Warning: Cannot modify header information - headers already sent by (output started at /home3/lifestyl/public_html/rwandinfo.com/wp-content/mu-plugins/index.php:75) in /home3/lifestyl/public_html/rwandinfo.com/wp-content/plugins/wp-super-cache/wp-cache-phase2.php on line 62
Niyihe ndoro yacu kuri Yesu?

Niyihe ndoro yacu kuri Yesu?

Uyu mutwe w’inyigisho y’uyu munsi ishingiye ku ibibazo byinshi ariko by’uburyo butari bumwe bijyanye nuko buri bantu babona Yesu. Iyo usomye inyandiko zose zifite icyo zivuga kuri Yesu,usanga buri wese afite uko amubona. Bamwe bati  “Ni Imana” abandi bati “Siyo”. Bamwe bati “Ni Umwami” abandi bati “Si We” n’ibindi bindi byinshi bamutekerejeho kugeza magingo aya.

Jye rero nashatse ko twibaza uko twe tumubona,nkurikije urugero rutangaje rw’abantu babiri: umwe muri ba bagome bari babambanywe  na Yesu ku musaraba (Luk.23,40-43) n’umutware w’abasirikare (23,47). Iyo urebye neza usanga ko Yesu Kristo yahanganye n’ibibazo byinshi kandi bikomeye mu mibereho ye. Ariko bigeze mu gihe cye cyo gufatwa, mu cy’urubanza rwe,yewe amaze no kurucirwa kugeza ari k’umusara ba ho biba akamaramaza.

Muri icyo gice cya Luka 23 hatwereka ko amaze no kubambwa ngo rubanda rwagumyaho rumurebera. nde  tse ngo abatware bo bakamunnyega bavuga ngo “yakijije abandi,ngaho na we niyikize,niba ari we Kristo  Intore y’Imana!”     Abasirikare na bo ngo baramukwennye cyane ku buryo banageze aho bamuha divayi irura, bavuga ngo “Niba ari umwami w’Abayuda, ngaho ni yikize ubwe” (23,35-37).  Umwe muri ba bagome  babiri bari babambanywe na Yesu ngo yamututse avuga ngo “Harya si we Kristo? Ngaho niyikize ubwe,nabo abakize! “(23,39).

Ugutaka k’uyu mugome ni ijwi rikomotse k’ubwihebe no kutagira icyo yiringiye kindi. Mbese we yiyumva mo ko ntacyo akiramira. Ariko Imana ishimwe cyane kuko iruhande rwe hari undi m’urubanza nk’urwe kandi rwo rw’ukuri kubera ko bahaniwe icyaha kiri cyo koko. Ari nacyo cyatumye acyaha mugenzi we agira ati: “Mbese ntutinya Imana,wowe waciriwe rumwe na we! Twebweho turazira ukuri,turaryozwa ibibi twako ze;naho we nta kibi yakoze  (23,40-41).

Biragaragara ko abantu batabona ibintu kimwe bitewe nuko biyumva muri byo. Nukuvuga ko hariho abarebana umutinama wa bo, maze ibyo bikabatera kubona ibintu uko biri kwa nyako. Ababona batyo rero ni abarebana umutima wo kwizera kujyanye n’ukwemera. Umutima umeze utyo watumye atwama mugenzi we maze yibwirira Yesu akoresheje ijambo ry’ukwizera n’ibyiringiro agira ati:”Mwami,uzanyibuke ighe uzazira kwima Ingoma yawe” (23,42). Nubwo rero yari mu buryo bubabaje cyane bwo kwiyumvamo ko aretswe na bose,uwo mugome yabonye muri Yesu ko ariwe wenyine ushobora kumuvana m’urupfu n’ububabare. Biratangaje kubona ko yahise asobanukirwa ko Yesu uwo ari Umwami uzagaruka.  Yesu na we kandi ntiyatindiganije kuko yahise amwakira rwose kuko ari cyo cyamuzanye  kandi ari nacyo ababarijwe (23,43). Ni ashimwe iteka ryose.

Urundi rugero rutangaje ni urwumwe mu batware b’abasirikare. Uyu nubwo abenshi mu basirikare bari ba maze gukwena Yesu (23,36-37), nubwo ari umwe mu batware babo, yerekanye ukurebana Yesu umutima wo kwizera  ubwo yahimbazaga Imana ahamya ati: ” Koko uriya muntu yari intungane (23,47b). Habayeho rero bavuze nk’uyu mutware w’abasirikare.

Natwe twese dukwiriye kwibaza indorerwamo tureberamo Yesu Kristo niba ikwiriye nkuko tumaze kubona hejuru izo ngero nziza zo ku murebera mu ndorerwamo y’ukwizera. Ukwizera ko Yesu yapfiriye kubwo kudu kingurira inzugi z’ubwami,ubwami bw’ubuzima.  Mbese natwe buri wese yaba  yiyumvamo indirimbo ivuga ngo  : ” Iyo ndebye Umukiza wanjye, umusaraba watanzeho ubuzima bwawe, imbere y’urupfu rwawe n’imiba baro yawe, umutima wanjye uragushima ukanicisha bugufi”. Icyubahiro kibe icy’Imana Data mw’izina  rya  Umwami n’Umukiza wacu Kristo Yesu.

Speak Your Mind

*