Warning: Cannot modify header information - headers already sent by (output started at /home3/lifestyl/public_html/rwandinfo.com/wp-content/mu-plugins/index.php:75) in /home3/lifestyl/public_html/rwandinfo.com/wp-content/plugins/wp-super-cache/wp-cache-phase2.php on line 62
2011 November

Ineza n’impuhwe by’Uhoraho biramperekeza (Zab.23,6)

Uyu munsi nanone Imana ishimirwe cyane iri jambo yongeye kumpa rishingiye k’ubuhamya bugaragaza ibyiringiro by’umuhimbyi wa zaburi ya 23,6. Ibi byiringiro bimeze bityo nsanga ari nabyo byanjye ubwanjye mu mibereho yanjye.

Mu by’ukuri iyi zaburi iri muzo twafatishijwe mu mutwe tukiri abana bato. Ariko ukuyisobanukirwa neza bigenda byiyerekana mu mibereho yacu ya buri gihe,kuko nk’uko bisanzwe bizwi,imibereho yacu ni ishuri rikomeye cyane nyine.

Ubutumwa buri muri iyi zaburi nabutekerejeho cyane nkurikije ubuhamya bw’umwana muto cyane wo mu muryango wanjye. Navuganye na nyina kuri telefoni noneho numva umwana we w’imyaka nk’itatu ariho araririmba indirimbo ya 301 mu indirimbo zo gushimisha Imana mu gitabo cy’Amatorero y’Abaprotestanti mu Rwanda. Iyi numero rero iri mu gice kitiriwe ko ari iz’ abana,ikaba itangirwa n’amagambo avuga ngo “Ndi agatama ka Yesu” ari na yo yaririmbaga . Ukuririmba k’uwo mwana rero kwanteye guhita nibuka ibivugwa muri iyi zaburi ya 23, byemejwe ko yahimbwe na Dawidi. Ndetse kunyibutsa nanone ubuhamya bwa Kristo Yesu ubwe yivugiye ko ari we mushumba mwiza. Ibyo byose kandi byananyibu kije imibereho yanjye kugeza ubu, niba ahubwo atarijye wagombye kuba uwa mbere mu kuririmba iyo ndi rimbo ndetse n’iyo zaburi ya 23! 

Icyakora ntitwibeshye ! Muri iyi zaburi Dawidi umuhimbyi wayo iyo avuga iby’umushumba, aba avuga uw’ intama z’inyamaswa nyine, nukuvuga izitari ntama-bantu. Aha mbese n’uburyo umushumba agaragarira   intama. Ubusanzwe abantu ntacyo bitayeho k’umushumba,nyamara intama-nyamaswa zo zimukurikira hose,kuko ni we uziyobora inzira iziganisha m’urwuri rufite ubwatsi bwiza. Ibi kandi abigirira kubahiriza izina rye (Zab.23,3),ari ryo “Ndiho,Uhoraho,Uwiteka”, muri make “Uhoraho”, ku bw’umukumbi we. Uwo kandi niwe Yesu Kristo nkuko yabyivugiye ubwe ko ari we mushumba mwiza (Yoh.10,11a).

Uwanditse iyi zaburi akerekana neza Imana ubwayo, ku bayizera,ariyo ituyobora,ikadutabara,mbese ikadutegurira ibidukwiriye  kizi naho twaba turi mu bikomeye bimeze bite. Oh! Umurongo wa 4, ku iherezo ryawo hatwereka uburyo Imana yacu ari umushumba uturagira akoresheje inkoni z’uburyo bubiri: Iyo gutabara intama ze, n’indi akoresha aziyobora aho ashaka ko zigana. Muri byose rero duhore tumushima.

Kandi nanjye iyo ndebye mu mibereho yanjye kugeza ubu, nsanga Uhoraho ari We mushumba wanjye mwiza kubera ibyo yanyujijijemo byose mu izina rya Kristo Yesu. Kandi ni ibiri imbere byose azabinyu zamo nta kabuza, akazanya kira mu bwami bwe, nkazabana na We iteka ryose. Ibyo nibyo byiringiro byanjye. Mbese na we usomye ubu butumwa ni byo byiringiro byawe. Icyubahiro kibe none n’iteka ryose. Amen.

Imana yacu ni nyir’ihumure ryuzuye (2 Kor.1,3).

Benedata muri Kristo Yesu mwese,intumwa Paulo atugezaho iryo jambo ryiza cyane ryerekana ko Imana yacu ari yo nyiri uguhumurizwa kwacu kuzuye.  Biragaragara ko yabivuze kubera ko yari amaze kwitegereza ukuntu abantu b’uburyo butari bumwe birirwa bashakashakisha mu mibereho ya bo uko babona ihumure, nyamara ntibarigereho na busa. Ibi rero yabyandikiye Abakorinto agirango asangire na bo uko ashimira Imana kubwo kurokorwa ibyago n’urupfu.

