Kagame ati Ingabire namugiriye ikigongwe, ntiyabyumva!
U Rwanda Ruzubakwa n'Amaboko y'Abana Barwo Bose

Kagame ati Ingabire namugiriye ikigongwe, ntiyabyumva!

Ingabire akigera mu Rwanda, ibintu byarasakuje, abantu baramwihata baramutoteza ngo yakoze ishyano asaba ko n’abahutu barenganurwa, ndetse abenshi bakabaza ku mugaragaro impamvu adafungwa. Hari abavugaga bati ‘rwose Ingabire agira Imana’! Nawe kandi niko yabyibwiraga agira ati “nkurikije ibisanzwe bibera muri uru Rwanda, ngira Imana rwose kuba nkiriho!”

Ntibyatinze rero, Kagame yaje kuvuga ijambo imbere y’inteko ishinga amategeko, acira abanyarwanda, barimo Ingabire, umugani w’Umugabo n’Intare. Mu magambo ahinnye yagize ati:

Iyumvire aho Kagame acira abamwumva umugani w’umugabo n’intare:
[wpaudio url=”http://rwandinfo.com/audio/20100212-kagame-umugani-intare.mp3″ text=”Ngo ugira Imana? Ahubwo vuga ko ugira Intare!” dl=”0″]

Umugabo yirukankanywe n’intare, ashobora kwurira igiti. Intare ikomeza kwisihinga aho munsi yigiti, irambiwe iramwihorera, irigendera. Wa mugabo abonye intare yigendeye, ava mu giti vuba na bwangu, yiruka amasigamana, agera iwe ibyuya ari byose n’impumu zamwishe.
Abagabo ahasanze bati ‘wa mugabo we ko usa n’ugiye kuvamo umwuka ni ibiki? Aratunagurikwa yahagira cyane, maze amaze gushira impumu gato, abatekerereza uko byagenze. Arangije ati: “Nimundeke rwose, nagize Imana naho ubundi intare iba yanyishe”.
Ubwo bose bahise baseka, ni uko baramubwira bati: “uravuze ngo wagize imana? Ahubwo wagize intare!”

Icyo gihe, kuri icyo gicamunsi cyo muri Gashyantare, abumva bumvise ko Ingabire atagomba kwirara, ko intare imwibikiye, ko igihe izabishakira, iyo mana ye ntaho izaturuka!

Ubu rero intare yamwibutse, yasabye amaraso ye nka cya gihe bavugaga ngo Karinga yanyotewe!

Ingabire rero, Intare irakwifitiye, Imana igufashe.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Kany says:

    Murakagira Imana. Yewe nyamara hari aho mperutse gusoma havuga ibintu byadufasha kubaho ntakwikanga. Burya ngo ukubaho kw’inkoko n’izazo ntabwo biva ku bushake bwa’agaca, Kandi ngo uburambe bw’imbeba ntabwo buterwa n’impuhwe z’injangwe…kora neza uaharanira amahoro urukundo n’impuhwe
    ibindi bizwi n’Imana kuko ngo inkware y’inyabugingo itora mu itongo ry’uwayihigaga…Iyaba twumvaga ubanza abantu twakwisubiyeho…Uhoraho tabara abana bawe b’abanyarwanda aho bari hose…barinde ikitwa ikibi,

  2. NEZA Amon says:

    Ni uko bbimeze mu gihugu cyacu. iyo bucyeye usaba imana ngo bwire kuko hari benshi b`inzirakarengane baba badashoboye kugeza kuri iyo saha.

    Gusa igihe mbboona kigeze ngo dushire ubwoba twikusanye twihagarareho kuko ibiintu bigeze iwa ndabaga. UZAGIRA IGITEkEREZO CY`UKO BYAKORWA nanjye nunze mu rya KAREGEYA nti tumur inyuma.

  3. kobwa says:

    Bimezenabibyo na njye bigenze bityo nanjye umusanzu wa njye nawutanga

  4. cacana says:

    Sha wibeshya, ibyo mbiheruka kera, Interahamwe zitwataka, niho bwiraga ugategereza ko bucya, ugahora ubara iminsi bitewe n’uko interahamwe za gusigaje. ubu rero jye ntabyo mbona, ahubwo umuntu aba yiryamiye agategereza kubona ifunguro rimutunga, cyane cyane ko uba uvuye no kukazi, cg ku ishuri. ahubwo wowe unyibukije amakuru ya kera tukiruka tukanarara mu bigunda. sha kgl yuzuye amatara, abanyeshuri bariga, none nawe ngo iyo bukeye ntumenya ko bwira? wapi sha wishuka abadahari, twe turakeye.

  5. Rwisereka mwene Rwisigura rwa Rudacogora ingabo y'amahina says:

    Cacana bagukubite icyuhagiro ucye ubone kwinjira mu itorero naho ubundi ndabona ucyanduye birenze.

  6. adeline says:

    Rwisereka uyu simuzi,ariko rwose nawe cacana uyu mugani Kagame yaciye wawusobanuye mu buryo butajyanye kandi butumvikana

  7. kundurwanda says:

    mwebwe murangwa ni vangura,murashaka ko abantu bongera kwicana,ariko abapfuye mwabonye ari bake murashaka kongera,uwo mugore mushigikira,ngo arashaka,ko abahutu bashira ubwoba,mubona ko aribyo byarangiza ibibazo abanyarwanda bafite?reka rero mba bwire mwe mwese mwigisha urwango rukabije,ubwo mwe mubona ko mwishe abatutsi benshi,mubona ingaruka byabagizeho,guhunga,kwicwa na macinya,ni bindi byinshi,mubona noneho ni mwongera kwica abandi,Imana izabahanisha ibingana iki?Musenge twubake u Rwanda rwiza,naho ubundi ntacyo byazabamarira .

  8. kundurwanda says:

    Mu mushinja ko yababujije kwica umubare mwashakaga kugeraho harya????ese mu mugererranya na Habyarimana na kayibanda,bigishije urwango kugeza n,ubu ingaruka zarwo ikaba igaragara mu bana b,uRwanda…kerora muzabage mwifashe,kuko abanyarwanda,barambiwe ibyo mwirirwa mu babesha,kandi mu kababesha mwibereye iyo ikantarange mwara hunze mutunzwe n,ubuhunzi,n,ibigambo mwirirwa mubeshya kugirango mu beho,uko nugutema ishamwi mwicayeho…ibyiza n,ukubaka u Rwanda ruzira ibyo byose,kandi imana izabibafashemo muhinduke ,mugire umutuma uzira u rwango,ni bindi bibi mufite mu mitima yanyu.
    Mwese imana ibahe umugisha,no guhinduka mu nziara nziza.

  9. mana yanje njewe ntabwo ndumunyarwanda ariko mudasenze ibyabaye muri 94 ibizo kurikira bizoba bikomeye kuko ntabwo abanyarwanda bigeze bareka amacakubiri namatiku. menyako aho uhagaze hari abandi ninako uzohava hahagarare undi. amasengesho n urukundo biraruta.

  10. private buy proxies says:

    There’s certainly a lot to know about this issue. I like all of the points you made.

Speak Your Mind

*