U Rwanda Ruzubakwa n'Amaboko y'Abana Barwo Bose

Pasitoro Rick Warren arabwira Kagame ati abatagushyigikiye bime amatwi, “Sibo Mana”

rick-warren-kagame swearing-sm

6 Septembre 2010.
Pasitoro Rick Warren yerekana pasiporo ye nyarwanda kuri sitade Amahoro.

Kuri uyu wa mbere tariki 6 Nzeli 2010, ubwo perezida Kagame yarahiriraga kuzatunganya imirimo ashinzwe muri manda ya 2 y’imyaka 7, abakuru b’amadini batandukanye babanje gusengera uwo muhango. Abo ni Sheikh Habimana Salleh, mufti w’abayisilamu mu Rwanda, Musenyeri Smaragde Mbonyintege wa Diyosezi Gatolika ya Kabgayi, na Pastor Rick Warren wa Saddleback Church muri Leta Zunze ubumwe za Amerika, akaba n’umwe mu bagize akanama k’abajyanama ba perezida Kagame.

Pasiteri Warren yatangiye avuga ko aravuga mu izina rya Leta Zunze Ubumwe bwa Amerika. Yunzemo ati: “ndi mu rugo”, ibyo akaba yabivuze mu Kinyarwanda, yerekana pasiporo ye y’u Rwanda igenewe abadipolomate.

Mu ijambo yavuze mu cyongereza, Pasiteri Warren yabwiye abanyarwanda ko uwo munsi atari uw’irahira gusa, ahubwo ar’uw’u Rwanda rushya, ko kandi ibyabaye mu gihe cyashize byarangiye, ubu ikigezweho ari ukureba imbere.
Ni nk’aho yavuze ati jenoside yakorewe abatutsi muri 1994, ntimuyitindeho, ibyo ni ibyashize. Ati kandi gushaka kuzikura ibyakorewe abahutu n’ingabo za Kagame nk’uko birondorwa muri raporo ya ONU, nabyo ntibibateshe igihe, ibyo ni ibyashize. Ati mureke turebe imbere gusa, mu gihe kizaza.
Ati “abadashyigikiye iterambere ry’u Rwanda sibo Mana.” Iryo jambo sibo Mana akaba yarivuze mu Kinyarwanda, bituma ahabwa amashyi menshi cyane.

Mu mwaka wa 2008, pasiteri Rick Warren niwe wayoboye amasengesho igihe perezida Obama yarahiraga. Ni umwe kandi mu bajyanama bakuru b’abanyamahanga ba Prezida Kagame.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Trackbacks

  1. […] Yagize ati “Azabonere imbaraga zo kuzuza inshingano ze mu bazamufasha…U Rwanda rube aho buri wese abona muri mugenzi we umufasha n’umujyanama, akamwishimira aho kumwishisha.” Reba inyandiko: Pasitoro Rick Warren arabwira Kagame ati abatagushyigikiye bime amatwi, “Sibo Mana” […]

Speak Your Mind

*