U Rwanda Ruzubakwa n'Amaboko y'Abana Barwo Bose

Urukiko rw’i Paris rwanze kurekura by’agateganyo Umunyamabanga nshingwabikorwa wa FDLR Callixte Mbarushimana

Callixte Mbarushimana

Callixte Mbarushimana

Paris – Urukiko rw’ubujurire rw’i Paris kuri uyu wa gatatu rwemeje ko Callixte Mbarushimana, Umunyamabanga nshingwabikorwa wa FDLR, aguma mu buroko.

Mu kwanga icyifuzo cye cyo kuba arekuwe, urukiko rwashingiye ku mpamvu zatanzwe n’ubushinjacyaha, aho bwavugaga ko Mbarushimana aramutse arekuwe yajya kwiyamamaza mu binyamakuru, agashyira igitutu ku batangabuhamya, ndetse akaba ashobora no guhungira hanze y’igihugu agacika ubutabera.

Mbarushimana, ufite imyaka 47, yafashwe tariki 11 z’uku kwezi hakurikijwe impapuro zatanzwe n’Urukiko Mpuzamahanga Mpanabyaha rukorera i La Haye mu Buholandi, rumushakisha ku byaha ndengakamere byaba byarakozwe n’abarwanyi ba FDLR muri Congo mu mwaka wa 2009.

Araregwa ibyaha 5 byibasiye inyoko muntu n’ibyaha by’intambara birimo ubwicanyi, gufata ku ngufu, iyicarubozo, kwangiza imitungo n’itoteza byakozwe n’umutwe wa FDLR mu mwaka wa 2009 igihe barwanaga n’ingabo za Repubulika Iharanira Demokarasi ya Congo (FARDC) n’iz’u Rwanda (RDF).

Ibyo byose Callixte Mbarushimana arabihakana, abamuburanira bakaba basaba ko atakoherezwa i La Haye.

Urukiko rw’i Paris ntirurafata umwanzuro ku cyifuzo cy’uko Mbarushimana yakoherezwa i La Haye.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. fidel gatera says:

    nibsgifunge kiriya kicanyi

  2. enric says:

    it’s verry good to arrest those criminals, international court congratulations, your are in a good way.

  3. roger says:

    ibyo wakoreye ikiremwa muntu ugomba kubibazwa kuko mwese muva amaraso

Speak Your Mind

*