Umuyobozi wa IBUKA Simburudari nawe agomba kwitaba urukiko
U Rwanda Ruzubakwa n'Amaboko y'Abana Barwo Bose

Umuyobozi wa IBUKA Simburudari nawe agomba kwitaba urukiko

Kigali – Kuri uyu wa Gatanu ku Rukiko Rwisumbuye rwa Nyarugenge hakomereje urubanza ruregwamo abakozi batatu n’abayobozi babiri b’umuryango w’abacitse ku icumu IBUKA, aho baregwa kunyereza umutungo wari ugenewe abatutsi bacitse ku cumu bakoresha impapuro mpimbano n’ubuhemu. (reba Rwanda: Two more IBUKA officials arrested for mismanagement of genocide survivors’ funds).
Abaregwa ni:
– Eugene Gashugi, wari Visi Perezida,
– Freddy Mutanguha, wari Umunyamabanga Mukuru,
– Benoit Kaboyi, Umunyamabanga Nshingabikorwa,
– Naphtal Ahishakiye na
– Emmanuel Nsengiyumva.
Bose barahakana ibyaha baregwa bakavuga ko Ubushinjacyaha budafite ibimenyetso bifatika.
Mu kwiregura basabye ko Perezida wa IBUKA Theodore Simburudari na we yashyikirizwa urukiko.

Abaregwa baratangaza ko bitumvikana kuba Perezida wa IBUKA, Theodore Simburudari, ari umutangabuhamya ubushinjacyaha buvuga ko yavuze ko abo bakorana bakoze icyaha cyo kunyereza, basinya impapuro mpimbano ku giti cyabo atabimenyeshejwe.

Mu byo abaregwa bashinjwa n’ubushinjacyaha harimo gukoresha impapuro mpimbano zakoreshejwe mu kwimura amafaranga yari ateganyirijwe ubusitani bw’urwibutso, agashyirwa kuri konti y’ubwubatsi bw’inzu ya IBUKA.
Ngo baribaza ukuntu Simburudari ahakana ko atazi uko ayo mafaranga yimuwe kandi icyemezo cyo kuyimura cyarafatiwe mu nama yari ayoboye.

Ku cyaha cy’ubuhemu, Eugene Gashugi yasobanuye ko amalisiti y’abagombaga guterwa inkunga yavaga muri FARG akohererezwa IBUKA, bityo akemeza ko batari gushobora guha amafaranga abo FARG itayageneye. Akaba yahakanye ibyo aregwa, avuga ko kuba yarasinye ko amafaranga yimurwa, yabiherwaga ububasha n’amategeko agenga IBUKA, aho babiri muri komite babonetse bemererwa gusinya, mu gihe abandi badahari.

Ibi kandi byagarutsweho na Freddy Mutanguha, wavuze ko yasinyaga nk’uko abyemererwa, nk’umunyamabanga mukuru wa IBUKA, kandi ko yabikoze ku nyungu z’abacitse ku icumu. Yongeyeho ko atemera ibyaha aregwa kuko we yasinyaga ibyamaze gukorerwa ubugororangingo n’Umunyamabanga Nshingwabikorwa, Benoit Kaboyi n’abakozi ayoboye.

Uko ari batanu rero bakomeje guhakana ibyo baregwa, basaba ko bafungurwa by’agateganyo, bakazakurikiranwa bari hanze.

Urukiko ruzatangaza icyemezo cyarwo ku wa mbere tariki ya 03 Gicurasi 2010.

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. mico says:

    Erega ubanza mu Rwanda ikibazo atari amoko ahubwo inda nini niyo irikoze!
    Nonese ndebera:
    Habyalimana yirukankanye Kayibanda, akanda ba Kanyalengwe, …
    Kagame ati Kayumba, Karegeye, ni umucafu,
    Abayobozi ba IBUKA/FARG nabo nibo bari gushinyagurira abacitse ku icumu barya utwabo,

    Mana tabara u Rwanda n’ abanyarwanda.

Speak Your Mind

*