U Rwanda Ruzubakwa n'Amaboko y'Abana Barwo Bose

Mu gihe u Rwanda rushinja ibihugu bimwe kudafata abicanyi, rurahishira abicanyi bashakishwa n’urukiko mpuzamahanga mpanabyaha

Par Charles I.

U Rwanda rwakunze gutaka cyane rushinja ibihugu bimwe kudafata abagize uruhare muri jenoside bashakishwa n’urukiko mpuzamahanga rw’Arusha cyangwa inkiko z’u Rwanda, ariko rukirengagiza gufata abashinjwa ibindi byaha by’ubwicanyi birirwa bidegebya mu Rwanda, bakorana n’inzego zabo zishinzwe umutekano kandi bashakishwa n’inkiko mpuzamahanga mpana-byaha.

Mu gihe u Rwanda rwishimira itabwa muri yombi ry’uwahoze ari umunyamabanga mukuru wa FDRL, Callixte Mbarushimana n’urukiko mpuzamahanga mpana-byaha,  ruratungwa agatoki kudashyikiriza inkiko abashakishwa n’u rwo rukiko birirwa bidegembya mu Rwanda.

Brigadier  Gen Jean Bosco Ntaganda n’umwe mu bashakishwa n’urwo rukiko kubera ibyaha by’intambara yakoreye muri Kongo. Ndetse umushinjacyaha mukuru wurwo rukiko Moreno Ocampo, akaba yatangaje akimara gufata Callixte Mbarushimana ko hazakurikiraho Ntaganda nawe umaze igihe ashakishwa n’urwo rukiko.

Amakuru avuga ko Jean Bosco Ntaganda, ushakishwa n’urwo rukiko, adasiba kwinjira mu Rwanda yidegembya nta nkomyi, ndetse akabonana n’abashinzwe umutekano barimo n’inzego z’ubutasi za Kagame. Benshi bemeza ko banakorana n’inzego z’ubutasi z’u Rwanda, dore ko ngo inshuro nyinshi iyo aje mu Rwanda aba ari kumwe n’ushinzwe ubutasi bwa gisirikare (DMI) Col  Dani Munyuza, batemberana mu modoka nk’uko bashatse, hirengagijwe ko u Rwanda rwasinye amasezerano ashyiraho urwo rukiko.

Andi makuru ariko avuga ko gufata Ntaganda bitakorohera u Rwanda, kuko akorana n’inzego zabo z’umutekano, cyane mu kumukoresha mu nyungu zabo bafite muri Kongo. Gen Ntaganda akaba yaratangiye gukorana n’igisirikare cy’ u Rwanda igihe Kagame yaramaze kugirana ikibazo na Gen Nkunda yari ashyigikiye, maze agakoresha Ntaganda wari umwungirije mu guhirika umuvandimwe we basangiye byinshi kubera inyungu ze n’iz’u Rwanda.

Ikindi kivugwa ngo nuko na nyuma yo gusenya Nkunda no kumuta muri yombi, Ntaganda yakomeje gukorana n’ubutegetsi bwa FPR mu guhashya, kwica hamwe no gucecekesha amajwi yose yari ashyigikiye Gen Nkunda wari umaze gutabwa muri yombi na Kagame k’uburyo butunguranye cyane.

Umuryango uharanira uburenganzira bw’ikiremwa-muntu Human Rights Watch, wasohoye itangazo rihamagarira Kongo gufata Gen Ntanganda. Umushakashatsi w’uwo muryango muri Kongo, yemeza ko Ntaganda amaze kwica abantu benshi cyane harimo abantu bagera ku munani (8) bari mu muryango wa Nkunda, ndetse n’abari bari mu ishyaka rya CNDP, bari bashyigikiye Nkunda. Yakomeje avuga ko hari abantu biciwe muri Kongo no mu Rwanda, yatanze urugero rwa Lt col Antoine Baribuno, Desire  Semadwinga, wiciwe Gisenyi mu Rwanda. Yakomeje avuga kandi ko abandi bose ubu baterwa ubwoba na Gen Ntaganda kuburyo bukabije cyane, kandi bakaba ntacyo bashobora gukora kuko Leta ya Kongo ndetse n’abategetsi bayo batinya Gen Ntaganda.

