Bernard Ntaganda ngo amerewe nabi muri gereza
U Rwanda Ruzubakwa n'Amaboko y'Abana Barwo Bose

Bernard Ntaganda ngo amerewe nabi muri gereza

Mw’itangazo ryashyize ahagaragara, Ishyaka P.S.IMBERAKURI riravuga ko rikomeje kubabazwa cyane n’ itotezwa rikorerwa umuyobozi waryo Nyakubahwa Me Bernard NTAGANDA akaba ari nawe mukandida rukumbi ishyaka PS IMBERAKURI ryatanze wo kurihagararira mu matora y’umukuru w’igihugu,

PS Imberakuri iravuga ko kuva Bernard Ntaganda yafatwa kugeza ubu ngo bakomeje kumugaraguza agati kuko atabona uburenganzira busesuye ahabwa
n’amategeko.

Ishyaka PS Imberakuri rirasanga icyemezo cyafashwe cyo gufungira Me Bernard NTAGANDA ahantu habi hameze nabi cyane, byongeye no kuburabuza abamugemuriye kugeza aho bamwe muri bo basubiye iyo baturutse bikoreye ibyo bari bamaze guhaha.

Ibi ngo birashimangira umugambi mubisha wo kumwica urw’ agashinyaguro, ibi bikaba bigaragara kandi nk’igihano Leta ya Kigali yamuhaye kubera ibitekerezo bye bya Politike mukunenga ibitagenda mu gihugu.

Ishyaka P.S Imberakuri ryongeye gusaba leta ya Kigali kugaragaza aho Aimable SIBOMANA RUSANGWA, umunyamabanga wihariye w’umukuru w’Ishyaka aherereye.

Riributsa ko yashimuswe mu ijoro ryo kuwa 13 Kamena 2010 kugeza ubu tukaba tutazi amarengero ye.

Ishyaka PS Imberakuri rikaba risaba Leta ya Kigali gusobanura aho yamushyize hamwe n’abandi bayobozi b’inzego zinyuranye bagiye baburirwa irengero.

Leta y’u Rwanda ariko kugeza ubu ntacyo irabivugaho.

[BBC]

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Ambrose Nzeyimana says:

    Can we get a list of all the people, possibly also their pictures, and their political affiliations if any, who disappeared recently (during the months leading to the elections)?

    Several political parties have announced a number of people who disappeared. A cumulative exercise could show the scale of the issue for anyone interested.

Speak Your Mind

*