Ishyaka PSD ryemeje ko Jean Damascene Ntawukuriryayo ariwe mukandida waryo mu matora yo guhitamo Umukuru w’Igihugu
U Rwanda Ruzubakwa n'Amaboko y'Abana Barwo Bose

Ishyaka PSD ryemeje ko Jean Damascene Ntawukuriryayo ariwe mukandida waryo mu matora yo guhitamo Umukuru w’Igihugu

Dr Jean Damascene Ntawukuriryayo, Umukandida wa PSD

Dr Jean Damascene Ntawukuriryayo, Umukandida wa PSD

Kuri uyu wa gatandatu 22 Gicurasi, Kongere ya 4 y’Ishyaka Riharanira Demokarsi n’Imibereho Myiza, PSD yateraniye muri Rainbow Hotel ku Kicukiro, yemeza Dr Jean Damascene Ntawukuriryayo nk’umukandida waryo mu matora y’umukuru w’igihugu ateganyijwe muri Kanama.

Akimara kwemezwa n’abarwanashyaka ko ariwe uzahagararira PSD mu matora, Dr Jean Damascene Ntawukuriryayo yashimiye abarwanashyaka icyizere bamugiriye n’inkunga bazamutera mu kumwamamaza.

Perezida w’Ishyaka Dr Vincent Biruta yavuze ijambo, ashimira abari bagize Komite Nyobozi icyuye igihe, kubera ubwitange bagaragaje, ashimira abagize Bureau Politique uburyo bafashije Komite Nyobozi, anashimira abayoboke b’Ishyaka PSD imikorere myiza yabaranze mu kwitangira Ishyaka no gushaka abandi bayoboke.

Iyo kongere yemeje ko manda ya komite nyobozi icyuye igihe itagombera kugeza mu Ukwakira uyu mwaka, isabwa gusoza imirimo yayo.
Abarwanashyaka bari muri kongere rero batoye komite nyobozi nshya, ikaba igizwe na:

  • Perezida: BwanaVincent Biruta
  • Visi Perezida: Bwana Mariko Rugenera,
  • Visi Perezida wa kabiri: Madamu Jacqueline Mukakanyamugenge,
  • Umunyamabanga Mukuru: Dr Jean Damascene Ntwawukuriryayo
  • Umunyamabanga Mukuru Wungirije Ushinzwe Uburinganire: Madamu Aurelie Gahongayire,
  • Umunyambanga Mukuru Wungirije ushinzwe Urubyiruko: Bwana Theodomir Niyonsenga,
  • Umubitisi Mukuru w’Ishyaka: Madamu Penelope Kantarama.

Iyo Kongere kandi yemeje ingingo zahindutse mu itegeko shingiro ryo mu mwaka wa 2005. Iyi kongere yasojwe hemejwe raporo y’ibyakozwe ndetse na raporo y’umutungo muri manda y’imyaka itanu ishize.

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Speak Your Mind

*