U Rwanda Ruzubakwa n'Amaboko y'Abana Barwo Bose

Umugore yataye umutwe yica umugabo we n’abana be bane

Rwamagana – Umugore ufite imyaka 39 yatemye ejo umugabo we n’abana be bane arabica.
Mu gihe cya saa kumi n’imwe z’urukerera nibwo umugore witwa Mariya Nyirampunga yatemye ijosi ry’umugabo we Karoli Nzabarinda wari ufite imyaka 50 y’amavuko mu cyumba baryamagamo, hanyuma atema abana be bane harimo uwo yonsaga. Bose bahise bapfa. Umwana umwe yashoboye kumucika aratabaza.

Uyu muryango wari ugizwe n’abimukira. Bari bamaze amezi atarenze ane baje gupagasa. Umugore yakomokaga mu Burundi naho umugabo agakomoka mu karere ka Huye, mu ntara y’amajyepfo.

Intandaro y’ubwo bugizi bwa nabi ngo ni uko umugore yinubiraga kuba ariwe wenyine utunze urugo umugabo we ntacyo yibwira.

Nyirampunga yamaze gukora iryo bara aracika.
Kugeza ubu inzego z’umutekano ziracyamushakisha.

Update: (12 Gicurasi 2010)
Nyirampunga yafashwe kuri uyu wa kabiri, ashyikirizwa Stasiyo ya polisi ya Rwamagana.
Yatangarije Radio Rwanda ko ubusanzwe nta makimbirane yari mu muryango we, ko muri iryo joro yumvise ijwi rimubwira ngo nahaguruke yice abari mu nzu bose. Yahise afata umuhoro utyaye abahukamo arabica, ahereye ku mugabo we.
Ntibiramenyekana niba abategetsi bazamushyikiriza ibitaro bisuzuma bikanavura indwara zo mu mutwe cyangwa niba izahita imwohereza muri gereza.

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Speak Your Mind

*