Uruzinduko rwa Col Karegeya mu Bwongereza ruhangayikishije Kagame
U Rwanda Ruzubakwa n'Amaboko y'Abana Barwo Bose

Uruzinduko rwa Col Karegeya mu Bwongereza ruhangayikishije Kagame

K. Birekeraho.

Karegeya

Patrick Karegeya arashishikariza abanyarwanda kwigobotora Kagame.

Uruzinduko rwa Col Karegeya mu Bwongereza ni kimwe mu bimenyetso bigaragaza ko amahanga arambiwe ikinyoma cya Leta ya Kagame
Mu minsi ishize, umwe mu bayobozi bari inkoramutima za Perezida Kagame akaba yaranabaye maneko we mukuru igihe kinini Col Patrick Karegeya agiriye uruzinduko mu gihugu cy’Ubwongereza kivugwa ko ari inshuti-magara y’u Rwanda.

Uruzinduko rwa Col Karegeya mu bwongereza rukaba rwaravugishije amangambure bagenzi be b’i Kigali kugeza aho umuvugizi wa gisirikare abivugana agahinda kuri radio BBC Gahuzamiryango.

Abakurikiranira hafi ibya politiki basanga uruzinduko rwa Karegeya mu Bwongereza ari kimwe mu bimenyetso bigaragaza ko amahanga agenda atahura ko bya birego Leta y’i Kigali igenda ishyira ku batavuga rumwe nayo baba abayihunze cyangwa abakiri mu gihungu ko ari ibinyoma.

Twabibutsa ko nyuma y’ihunga rya Gen Kayumba muri Afurika y’epfo Leta ya Kagame yahise itangaza ko Gen Kayumba na Col Karegeya aribo bari inyuma y’abatera ibisasu kandi isaba Leta y’Afurika y’epfo cyangwa amahanga kwihutira guta muri yombi abo bagabo babiri kubera gukora ibikorwa byitera bwoba.

Amakuru atugeraho akaba avuga ko kugeza ubu yaba leta y’Afurika y’epfo cyangwa Ubwongereza batigeze baha agaciro ibyo birego mu gihe ubundi ibyo bihugu biza ku isonga mu guhana icyaha cyitera bwoba “terrorism”.

Iki kikaba ari ikimenyetso gikomeye gishimangira ko ibihugu bimaze gutahura ko ibirego Leta ya Kagame irega abatavuga rumwe nayo ari ibihimbano, bigamije kubirenza ikoresheje iyo nzira yo kubashinja iterabwoba.

Hagati aho abasivili bakomeje guhitanwa n’ibisasu bigamije gushaka ibimenyetso bishinja abatavuga rumwe na Kagame iterabwoba.

Umwe mu bahanga twaganiriye yaduhaye urugero rw’ukuntu ibisasu bikimara guhitana abantu muri Uganda, Leta ya Obama yahise ibyamagana n’andi mahanga menshi yoherereza Perezida Museveni hamwe n’abaturage b’igihugu cya Uganda ubutumwa bw’akababaro, ndetse bahita bohereza urwego rukuru rwa maneko muri Amerika FBI gufasha inzego z’umutekano za Uganda muri iryo perereza.

Mu Rwanda ho siko bimeze kuko kugeza magingo aya, ibihugu by’amahanga ntibirashyira ahagaragara igitekerezo cyabyo, cyangwa se ngo ahaguruke arwanye ku mugaragaro kiriya gikorwa gikomeje guhitana inzirakarengane bisobanura ko nabyo bishobora kuba bimaze kubona ukuri ku muntu uri inyuma y’iyicwa ry’inzirakarengane mu izina ryo gushinja iterabwoba abatavuga rumwe na Leta ya Kagame.

Kuba kugeza ubu leta ya FPR irega buri muhisi n’umugenzi gutera ibisasu ikaba ishingira gusa kubatavuga rumwe n’ubutegetsi bwayo, ni ikimenyetso kigaragaza ko ibyo bisasu bishakisha abantu bamwe kandi ugasanga na Leta y’i Kigali ibikorana ubwoba bwinshi ku buryo imaze kugeraho ibeshya abantu umubare w’abantu bahitanywe n’ibisasu ikawugira muto mu gihe itangazamakuru cyangwa abaturage baba bazi ukuri kw’abantu babo bakomeretse cyangwa bahitanywe n’ibyo bisasu.

