanwa mu gisirikare´┐Ż;
Liyetena Rupari Aloys (Tutsi) wiciwe ku Mulindi wa Kanombe i Kigali kuko yarwanyaga akarengane abaturage b´┐Żabahutu bagirirwaga ko gufatwa no gufungirwa ubusa, nta yindi mpamvu uretse kuzira ubwoko bwabo;
Liyetena Rwagasana (Hutu) wari umusemuzi w´┐Żicyongereza/igifaransa muri FPR/APR wishwe azira ko ari umuhutu;
Liyetena Gatumbura (Tutsi) wakoze akazi k´┐Żubushoferi muri APR igihe kirekire wishwe azira ko yaba afitanye ibisanira n´┐Żabahutu none akaba yari agiye no kurongora umuhutukazi wo ku Kibuye;
Serija wa mbere Nyirumuringa (Tutsi) wishwe azira ko yijujutiye ko yakoreshejwe ku gahato ibikorwa byo kwica abahutu no gutunda imirambo yabo bayijyana mw´┐Żishyamba rya Nyungwe kuyitwikirayo mu rwego rwa FPR rwo gusibanganya ibimenyetso bya jenoside yakoreye ubwoko bw´┐Żabahutu, no kugira ngo ejo atazava aho abivuga;
Major Uwamungu Athanase (hutu) wishwe azira gusa ko ari umuhutu wahoze muri FAR watekereje ko ashobora gukorana na APR y´┐Żabatutsi kuko bose ari abanyarwanda;
Major Rugambage Lambert (Hutu) yahoze muri ex-FAR yishwe muri 1997 azira ko yijujutiye iyicwa ry´┐Żabaturage b´┐Żabahutu b´┐Żinzirakarengane hirya no hino mu gihugu;
Major Birasa John (Tutsi) wishwe na FPR imujijije nawe ko yanze kwica abaturage i Byumba aho yayoboraga ingabo za APR;
Kapiteni Hategekimana Theonetse (Hutu) nawe yahoze muri ex-FAR yishwe muri 1997 azira ko yijujutiye iyicwa ry´┐Żabaturage b´┐Żabahutu b´┐Żinzirakarengane hirya no hino mu gihugu;
Liyetena Koloneli Cyiza Augustin (Hutu) warwanije ivangurabwoko n´┐Żirondakarere ry´┐Żingoma ya Habyarimana akaza kujya mu gisirikari cy´┐Żabatutsi APR muri 1994 nyuma akaza kwicwa azira ubwoko bwe, yishwe n´┐Żabo yagiye gukorana nabo yemera ko ari abandi banyarwanda nkawe;
Caporal Werabe Ernest (Hutu) ni umuhungu wa Docteur Mubirigi umuvandimwe wa Perezida Gregoire Kayibanda, yakoraga muri CID ya Gendarmerie akaba yararangwaga no gusabana cyane n´┐Żabantu b´┐Żamoko yose. Yasubitse amasomo ya Kaminuza y´┐Żi Butare mu 1992 ajya mu nkotanyi atayobewe ko ari abatutsi, abikora kubera urukundo rw´┐Żabanyarwanda b´┐Żamoko yose. Yishwe na FPR Inkotanyi nyuma y´┐Żintambara azira gusa ko ari umuhutu;
Sendashonga Seth (Hutu) umunyapolitiki warwanyije ingoma y´┐Żigitugu ya Habyarimana kuva muri 1975 bikamuviramo guhunga igihugu kuva icyo gihe nyuma aza kujya muri FPR nuko amaze kubona uburyo FPR/APR yirirwa yica abahutu ku misozi hirya no hino mu Rwanda aza gusezera muri Leta arongera arahunga, nyuma FPR imukurikirana aho yari yahungiye i Nairobi iramwica;
Major Ruzindana Alex (umututsi) waturutse Uganda, wari watangiye kuvuga mu biganiro yagiranaga n´┐Żabandi ko ibyo ingabo za FPR/APR yahozemo zikora byo kunyereza abahutu no kubica ari politiki mbi cyane itabereye u Rwanda rwitwaga ngo ni rushyashya, nuko FPR ikamwica ari icyo imujijije´┐Ż; na
Inyumba Aloysia (umututsikazi) waturutse Uganda waranzwe no kuvugisha ukuri ku kibazo cy´┐Żabahutu n´┐Żabatutsi, cyane cyane mu nama y´┐Żubumwe n´┐Żubwiyunge yo mumwaka w´┐Ż 2000 ubwo yateraga murya Padiri Bushayija Stanislas (umututsi,1957) akavuga mw´┐Żijambo yagejeje ku banyarwanda bose icyo gihe, ko ikibazo cy´┐ŻAbahutu n´┐ŻAbatutsi ari ingorabahizi, ko Abahutu bavuga ko ari Abatutsi bagitangiye ko rero ari nabo bakagombye kukirangiza.
Iryo jambo rimwe gusa ni ryo ryamukozeho, kuko iyo nama ikirangira, abahezanguni ba FPR batishimiye ukuri kw´┐Żiryo jambo yavuze bahise bajya kumukomatanyiriza bamucira i Masaka kujya kuba Perefe wa Perefegitura ya Kigali Ngali.
Nyuma baza gusanga batagomba gukomeza kumwegereza abaturage kubera ubusabane bwe n´┐Żukuri byamurangaga, nuko bamubika muri Sena igihe kirekire kugeza aho bamusubirije muri Goverinoma ari uburyo bwo kumukoresha nk´┐Żingorofani byo kumuhuhura ngo abavire aho.
Undi ariko we witwa ngo aracyariho n´┐Żubwo asa n´┐Żutakiriho kuko yakatiwe igihano cyo gupfira muri gereza ni:
Mushayidi D´┐Żogratias (umututsi) leta ya FPR iziza kugaragariza abanyarwanda ko kubana mu mahoro bagasangira ibyiza by´┐Żigihugu aribyo bizabaha ituze nyakuri, guharanira ko ukuri ku byabaye mu banyarwanda kwajya ahagaragara hatabayeho kubogamira ku bwoko bumwe, akaba ari nawe mututsi wa mbere weruye agahamya kumugaragaro ko ubwicanyi bwakorewe abahutu ari genocide.
Aba bantu bose uko ari 35 tuvuze haruguru ntabwo twababaze mbere y´┐Żuko tubandika. Twarebye umubare wabo nyuma dusanga harimo Abahutu 20, Abatutsi 14, n´┐Żumutwa 1. Bose mu buzima bwabo bahagurukiye kurwanya akarengane iyo kava kakagera n´┐Żuwo kaba gakorewe uwo ari we wese, yaba umuhutu yaba umututsi yaba umutwa (apfa kuba ari umuntu, apfa kuba ari umunyarwanda).
Uretse kandi aba bavuzwe muri iyi nyandiko yacu, hashobora kuba hari n´┐Żabandi benshi batabashije kumenyekana ariko bitangiye kwimakaza umuco w´┐Żubworoherane mu muryango nyarwanda bagamije ko habaho umuco wo gusangira ibyiza by´┐Żigihugu no kurandura ivangura ry´┐Żamoko ndetse n´┐Żuturere.

