U Rwanda Ruzubakwa n'Amaboko y'Abana Barwo Bose

Paul Kagame akomeje kugera ikirenge cye mu cya Hitler

par Habimana Rukundo.

Kagame, le Hitler africain

Kagame, le Hitler africain

Ese uRwanda kugeza ubu rufite impunzi zingahe? Inkotanyi zinjira mu Rwanda zatahanye impunzi zingahe? Ese zagize bangahe impunzi?

Umugabo Adolf Hitler yayoboye igihugu cy’Ubudage agikururira amakuba akomeye bitewe n’ubutegetsi bwe bw’igitugu na mpatsibihugu bituma havuka intambara ya kabiri y’isi yose. Uwo mugabo akaba yaravukaga mu gihugu cya Autriche, aza kunanirwa amashuri yiyegurira ubugeni n’ubukorikori. Nyuma y’intambara ya mbere y’isi yashinze ishyaka ryitwa NAZI. Kugirango yigarurire abadage, yabumvishije ko bagomba kwiha agaciro basuzugura imyanzuro yafatiwe icyo gihugu nyuma yo gutsindwa intambara ya mbere y’isi yose. Icya kabiri ni uko yumvishije Abadage ko ari ubwoko bw’Imana bakaba bagomba kwikiza Ubwoko bw’Abayahudi bubyiyitirira. Nyamara abakurikiranye igisekuru cya Hitler bakaba bemeza ko inkomoko ye ari umuyahudi wo mu gisekuru cya kane. Abahanga muby’amateka bakaba bavuga ko yishe abayahudi cyane abaziza ko ngo bamubangamira mu kugera ku ntego ye yo kwikuza akaba yarashinjaga abayahudi kuba ko biyemera cyane bigatuma bagorana mu kubayobora.

Kagame nawe rero bizwi ko ari umututsi ariko kugirango akomeze kugumana ubutegetsi no kwigarurira ibihugu, yagize abatutsi ibitambo by’ubutegetsi bwe. Yabanje kwerekana ko abatutsi bahungiye hanze y’igihugu barenganye akaba yiyemeje kubacyura ku mbaraga, akaba yaremezaga ko abatutsi bari imbere mu Rwanda ari bo babi ko ntaho bataniye n’abahutu. Amaze gushoza intambara yakuruye urwango hagati y’amoko yakongeje umuriro ahanura indege yarimo Prezida Habyarimana. Ubwo abatutsi bari mu gihugu nibo bishyuye icyo gikorwa kibi cya Kagame, ubwo bikaba byarahaye Kagame imbaraga zo gufata ubutegetsi, kwica abahutu ntawe umukomye imbere, bimuha n’uburenganzira bwo gufata Congo yica abo ashatse anasahura icyo gihugu kugeza ubu, amahanga yose arebera.

Ubu rero biragaragara ko Kagame ageze mu yindi ntera, arimo yica abatutsi agashima abahutu yitaga abajenosideri, bishatse kuvuga ko abahutu atari ikibazo ko ahubwo ikibazo ari abatutsi basangiye amaraso, bakaba baramufashije kugera aho ageze. Ariko Kagame azi ko icyo yitwaza kugira ngo agume kuri ubwo butegetsi n’abatutsi basangiye amaraso nabo babyitwaza nabo bakabufata! Kuri Kagame rero umwanzi si umuhutu ahubwo ni umututsi wo mu bwoko bwe, bikaba bihuye neza na politiki ya Hitler wabonaga abayahudi nk’abagome bagomba kurimbuka n’ubwo yari azi neza ko aribwo bwoko bwe! Niyo mpamvu bitagombye gutangaza cyane nimubona Kagame akomeje kwirenza abatutsi bashaka kugira icyo bavuga ku butegetsi bwe, abishe Rwisereka bakagororerwa…

Ibyo kwegeza abatutsi ku ruhande Kagame yabikoze buhorobuhoro, kuko mu byukuri na jenoside yabakorewe Kagame ntayemera, kuko ntiyaba ayemera ngo avuge ko nta bwoko bukiba mu Rwanda, nyuma ngo yongere avuge ko habayeho jenoside y’abatutsi batabaho!!

