Victoire Ingabire kuri Paul Kagame ati: “Yaranyandagaje koko, ariko ntibimbuza kumwubaha nk’Umukuru w’Igihugu”
U Rwanda Ruzubakwa n'Amaboko y'Abana Barwo Bose

Victoire Ingabire kuri Paul Kagame ati: “Yaranyandagaje koko, ariko ntibimbuza kumwubaha nk’Umukuru w’Igihugu”

Victoire Ingabire, Umuyobozi wa FDU-Inkingi

Victoire Ingabire, Umuyobozi wa FDU-Inkingi

Umuyobozi wa FDU-Inkingi Madamu Victoire Ingabire ati sinasubiza Kagame kubera ko ndi umubyeyi.
Ati kwamagana imvugo mbi za Kagame si ukubiba amacakubiri.

Dore uko Ingabire abyandika mu tangazo rye:

Imvugo zimwe z’umukuru w’igihugu zitera kwibaza.

Ubutegetsi buraje bufunze ibinyamakuru byigenga, bushenye amashyaka ayandi buyabujije kurema inteko zayo no kwemerwa n’amategeko, bufunze abanyapoliki nka Mushayidi n’abasilikare bakuru, twavuga tuti hali ikibazo, ngo ni amacakubili.
Uti turashaka kwishyira tukizana, umuntu akagira uburenganzira bwo kugira ijambo, Perezida wa Repulika ati abo bavuga ni ibiki? Batumwe na nde?
Kuvuga ngo abantu nta mateka bagira, ngo ni umwanda, n’ibindi, bituma twibaza byinshi.
Ndetse no kwemeza ko kurasira abantu muri Kongo byari umugambi birababaje.

N’ubwo ntamusubiza kubera ko ndi umubyeyi, numvise izo mvugo muli iyi minsi ndababara cyane.
Yaranyandagaje koko, ariko ntibimbuza kumwubaha nk’Umukuru w’igihugu.

Ikindi cyantangaje kandi giteye agahinda ni izo mvugo zivuzwe mu gihe cy’icyunamo cy’itsembabwoko ryibasiye abatutsi.
Amwe muri ayo magambo yanavugiwe imbere y’imitwe yombi y’Inteko Ishinga Amategeko.
None se ubu kwamagana imvugo nk’iriya byitwe kubiba amacakubiri? Tubyemere ngo ni uko ari ubutegetsi bubivuze ?
Oya…

Victoire Ingabire
Umuyobozi wa FDU-Inkingi

Izindi nyandiko:
Address of Victoire Ingabire in captivity to Rwandans and Friends of Rwanda

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Gigi says:

    Ukwiriye kubaha perezida kagame rwose kubera ko mu byukuri ibyo agejeje ku Rwanda, ntagihe rwigeze rubigeraho. YUBATSE URWANDA RUTAGIRA IVANGURA RYAMOKO. Ibyo wavuze bitugaragariza ko uramutse ubaye perezida, nubwo bidashoboka, wahita ubyutsa ivangura ryamoko maze tugasubira mu makimbirane. Tubabarire rero utuze cyangwa wisubirire iburayi ubwire abazungu bagutumye ko mission aborted miserably. merci

Trackbacks

  1. […] Victoire Ingabire kuri Paul Kagame ati: “Yaranyandagaje koko, ariko ntibimbuza kumwubaha nk’Umuk… […]

Speak Your Mind

*