Umuhamagaro w’Imana nk’igipimo kuri twe mu kuyizera

Umuhamagaro w’Imana nk’igipimo kuri twe mu kuyizera

Iyo dusomye Bibliya “Ijambo ry’Imana” dusangamo ibisobanuro zumvikana rwose ku byerekeranye n’ukwizera. Dusanga ko ukwizera ari ijambo rikuru mu mibereho y’abantu b’uburyo bwose. Aha rero twebwe nk’abakristo, ukwizera kwacu gufitanye isano n’uko Abrahamu yagize ndetse yari anakitwa Abramu nkuko intumwa Paulo abisobanurira Abaroma (Rm.4,10).

Koko rero iyo dusomye mu gitabo cy’Itangiriro 12, dusangamo ko kumvira umuhamagaro w’Imana kwa Abrahamu kwabaye mbere cyane  y’uko agirana n’ Imana isezerano  ryo gukebwa kwe n’abazamukomokaho bose mu buryo bw’umubiri (Itang.17). Ukumvira umuhamagaro w’Imana kwe niko kwabaye igipimo gikomeye cyo kuyizera kwe (Abaheb.11,8). Ngo ninacyo gituma yitwa sekuruza w’abizera bose (Rm.4,11b).

Aha icyo nashatse ko dutekerezaho twese ni uko buri wese yifashe imbere y’umuhamagaro w’Imana kuri twe,ibinyujije muri Yesu Kristo   no m’Umwuka Wera.  Ibyo birumvikana ko hagati y’imibereho y’Abrahamu n’iyacu hari itandukaniro koko, nyamara ariko hagati y’imyi zerere ye n’iyacu, nta tandukaniro ryagombye kuhaba, kuko nyine ari sekuruza w’abizera bose. Ahubwo twagombye gutekereza neza k’ukwizera kwa buri wese uko kugenda kumera. Ibyo twabireba buri wese agiye asuzuma uko yifashe imbere w’Imana,mbese uko asubiza.

Umuhamagaro w’Abrahamu ryari nk’itegeko (Itang.12,1). Yagombaga kuva aho yari amenyereye kuba mu mutuzo w’umuryango we, maze ngo ajye mu gihugu atazi uko hameze. Nyamara ibyo byose ntibyamuteye gutindiganya kugenda. Icyo rero ni ikimenyetso gikome ye cyane kigaragaza  uko yizera uwo wari abimutegetse. Ninacyo cyatumye iyo yari yizeye iyo,imusezeranya umugisha kuko yari imuhamagariye guta ubutunzi bwe ndetse no guta igihugu cye,kubwo kujya aho atazi na mba. Kuko Imana irimo kumubwira ngo ni aho izamwereka gusa. Ukumva umuhamagaro kwe no kuva aho yari ari n’ibyerekana ko yagiriye icyizere gikomeye cyane,ari nacyo cyatu mye ayumvira vuba.

Natwe buri gihe hari umuhamagaro w’Imana kuri buri wese, ndetse umuhamagaro wa mbere na mbere ni uwo kwihana (Ibyak.17,30). Aha nukuvuga guhindukirira Iyo Iduhamagara,buri wese yemera ibyaha bye,kandi kwizerera mu izina rya Yesu Kristo, Umukiza. Kwizera rero bisobanura kugira icyizere mu Mana,ukanitegura kuyumvira. Aho niho tuba tugaragaje ko mu izina rya Yesu Kristo, ko byose tubyeguriye Imana: ibyaha byacu byose harimo ukwikunda kwacu,ubwoba bwacu mu mibereho yacu, muri make,mu bituzenge reza byose. Ubwo nibwo tuzavuga aka wa muhimbyi wa zaburi wagize ati: “Warambohoye,ubwo nari mfite umubabaro,” (Zab.4,2b).

Nitubyifatamo dutyo bizatuma tuba abana b’Abrahamu by’ukuri kandi tuzanahabwe imigisha itagabanije na mba. Tuyiyegurire twese.

Speak Your Mind

*