U Rwanda Ruzubakwa n'Amaboko y'Abana Barwo Bose

Galikani Gasana aributsa abanyarwanda ko Inyamaswa idakenga yishwe n置mututizi!

Ariko burya ngo Indyarya ihimwa n段ndyamirizi!

Banyarwanda bavandimwe,

mu minsi ishize Galikani Gasana yanditse inyandiko ifite icyo ivuze gikomeye, akebura abanyarwanda yibutsa ko kuba Diane yiyamamaza bitavanyeho amagorwa aremereye abanyarwanda kugeza ubu babohewemo batazi ikizayabakiza. Arikanga ko Kagame yaba agiye kwimikwa byuzuye mu minsi mikeya ndetse we akumva bibaye ngombwa aya matora atanabaho kandi abanyarwanda bayarwanya ataranaba, ko nta mpamvu yayo. Ibi Galikani avuga ni ukuli, ariko kandi turebye uko ibihe biteye, uko politiki y段si ihagaze n段bihugije abanyabubasha kuli iyi si mu mpande nyinshi z段si, turebye intege nke n置bwoba bukabije abanyarwanda bafite aho bari hose n置bucuti bukomeye Kagame na RPF bagifite n誕bantu n段bihugu ba/bifite ijambo rikomeye mu miyoborere y段si, ariko tutirengagije ko inyungu ibihugu by段bihangange byagiye bigira kuri Kagame zimaze kugabanyuka cyane ndetse ashobora no kuba yaratangiye kuremerera abamurwanaho, twavuga ko ibyabaye muri Burkina Faso, Tuniziya, , bigoye i Rwanda muri iki gihe.

Hari inzira igomba kubanza guharurwa bitavuze ko ari ndende byanze bikunze kuko ishobora kuba ngufi cyane. Hari intambwe n段bigomba kubaho.

Iyi niyo nzira Diane Rwigara asa n置waharuye rero kandi akaba akiri kuyikuramo ibihuru by置mutamenwa. Ibi bisobanuye ko abaye webyine hagati mu bwoba butagabanyuka bwa bose, ibihuru ntiyabimaramo byose mu minsi mike afite. Ariko aramutse Ahawe umuganda ukwiye na benshi cyane, igihuru cyarigita mu kanya nk誕ko guhumbya! Maze ababaho mu mwijima bamenyereye gukorera byose mu icuraburindi bagashaka aho bazimirira cyangwa se bakitoza kuba ahabona hari umucyo, kuko nabyo byaba ari byiza. Ikindi intambwe ateye yagombye gutuma abanyarwanda batangira gutinyuka bagashakisha icyabazanira umunezero bose nta n置mwe uvuyemo, bakagiharanira, bagahaguruka bagahagarara kandi ari benshi. Twese biratureba.

Tugarutse ku byo Galikani yavuze, yagaragaje ko Kagame yaba agiye kwimikwa. Kandi koko ni ibishoboka. Mu gihe nta banyarwanda bahagurutse ngo bateme igihuru ari benshi, uyu mukobwa w置mugabo cyane ashobora kurengerwa n段shyamba, hanyuma Kagame agatsinda amatora (kuko kuyiba byo ni nk段hame rye), noneho akahakura n段shema ryo kwitwa ko yihanganiye abamurwanya nka Diane Rwigara wanavuze ibibi kuri we, uretse ko nta uyobewe ko n置bundi amahanga byose abizi akaba yarahisemo kubiceceka no kubifata nk誕ho ari ibyo kwihanganirwa. Baca umugani mu Kinyarwanda ngo Ububabare bw置ndi ntibukubuza gusinzira, kandi ngo Ubabaye niwe ubanda urugi. Abanyarwanda nibo bababaye si ibihugu by誕mahanga bibabaye.

Niba Kagame agize abamwigisha kwihanganira amagambo ya Diane Rwigara (kandi ibi FPR na DMI babishobora), niyiba amatora, abamushyigikiye bazitwaza ko atanga ubwisanzure maze bamwongerere inkunga yo gukadamiza abanyarwanda.

Bivuze ko Diane ashobora gukoreshwa nk誕gakingirizo k段tekinika ryo ku rwego rwo hejuru yewe nawe ubwe atabizi. Twizere ko ibi yabitekerejeho. Amenye ko FPR itavutse ejo, ko na Kagame atari uruhinja mu mikino bene iyi! Abe maso kandi abanyarwanda barangamiye impinduka bagire amakenga. Nibahabe intwari maze nibigira bitya batabare.

Dore abazungu baravuga ngo 鄭 malin, malin-et-demi, naho abanyarwanda bati Umutego mutindi ucakira nyirawo; ubu nyine abanyarwanda nabo bashobora gufatirana ibintu aho bigenda bigezwa, bakabona ko Diane yatinyutse guturitsa ikibyimba, akavuga, akagaragaza ibintu uko biri mu gihugu, birasaba rero ko habaho uguhagurukira rimwe n置kugendera hamwe (ikintu kigoye cyane ku banyarwanda muri ibi bihe), maze bakinyara mu isunzu bakahagoboka! Bitabaye ibyo rero, uyu mwana w置mwega ikamba ry置bwami araryiyambika muli Kanama da aritereho icyapa cy置buziraherezo!

Icyo twabivugaho: Ibi bihe ni ibyo kwitonderwa no kwitondamo bitavuze kugenda buke; ni ukugira imbaraga zishoboka zose no kunyaruka mu bikorwa. Abantu nibakanguke ku bwinshi kandi bagire icyo biyemeza, abatabara batabare amayira asiburwe, ibihinduka bihinduke n段yo byasaba ikiguzi gikomeye (sacrifice), maze n段juru ridukundire ritange umucyo, ituze n置munezero.

Bamara

Umunyarwanda

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. iseta says:

    Bamara we,igitekerezo utanga kirumvikana ndetse cyane,aliko ikibabaje ni uko umunyarwanda w’iki gihe n’iyo umucaniye itara arahumiliza ngo atabona uwo mucyo. Muli make Diane yali atanze umucyo twagombye kugendamo kabone n’iyo twahuliramo n’ibikoko by’inkazi kandi ntibizabura. None se ko mbona na ba banyamashyaka baruciye bakarumira,harya rubanda ni yo izifata ihaguruke ijye inyuma y’uliya mwali itagira uyipangira gahunda bizashoboka koko,ko na we yahisemo kwishora nta mutwe wa politiki n’umwe ahagaraliye cg umushyigikiye ku mugaragaro?! Ubutwali yagaragaje bukwiye kuduhwitura,urwna n’intare ntagira ubwoba kandi ntakura ikirenge ngo agisubize inyuma.

Speak Your Mind

*