Ikindi cyagiye kigaragara kugeza na n’ubu mu Rwanda ni uko iyo abaturage b’akarere aka n’aka bashatse kugira icyo babaza ubutegetsi bwa Kagame, intore zishinzwe kurengera ubutegetsi bwe zica umututsi noneho bakavuga ko ari interahamwe zakoze ubwo bwicanyi kugirango bashakishe abaturage baba bajijutse muri ako karere bagerekweho icyo gikorwa! Ni ukuvuga ko abatutsi babereyeho kumena amaraso yabo kugirango Kagame akomeze aganze!  Ubu abagezweho ni abahutu b’intagondwa azi neza ko badashobora kurwanira umwanya we ahubwo bakibera mu buhake bwe! Kuko bazi neza ko yabise abicanyi kuva kera.

Abatutsi rero murarye muri menge, ntabwo Kagame azababarira cyangwa ngo ababazwe n’urupfu rwanyu kuko rutuma akomeza gushimangira ubutegetsi bwe. Niyo mpamvu IBUKA ntacyo ishobora kuvuga ku bahutu bashinjwe ubujenosideri none bakaba bari kugororerwa! Ubu ngo Kagame asigaye yemera cyane imvugo yateye mu Rwanda igira iti : “Umuhutu ni nk’imodoka ikwicira umuntu, nyamara ukongera kuyitabaza ugiye kumushyingura !

 

 

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Rwamu Rwamukwaya says:

    Yewe Kagame iminsi ye irabaze, amaraso yanyoye ari hafi kuyaruka.
    Mumureke tuuuu!

  2. Aristide says:

    ?????!!!!! ndibaza, uwanditse ibi cyangwa utekereza ibi yansubiza? amaraso y’abatutsi cyangwa ay’abahutu asa ate? kuvuga ngo “abatutsi basangiye amaraso”. wibagiwe ko twese turi bene Kanyarwanda kandi twagombye gushaka ibyiza twirengagije ibidutanya kuva kera tukareba ibiduhuza kuko nibyo byiza kandi byinshi. icyampa abanyarwanda twese aho turi tukumva ko “ICYO DUPFANA KIRUTA ICYO DUPFA”. ndacyeka uwanditse ibi ntago agamije gusenya President Kagame ahubwo afite urwango rushingiye ku moko gusa. Twese twarakomeretse, ariko ni byiza ko twiyubaka. That was my point

  3. Marvella says:

    ..uwandits iyi nkuru yo hejuru icyo namubwira nuko anteye umutima mubu wo kwanga kagame kdi namukundaga,mpise nibaza impamvu abantu bayobora ibigo bikomeye mu rwanda ari ba come from..but rwandese by nationality..ariko icyo nakiyubakiraho nangira nti kubaho kwazo..si kubw impuhwe zako!ubwo rero abantu bamwe bareke kudutoba mu mitwe twibereho byoroheje..kuko none nibo ejo nitwe nka gatebe.

  4. aimable says:

    reka mbaze uwanditse inkuru ibanziriza uwo nkurikiye nti ese wowe utazanye amoko uzanye abatutsi mukanwa kawe wowe atari ukuyabyutsa shahu ceceka kuko wowe warababuze ariko baribukwa nahose ngewe wababuze kumpamvu yoko murugo twari twahishe abo batutsi murimo muvuga hanyuma interahamwe zikaza zikanyicira umuryango naho inkotanyi ziziye aho iwacu bapfuye baduhishe hamwenabo batutsi badutabye murwina inkotanyi ntizabatwaye bajya kutujyana njyewe namushikiwanjye abotwari twahishe akaba aribo bavuga ngo nabariya nabo nabahutu ntibatuge inyuma ubwo mushiki wanjye akabanawe inkotanyi ziramwishe ngasigara nangara mfite imyaka 10 kugeza nanubu ngaho namwe mumbwire ndiki muri byose abandi farg irabafasha naho njyewe ndiko ndapfa ukeka ko njyewe abo nabuze atari abantu ari ibisimba gusandacyariho ndahumeka reka rero kuvuga ko bakwibutsa amaraso y’abatutsi kuko natwe interahamwe ziciye nabandi nabo bakaza bica agasigaye turaho turahumeka

  5. amina says:

    sha byaratugoye ariko tugera kubwiyunge nawerero wamugabowe byihanganire kandi nawe bitagezeho kuko twese turibamwe kandi ndagushimiye kuba ubigaragaje ihangane kuko niko isi yari yatugize yariyatwanze turamarana bitewe nabazungu rero byihanganire twese dusenyere umugozi umwe gusa nibutsa uwavuze hejuruko tutagikeneye abatuvanga urumv nkuyumugabo nawe yarahise asubira mubyo yabayemo tureke rero gukomuretsanya

Speak Your Mind

*