U Rwanda Ruzubakwa n'Amaboko y'Abana Barwo Bose

Turatabariza Umuyobozi w’ishyaka PS Imberakuri Bernard Ntaganda

par BAKUNZIBAKE Alexis,
Visi Prezida wa mbere w’ishyaka PS IMBERAKURI.

Bernard Ntaganda mu rukiko

Bernard Ntaganda mu rukiko

Kigali kuwa 31 Ukwakira 2011 – Nk’uko twari twabibamenyesheje, kuri uyu wa gatatu taliki ya 02 Ugushyingo 2011, Umuyobozi w’ishyaka riharanira imibereho myiza PS IMBERAKURI, Me Bernard NTAGANDA yagombaga kwitaba urukiko rukuru rw’ubujurire.

Abarwanashyaka baturutse imihanda yose bari babukereye kugirango bareke Umuyobozi w’ishyaka ndetse n’ubutegetsi bwa FPR ko gufunga Umuyobozi wabo bitigeze bibaca integer na busa ko ahubwo byatumye ingufu ZO GUHARANIRA UKURI, mu RUKUNDO, UBUTABERA n’UMURIMO ziyongera ku buryo leta itakekaga. Ishyaka PS IMBERAKURI rikaba rimenyesha abanyarwanda, inshuti z’u Rwanda n’Imberakuri by’umwihariko ibi bikurikira:

1.- Ku mpamvu z’ubushinjacya, urubanza rwa Me Bernard NTAGANDA rwasubitswe rwimurirwa kuwa 16 Mutarama 2012 nyamara nta bisobanuro bifatika bitanzwe.

2.- Ubushinjacyaha bwasubitse urubanza nyuma y’aho abatangabuhamya urukiko rukuru rwa KIGALI rwari rwashingiyeho mukwemeza ibyaha ruhamya Me Bernard NTAGANDA bandikiye urukiko rw’ubujurire barubusaba guhabwa umwanya wo kwisobanura kubyo ubushinjacyaha bubabeshyera mu birego bwagejeje ku rukiko. Ibi biragaragaza neza ko ubushinja cyaha bwihaye umwanya wo kongera guhimba himba ibirego, cyane ko tumaze kumenyako n’abatangabuhamya bandikiye urukiko ubu bari ku nkeke y’ubutegetsi bubasaba kongera kwisubiraho.

3.- Ishyaka PS IMBERAKURI rirahamagarira amahanga gukurikirana iri subikwa ryahato nahato ry’imanza z’abanyapolitiki cyane ko n’urwa Bwana Deo MUSHAYIDI, umuyobozi wa PDP IMANZI narwo rwimuriwe umwaka utaha. Ibi byerekana ubwoba Leta ya Kigali ifite bwo guhangana n’ukuri. Hagomba ubutwari mu gukemura ikibazo leta y’u Rwanda ifitanye n’abatavuga rumwe nayo cyane cyane ko biyemeje kurwanya ikinyoma cyayo.
[PS IMBERAKURI]

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Simbikangwa says:

    Birababaje cyane kuko buriya Fpr yatinye ikimwaro igomba kwerekwa mu kinyoma cyo kuba ikomeje kubeshyera abanyepolitike. Erega iriya ngoyi izacibwa na Nyakuvugirwa ingoma n’impundu UMWAMI NYIRI U RWANDA KIGELI V wenyine.

  2. ukuri says:

    ariko abaswa baragwira ubwo mwirirwa mwiruka inyuma ya Ntaganda koko? rero ni mureke mbabwire ukuri Ntaganda ntaho yabageza keretse niba hari inyungu mumutezeho kuko ntaganda ni umuntu udakomeye mumutwe uzarebe ko hari umuzungu ukimwirukaho bari baziko azabageza kubyo bashaka none basanze ari umuswa kuburyo budasubirwaho umuntu w’umugabo bara mufunga akazana imyiryo ngo ntiyarya ibyo muri gereza. reka mbabwire ni ubwo politike isaba abantu b’intyoza ntabwo abantubose bafite amagambo menshi bakina politike cyane cyane nka Ntaganda.

Speak Your Mind

*