Igisubizo ku ingorane zacu.

Igisubizo ku ingorane zacu.

Iyo umuntu yitegereje neza asanga ko buri munsi haba hari ingorane za muntu z’uburyo bwinshi. Ngizo izerekeranye na imitegekere n’imiyoborere ari byo byitwa politiki, izerekeranye n’amafaranga, izerekeranye n’ibiribwa n’izindi n’izindi.  Izo kandi ni izo muri rusange, kuko hariho n’izindi rekeranye na buri muntu ku giti cye:ku umurimo, mu bashakanye,mu miryango,mu baturanyi n’izindi… Mbese ntaho bwikera mu gihe icyari cyo cyose,buri wese ahora yibaza ku byerekeranye n’imibereho ye.

None se nubwo bimeze bityo twe abizeye Kristo Yesu twumva tubyifashemo dute? Nukuvuga ngo twe twatekereza kuri iyo mibereho dute? Mu by’ukuri nubwo natwe buri wese yatekereza ku imibereho ye, ariko nka uwizera Iyahanze byose yagombye kuyitekerezaho ashingiye ku icyo Ijambo ry’ Imana ritwigishaho. Mbere na mbere yagombye kwibaza ku icyerekezo n’igisobanuro cy’imibereho ye,aho niho hari ubumenyi bukwiriye. Yego ni ukwibaza kutoroheye muntu,kuko bishaka ubuhanga bukomeye.

Ni nayo mpamvu aha Bibliya idusaba kwibaza aho ubuhanga ndetse n’ubumenyi nyabwo bukomoka (Yobu 28,12.20). Yo ubwayo itwereka itubwira ko “Bwihishe  amaso ya muntu wese,n’inyoni zo mu kirere ntizibuzi” (28,21). Ariko nanone ikatwereka ko ubwo buhanga cyangwa ubumenyi hamwe no kujijuka, biboneka mu kubaha Uwiteka no kuva mu byaha (28,28).

Nukuvuga ko rero, icy’ ingenzi ari nacyo gisubizo cya nyacyo muri ya mibereho ya muntu twavuze hejuru,  tukibona mu ukubaha Imana yaremye ijuru n’isi ikanatwoherereza Umwana wayo Yesu Kristo kuducungu ra ibyaha byacu”. Ari nayo mpamvu nyine tugomba kuzibukira ibyo byaha by’uburyo bwinshi bituma tuta gira amahoro mu mibereho yacu ya buri munsi.

Kubaha Uwiteka Imana  rero no kuva mu byaha kwacu bituma twumva duhagijwe nayo kuko Yesu Umwana wayo atubera byose. Imana ikaba itatuba kure mu mibereho yacu ahubwo ituba hafi buri gihe. Si Imana iduciraho iteka,ahubwo iradushaka kuko idukunda. Kandi muribuka aho yarinze kujya gushaka Adamu na Eva bigeza naho ihamagara Adamu (Itang.3,9). Imana yakunze muntu koko, ahubwo muntu ni we wihemuki ra  kubwo ukutizera kwe. Ibyo byose biterwa na Satani uhora acunaguza muntu,mbese amubuza epfo na ruguru kugira ngo amuteshe inzira yo kwizera. 

Satani uwo nukumurwanya rero dushikamye cyane kugira ngo ye gukomeza kutubuza amahoro no kudute sha inzira y’ubugingo buhoraho kuko ari yo kamere ye (Yoh.8,44).  Twemere ko turi abanyantege nke, ahu bwo twibere mu biganza by’Imana kubw’ imibereho y’iki gihe ni iy’igihe kizaza. None n’ejo byacu bibe mu biganza bye. Ari nacyo gituma imibereho yanjye niyumvamo ko imurikiwe n’umucyo nyawo, kuko Umwami wanjye ari we unyoboye. Imbaraga n’ubutwari bibonerwa mu rukundo rwe. Ni ashimwe iteka ryose. Amen.

Speak Your Mind

*