Nyamara rero iyi nyigisho ikurikije ubuhamya bwa Paulo,ikaba ituma abakristo bamwe na bamwe bibaza byinshi bakurikije uko ubutu mwa buvugwa mu matorero atandukanye. Bamwe bibaza impavu mu matorero ya bo hasa n’ahigishwa kenshi cyane gusa inyigisho nk’iyi igaragaza ihumure Imana itanga, mu mwanya wo kuvuga cyane ahubwo ku kaga kacu nkuko mu matorero yandi bikorwa! Ibi bikaba byerekana ko mu matorero amwe bibanda cyane  ku kuvuga ku kaga cyangwa imibabaro bitegereje abantu (Yakobo 5,1…), mu gihe  none ho  mu yandi ho bibanda ku ivugabutumwa ryibanda kenshi ku ihumure ryabo (2 Kor.1,3).

None se abatabwiriza cyane ku bifitanye isano n’akaga n’ibyaha byacu nukubera ko  ako kaga n’ibyo byaha ari uko bisanzwe bizwi? Cyangwa nuko gusa tutanashaka no kubitekerezaho? Icy’ingezi Paulo yashatse kwerekana muri iyi nyigisho ihumure rishyitse ritangwa n’Imana ibinyujije muri Yesu Kristo, ni ukuntu akaga n’ ibyaha byacu tubimenyera binyujijwe mu Itegeko ry’Umwuka . Ari naho iryo humure tubona  nta kintu na gito riba rihishe,ibiri amambu ahubwo rituma umuntu yiyumvamo umutuzo n’uburinganire muri we.

Ntabwo rero uburyo Imana yacu ikoresha m’ukututwigisha ari ubwo kuduhahamura,kuko nubusanzwe akaga n’ibijyana na ko bihora bitwigaragariza buri gihe kandi hose. Nta mpamvu rero yo kuduca intege, kuko Kristo Yesu yabaye icyitegererezo cyacu gikwiriye mbese kizima. 

Intumwa Paulo akomeza atwereka neza uko Imana ubway ikora. Nuko akerekana uko Umwami wacu Yesu Kristo ubwe, ndetse n’Imana Data yadukunze,ikaduha ihumure ry’iteka ryose n’ibyiringiro byiza, kubw’ubuntu bwayo (2 Abates.2,16-17). Iyadukunze rero kuva kera ni iyo kwizerwa kandi ibyo tukabikora mu mutuzo tuyoborwa n’Umwuka Wera . Ibyo dukwiriye kubikora kandi tutari m’ubwoba twaterwa n’ibyaha byacu kandi Yesu Kristo ari cyo yapfiriye ashaka kutuvana muri ubwo bwoba bw’iteka. Ni ashimwe iteka ryose. Amen.

Ukwizera gukomeye (Mat.8,5-13)

Yesu yinjiye mu mudugudu w’i Kaperinawumu nkuko yari asanzwe abikora.  Ariko muri icyo gihe cyo yaje guhura n’umuntu udasanzwe mu bo yari asanzwe ahura na bo. Uwo ni umunyamahanga kuri Yesu kuko aje kumureba nubwo ari Umunyaroma. Ikindi nuko uwo yaje ari umwe mu batware b’abasirikare b’ Abaromani ijana.

Igitangaje cya mbere nuko muri uwo mudugudu wa Kaperinawumu,Yesu yari yarawukoreyemo ibitangaza byinshi, nyamara abaturage bawo b’abenegihugu ndetse ntibyagize icyo bibabwira. Nyamara uwo we, nubwo yari umunyamahanga ndetse akaba n’umutware w’abasirikare b’Abanyaroma, yaje kwitabariza Yesu kubwo ukumwizera kwe kubyo  yamwumviseho yakoze. Nukuvuga ko ubwenegihugu bwe ndetse n’umurimo we ntibyamuzitiye na busa, ahubwo yibabarijwe cyane n’ububabare bw’umugaragu we gusa.  Kandi iby’amahirwe kuri we, nuko yamenye,akanizera muri Yesu, uwoherejwe n’Imana. Icyo nicyo cyamuteye kwicisha bugufi no kugira icyizere imbere ya Yesu. Ni nabyo kandi byatumye atiyumvamo kuba yaba ushobora kwakira Umwami iwe.

Ni umusirikari uzi imyitwarire y’ingabo z’uburomani. Uwo mugabo wizera yemera neza ubutware bw’Umwami Yesu ari nayo mpamvu yumva ko ijambo rimwe rya Yesu  rihagije kugira ngo umugaragu we akire (Mat.8,8-9). Mbega ukwizera gutangaje!  Icyifuzo cy’umutware w’abasirikari gihita cyakirwa. Mbere na mbere,Yesu yantagajwe ni uburyo bw’ uwo musirikari bwose (8,10-12). Ari nacyo cyatumye ahita amubwira ati: “Genda bikubere nk’uko wizeye” (8,13). Igisubizo cy’Imana rero gishingira k’uburyo yizeye. Ari na bwo ngo koko umugaragu yahize akira uwo mwanya.

