Warning: Cannot modify header information - headers already sent by (output started at /home3/lifestyl/public_html/rwandinfo.com/wp-content/mu-plugins/index.php:75) in /home3/lifestyl/public_html/rwandinfo.com/wp-content/plugins/wp-super-cache/wp-cache-phase2.php on line 62
Yesu ati :”Nanjye rero singuciriye urubanza,genda ariko ntukongere gukora icyaha.”

Yesu ati :”Nanjye rero singuciriye urubanza,genda ariko ntukongere gukora icyaha.”

Iyo umuntu yitegereje neza ibiriho bikorwa muri iki gihe, asanga ko atari ibyo muri ibi bihe gusa  ahubwo biri kamere muntu. Nukuvuga kuva kera na kare,muntu ibye ni ugucira abandi imanza atabanje kwireba we ubwe mbere na mbere. Ubusanzwe muntu akunda gutunga abandi urutoki rumwe nyamara ntarebe ko eshatu zose uhereye ku agahera ziba ari wowe zitunzeho. Naho igikumwe cyo kigatunga mu ijuru.

Ishusho nk’iyo maze kubereka ikorwa n’intoki zacu yagaragajwe na bamwe bo mu Bayuda : Abashingamate geko n’Abafarisayo biyamatsakaga bazanira Umwami n’Umukiza Yesu umugore wari wafatiwe mu busamba  nyi (Yoh.8,2-11). Iyi mirongo irerekana ukuntu mu gihe abantu bamwe bishishikarijwe no gusanga Yesu ngo abigishirize aho yazindukiye mu rusengero, abandi bo,cyane cyane Abigishamategeko n’Abafarisayo bashimishijwe no kuza kurega  wafashwe asambana.

Kuri icyo kirego cy’uwo mugore rero,icyo ibanze kibabaje cyane nukuzana uwo mugore maze bakamurega  bitwaje nyamara kugoreka Amategeko ya Mose.  Bati :”Mwigisha, uyu mugore bamufashe asambana,kandi mu Mategeko,Mose yadutegetse kwicisha amabuye abagore nk’aba (8,4-5a). 

Icy’ibanze gitangaje dore uko Amategeko  asobanura neza ibyerekeranye n’icyaha cy’ubusambanyi: ” …umu sambanyi n’umusambanyikazi, bombi bazicwe.”(Lev.20,10; Dt.22,22).  None aha abazanye umunyacyaha  bazanye umwe kandi bigaragara ko abafashwe mu cyaha ari babiri. Ubwo rero nukwishingikiriza mbere na mbere ku igoramishwa ry’Itegeko . Uko niko amategeko abantu bayagoreka bakiyibagiza ibikenewe kuri muntu.

Yesu ibyo byose yabibonye mu mitima ya bo, kuko we ni Imana areba n’ibihishwe. Yaberetse ko ari urumu ri rw’isi kandi ko azi byose. Ikindi kandi yazanywe no guha agakiza abadashaka guhama mu byaha ndetse no kuzapfiramo nkuko yabibonaga bizaba ku Banyamategeko n’Abafarisayo (Yoh.8,21,24). Abamwizera bose rero bazahabwa ubugingo buhoraho nta kabuza.

Uwo mugore na we niko byamugendekeye. Yabigaragaje ubwo yicishaga bugufi asubiza Yesu agira ati:” Nta numwe, Mwigisha”(8,11). Yesu yarebye umutima avuganye ibyo kandi no kuba yemera icyaha ndetse  nta nababuranye ku byo kumuzana wenyine kandi yari kumwe n’umugabo. Aha yashoboraga kubimwerekezaho nkuko bigenda ubu,aho iyo umugore afashwe agerageza kwivanaho icyaha agira ati: uyu mugabo yamfashe ku ngufu.  

Kristo Yesu ntashaka ko twazapfira mu byaha byacu,ahubwo arashaka ko tudakwiriye kongera gukora icyaha mu gihe twabonye agakiza ke ku bwo kumwizera. Naho abatarakabona na bo ubu ni igihe gikwiriye.  Uyu munsi ni wo wo kwemererwamo. Nta kindi gihe ahubwo ni iki. Ni ahimbazwe iteka ryose. Amen.

Speak Your Mind

*