Ni abantu bishwe cyangwa se bakatirwa gupfira muri gereza bazira ingengabitekerezo yabo yo kurwanya ubuhezanguni bw´┐Żabatutsi cyangwa se bw´┐Żabahutu n´┐Żibibi byose bijyana nabwo nko kwica abantu ubaziza icyo bari cyo, ubwoko bwabo n´┐Żibindi…
Ibyo tuvuze kuri aba bantu ntabwo ari ugushakisha. Ni ibyabayeho. Turabizi ko atari n´┐Żaba gusa, ko hariho n´┐Żabandi. Tuzakomeza gufatanya n´┐Żabanyarwanda babifitiye ubushake kubashakashaka kugira ngo tubahe icyubahiro kibakwiye, kandi tububakireho u Rwanda rubereye Abanyarwanda bose.
Aba bantu bagaragaje mu mvugo, mu ngiro no mu bikorwa ko abahutu bose batanga abatutsi, ko abahutu bose atari abahezanguni; ko abatutsi bose batanga abahutu, ko abatutsi bose atari abahezanguni.
Aba bantu 35 biyambuye ubuhutu bwabo, biyambura ubututsi bwabo, biyambura ubutwa bwabo, biyambika ubunyarwanda.
Uwazura bariya batabarutse, akabohora ababoshye, akabashyira hamwe bose ubu, bakora ikintu gikomeye cyarengera igihugu cyose n´┐Żabagituye bose nta kurobanura nkuko bimeze ubu.
Kuki tutaba nka bo ko bishoboka?
Izi ntwari tumaze kuvuga zatanze ubuzima bwazo kubera ingengabitekerezo yazo y´┐Żubworoherane, ubwubahane, ubusabane n´┐Żubufatanye nk´┐Żabanyarwanda, kuki tutatera ikirenge cyacu mu cyabo ngo duharanire kwanga ikibi kabone niyo cyaba gikorwa n´┐Żuwo dusangiye ubwoko?
Uwashaka guhakana ibi turimo, izi ngero z´┐Żaba bantu 35 tumaze gutanga ziramunyomoza. Ingengabitekerezo y´┐Żizi ntwari irashimangira nta shiti ko hari isano rikomeye hagati yacu abahutu, abatutsi, n´┐Żabatwa, abakiga, abanyanduga, abahoze mu gihugu, abavuye hanze, abasajya n´┐Żabandi.
Dufitanye isano kuko dusangiye igihugu kimwe, ubwenegihugu bumwe, uruhu rumwe, ururimi rumwe, umuco umwe, amaherezo amwe (destinee/destiny), umugabane w´┐Żisi umwe ari wo Afurika, n´┐ŻImana imwe. Urugero rumwe mu zindi nyishi twatanga ni amazina y´┐Żabasekuru n´┐Żabasekuruza bacu, ayacu ubwacu cyangwa se ayo twita abana bacu n´┐Żayo nabo bita cyangwa se bazita abana babo: Ayinkamiye, Abimana, Bizimana, Cyimana, Dushimimana, Egerimana, Girimana, Hitimana, Iyakaremye, Jururyimana, Kezimana, Maniriho, Niyoyita, Nyirahabimana, Rugira, Sibomana, Twizeyimana, Uwiringiyimana, Yankurije, Ziremakwinshi. Aya mazina dutanze aganisha ku mana kimwe n´┐Żandi menshi cyane namwe muzi, uyasanga mu banyarwanda b´┐Żamoko yose uko ari atatu, no mu madini yose yo mu Rwanda, bivuga ko dufitanye isano rero.

Bikorewe i Savannah, Georgia, Leta Zunze Ubumwe z´┐ŻAmerika, ku wa Gatatu, taliki ya 10 / 03 / 2013
Dr. Gasana Anastase -´┐ŻBamara Prosper -´┐ŻAkishuli Abdallah

Share

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Speak Your Mind

*