Ukwizera rero kwigaragaza mu buryo bubiri. Mbere na mbere ukwizera gukiza: aha icy’ingenzi ni ukwiyumvamo kuba umuntu yaratakaye hanyuma akizera Umwami Kristo Yesu. Aha kandi ntihari ukwizera kunini cyangwa guto: kuko muntu arizera cyangwa oya. Ikindi Imana idukiza idakurikije urugero rw’ukwizera kwacu, ahubwo ibikorera umurimo wa Kristo wo gukiza.

Icya kabirini ni uko ukwizera kwacu gushyirwa mu bikorwa. Ni ukuvuga mu buryo bwacu bwa buri munsi. Uko niko kutuyobora  mu kureba ibintu uko Imana ibibona, gusobanukirwa icyo ishaka, gusenga no gukorana ubwenge.  Imana yubahiriza ukwizera nk’uko  mu bisubizo itanga kandi ikanashaka  gukomeza uko kwizera. Idusaba rero kwigana ukwizera kw’ababaye iruhande rwayo (Heb.13,7). Hamwe n’ibyo rero, twigane ubushishozi,ukwicisha bugufi n’urukundo rw’ uyu mutegeka w’abasirikari yerekanye mu mibereho ye y’ ukwizera. Icyubahiro kibe icy’Imana Data,mu izina rya Yesu Kristo. Amen.

Jye,ndi umukungugu n’ivu gusa (Itang.18,27).

Uyu munsi tugiye gutekerereza hamwe k’ ubuhamya bw’umukurambere wubahaga Imana ari we Abrahamu. Ubwo buhamya bwe buboneka muri uwo mutwe w’iyi nyigisho buratangaje kubera ko kubona umuntu w’imenya uko ari ntibishobokera benshi. Ariko we arahangaye ngo “ni umukungugu n’ivu gusa”.

Muri ubu buhamya bwe agaragaza ko, icya mbere na mbere,azi ko we ari ubusabusa imbere y’Imana ikomeye kandi Ihoraho. Aha arerekana ko ahangaye ndetse kuvugisha Iyo azi ko ariho ku bwayo, ubwo yabumbabumbaga muntu mu ibumba rivuye mu gitaka, akaba umuntu kubera umwuka w’ubuzima amuhushye mu mazuru (Itang.2,7). Nyiri uwo mwuka rero w’ubuzima ni we byose.

Ikindi kandi nuko n’Imana ubwayo ibyihamiriza ubwo yabwiraga muntu wa mbere imuha igihano cy’uku tumvira kwe igira iti: “Uzasubira mu gitaka kuko ari cyo wavuyemo. Koko rero uri umukungugu,kandi m’umukungugu ni mo uzasubira (Itang.3,19).

Ni iby’igitangaza umuntu nk’Abrahamu kwimenyaho intege nke nuko ntacyo ari cyo byamuteraga guca bugufi imbere y’Imana ndetse n’abantu. Ibyo ninabyo byamufashaga yubaha Imana akanabyerekana ubwo yayivugishaga (18,27).  Ntacyo turi cyo koko,ibyo abantu bamwe bajya babyibuka ndetse bakanabivuga iyo habayeho ikintu giteye urupfu rw’abantu n’ibintu n’inyamaswa. Ariko nyamara,byari bikwiriye ko abantu bari bakwiriye kubizirikana ubudasiba nukuvuga igihe cyose. Kuko ibyo ni nabyo abantu birinda ubwirasi n’ubugiranabi byose bijambije iyi si. Kumenya ibyo byose byatuma tuba nk’Abrahamu m’uguhi ndukirira Uwaturemye aho kwigira akarahakajyahe.

Ikindi nanone byadufasha kumenya, ni uko Imana yaremeye muntu kubaho. Nubwo rero yamuhanye gu subira m’umukungugu kubera ukutumvira kwe, kubw’ubuntu n’urukundo ikunda muntu ntishaka ko ahamamo. Ishaka ko muntu yabona umwanya mu ijuru wo kuba hamwe na yo mu cyubahiro. Ni nayo mpamvu yatumye itwoherereza Umwana wayo kuducungura ngo tuzabone ubugingo ubugingo budashira. Aha kandi intumwa Paulo na we abishimangira agira ati: “Nk’uko twambaye ishusho ya muntu w’umunyagi taka, ni na ko tuzambara n’ishusho y’uw’ijuru” (1 Kor.15,49).

Imana yaradukunze cyane ubwo yashakaga ko muntu atagombye gukomeza kuba mu ishusho y’igitaka kuko  Imana yamuhaye umwanya wo kuzabonera ubugingo buhoraho kubwo kwizera Yesu Kristo.