Twabibutsa ko imiryango y’abatavuga rumwe na Leta ya Kagame nk’uko twabitangaje mu makuru yacu ashyushye ubu nayo yatangiye kwibasirwa mu Rwanda hitwajwe ubufatanya cyaha mu gutera ibisasu. Umwe uherutse gufungwa akaba ari murumuna wa Gen Kayumba, Lt Col Rugigana Ngabo yafashwe kuwa gatanu ku itariki ya 20 Kanama 2010.

[UMUVUGIZI].

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. uruwuri says:

    kuki mwivanga muri politiki rwe turi abaturage ntacyo twitaye kuri ibyo byose bivugwa twe icyo twifuza ni amahoro n iterambere

  2. emma says:

    God should have mercy on our mother, for some people assume that it is their house……other than uniting us as one Rwanda, one people. But the truth of the matter is that every dog is got its own day. you can’t speak lies all time….great

  3. nelson says:

    Ntawaruziko na Gaddaf yakwihisha.ururi kumbwa nirwo ruri kumuhigi.inzira karenga amaherezo Imana izazibuka

  4. kinuma muhire says:

    mutugezeho ayo makuru turabemera cyane mureke kagame yirire umutungo wigihugu namafaranga yingabo zikorera muri dafur ubundi aryame yice abantu afunge nibyo bikorwa bisuzuguritse bimuranga ntakindi. muzatubarize impamvu abasirikare bakatwa amafaranga yokubaka ibigo byagisirikare ese ministre yingabo nta bigde igenerwa? mukomeze mugeze ukuri kubanya Rwanda Murakoze cyaneeeeeeeeeeeeeeeeeeee!

  5. umuhutututsi says:

    Aho mwavugiye ko ntacyo muravuga kubazira bakinazira akarengane kokuba baravutse kumututsi numuhutu….birababaje kuko ubu ndetse nakare kuva batangira guhigana ntawurazirikana kandi ntanuwazazirikana abo bose barenganye kandi bakirengana.
    Ibyo byose biriho none murangize ibibazo mwatangiye mufatanije,muduhe umwanya natwe twereke abo turi kubyara ibizatuvaho.

  6. kimenyi diogene says:

    mzee komerezaho gushaka icyatezimbere abanyarwanda utitaye kubavugibyobatazi.turasaba abanyarwanda kwimamatwi ababateshumurongo witerambere bagezeho. murakoze

  7. Gatwa Pontien says:

    Komera cyane Afande Karegeya.Birazwi neza ko mwene wanyu Kagame na ba Nziza ndetse n’Abasirikari bari mu Rwanda bakwemeraho ubwenge ndetse n’umutima mwiza wabagaragarizaga igihe wari ukiri muri ya Office iri muri ya mazu yo kwa Kinani,Mbega ukiri ESO. Wowe na Mzee Kayumba ntibagiwe Dr Rudasingwa ndetse na team mufatanyije, mutezweho gukoma imbarutso iyi politiki ya Kagame ikavaho. Birazwi neza ko muzi amayira mwanyuzemo igihe mwateraga u Rwanda,abo mwaganiraga baracyahari,inkunga mwaterwaga murazizi.Mbega ibanga muryibitseho!Mugire vuba rero,ntimugarukire mu Bwongereza gusa,ahubwo mugane no mu barabu:Ese uriya mwarabu mwari kumwe mu ishyamba ,wowe Karegeya(reba ikinyamakuru Umuseso,aho ugaragazwa mu ruziga)ntakiriho?Naho kuba amahanga yarimye amatwi u Rwanda ruta ibitabapfu ngo Kayumba aratera grenades i Rwanda,arashishoza,none se mbahe uyu musirikare twigariye ejo bundi ambwira ko yakwepye iyi gahunda yo gutera ibisasu.
    Ikindi kandi,mutubwire niba muri yi nteko ishinga amategeko igiye kujyaho muzaba muhari nibura mugatanga umudepite umwe.

  8. ni akumiro says:

    Gatwa@ we nonese wizeyeko aho banyuze nibongera bakanyura baza bakora ibyiza birenze ibyo bakoze ? ????? all Rwandese will never get peace of mind unless GOD’s help only !!!!!!!! naho ubundi abanyarwanda aho bava bakagera buzuye amacakubiri uburyanda , ubwibone no gukunda ibyubahiro!!!!!!!!!!

Speak Your Mind

*