U Rwanda Ruzubakwa n'Amaboko y'Abana Barwo Bose

Afurika y’epfo yafashe abandi 5 baregwa kugira uruhare mu iraswa rya Gen. Kayumba Nyamwasa

Polisi ya Afurika y’epfo kuri uyu wa Gatatu yatangaje ko yafashe abandi bantu 5 bakekwaho kuba baragize uruhare mu iraswa rya Lt Gen Faustin Kayumba Nyamwasa ryabaye tariki 16/6/2010 i Johannesburg.
Abo bantu bakaba barafashwe biyongera ku bandi 6 bari bafashwe mbere iryo raswa rimaze iminsi mike ribaye, ariko hari hasigayemo batanu kuko uwitwa Francis Gakwerere w’umunyarwanda we yari yarekuwe.

Abo batanu ba nyuma bakaba barafashwe mu kwa gatandatu n’ukwa karindwi, ngo ariko bikaba bitari ngombwa kubibwira itangazamakuru muri icyo gihe, nk’uko bitaganzwa na Brig. Govindsamy Mariemuthoo uvugira icyo gipolisi. Kugira ngo ibyabo bimenyekane ni uko kuri uyu wa gatatu tariki 25/8/2010 bagejejwe imbere y’ubutabera bari kumwe na babandi batanu ba mbere.

Umushinjacyaha wo muri Afurika y’epfo yavuze ko abo bantu ari ibikoresho by’igihugu cyo hanze atavuze izina; bose bagejejwe imbere y’ubucamanza uyu munsi.

Abategetsi ba Afurika y’epfo bavuga ko ubu Gen Kayumba Nyamwasa arindiwe ahantu h’ibanga na polisi ya Afurika y’epfo.

Icyo kibazo cya Nyamwasa cyateje ubwumvikane buke mu mubano w’u Rwanda n’Afurika y’epfo ku buryo Afurika y’epfo yahamagaje Ambasaderi wayo mu Rwanda.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. NEZA Amon says:

    Ntawe utagira agahinda kubikorwa bigayitse bikorwa n`abayobozi bakaGombye kuturindira umutekano ariko bakaba banaduhiga aho tubahungiye bakanatwicirayo.
    ndi umwe mu bantu baherutse gukomerekera mu nkambi y`impunzi ya NAKIVALE-UGANDA baducyura kungufu mu gihugu bahinduye IBAGIRO. Gusa nihagira ugira ubutwari bwo gutaha azadukoreho tumuherekeze kabone n`ubwo yakoresha UMUHETO kuko twiteguye kwiga kuwukoresha mu gihe aribyo byazana amahoro mu rwatubyaye.
    Ni ugushaka plan B kuko turambiwe kuvugiriza INDURU IKIRURA KIRIMO KUTUMARIRA ABACU.

  2. Rukara fred says:

    arikomwagiye muca bugufi ra!ko abahunze mwese mufite ibyo muhunga,hari abazira ubusa ariko nabyo bitari shyashya,hari abishe abantu badashobora gutaha cg bahunze za gacaca,none muririrwa musakuza gusa mutera imitima mibi abanyarwanda!esubwo mubona uwabashobora arinde usibyo kwigi nkana?!?ubwose muri mwese ninde udafite imiryango muRda nubwo muvuga ngo mwarashize!wababajije ko hari ikibazo bafite usibyo mwe mubateza ibibazo!mutureke mukore ibyanyu,ubwose muzakora iki ko mutabashobora mwarusize mutarimururimo!

  3. nana p.carmen says:

    urakabije kwishongora kabisa.Uwavukiye hanze ubu amaze imyaka 17.ubwo se s’umusore cyangwa inkumi,ubwo nawe yakoze genocide mu cyiyumviro cyangwa yabaye icyaha cy’inkomoko umuhutu avukana,numva bitazoroha.

Speak Your Mind

*