Amakuru ikinyamakuru Umuvugizi gikura ahantu hizewe avuga ko ubu bwicanyi abukorana n’abasirikare b’u Rwanda cyane ko umubano we n’igisirikare cy’u Rwanda ari indacyemwa; akorana n’abasirikare bo hejuru cyane nka Gen Kabarebe na Col Dani Munyuza twavuze haruguru, yinjira mu Rwanda uko abishatse kandi akakirwa n’inzego zo hejuru z’igisirikare nta mpungenge.

Gen Nkunda ubu wenda kuzuza imyaka ibiri mu buroko bw’u Rwanda, adahabwa ubutabera, agaragara nkaho yabaye ikibazo k’ubutegetsi bwa Kagame, ndetse akaba ngo ari umwe mu bantu bahangayikishije Kagame by’intangarugero, kuko mu rubanza nawe atabasha gusobanura neza icyo amufungiye.

Mu kiganiro yigeze guha umunyamakuru wa tereviziyo ya BBC, Kagame yigeze kwivugira ko ngo Nkunda ari umushyitsi w’u Rwanda , yigeze gutangaza kandi ko ngo atamuzi, ibi byose ariko bikaba biteye urujijo dore ko n’abacamanza ndetse n’ubushinja cyaha bw’u Rwanda iyo bari mu rubanza rwe wumva amagambo bavuga adasobanutse.

Ikindi nuko kuva yafungwa atarabonana n’umwunganira, cyangwa ngo agezwe imbere y’u rukiko k’umugaragaro. Ndetse n’umwunganira yasabye ko Gen Kabarebe wamufashe yitaba urukiko, agasobanura icyo yamufatiye ariko kugeza magingo aya, Gen Kabarebe yanze kwitaba urukiko.

Ikindi kivugwa nuko kugeza ubu Nkunda yaba ari ikibazo gikomeye k’u Rwanda, kuko yafashwe atagira urubanza, afatwa atagira manda y’igihugu cyangwa urukiko mpuzamahanga rumushakisha, ndetse n’iyo Kongo yigeze gusohora yari yararangije igihe. Nubwo kandi Kongo yamusabye ariko Kagame yatinye kumutanga kuko abantu benshi cyane cyane bo mu bwoko bw’abatutsi b’abanyekongo bamukunda, ndetse na bamwe mu gisirikare cye baka bamukunda nubwo batinya kubivugira ahagaragara kubera impamvu y’imiterere ya politiki ya Kagame itihanganira abatavuga rumwe nawe.

Abantu benshi rero bibaza impamvu ubutegetsi bwa Kagame butafashe Gen Ntaganda wiriranwa nabo kandi ntagushidikanya ukorana nabo, ushakishwa n’ubutabera mpuzamahanga, bagafata Gen Nkunda utagira ubutabera bumushakisha.

Aka wa mugani rero ngo  “gira so yiturwa indi” cyangwa ngo “akebo kajya iwa mugarura”, u Rwanda rwari rukwiye kubanza kubahiriza ibyo rusaba ibindi bihugu ko birukorera, mbere yo kwirirwa rubinenga ruvuga ko bidafata abo rushinja ubwicanyi.

Charles I.

[Umuvugizi]

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. NTWARI Louis says:

    Nkuko mubivuga bwana Charles mbona kuba u Rwanda rudatanga Ntaganda ari ukubera inyungu rufitanye nawe. Urebye biragaragara ko ari igikoresho cyabo.
    Naho kuba rudatanda Nkunda ngo aburane, njye nkeka ko ari uko batekereza ko yabavamo. Kuko nawe ibyo bakoranye sibikeya. Akari kera bazahitamo kuba aribo bamucira urubanza maze bamukorere ibyo bakore abandi banyapolitiki batavuga rumwe n’ubutegetsi bo mu Rwanda! Ibyo bazamubeshyera (atari uko ibyaha nyakuri yakoze bibuze, ahubwo kubera kubihisha) ntibibuze kugirango afungwe burundu, bityo babe bafunze umunwa we washoboraga kuba wabavamo!

  2. kazinamuhanda says:

    Ndasaga nange nje ngila icho nenga niba muli babandi pelezida wiki kinyamakuru yahuze urwanda numwungilije yaja guhunga bakamufata amakuru yanyu ndayakulikilana cyane ndi muli Tanzania

  3. GAKONDO Israel says:

    Nanjye iyo ntekereje kuri Nkunda nsobanukirwa neza ko H E nta nshuti agira!!!!!!! Ariko njye niringira Imana kurusha abakomeye kandi ubutwari Nkunda yatugaragarije n’umwana uzavuka azabumenya

Speak Your Mind

*