Ubuyobozi bushya bw’ishyaka PS Imberakuri buratabaza Leta ku kibazo cya Ntaganda
U Rwanda Ruzubakwa n'Amaboko y'Abana Barwo Bose

Ubuyobozi bushya bw’ishyaka PS Imberakuri buratabaza Leta ku kibazo cya Ntaganda

Bernard NtagandaMe Bernard Ntaganda, aremeza ko akiri Prezida wemewe wa PS Imberakuri
Mme Christine Mukabunane, la nouvelle présidente du PS-ImberakuriMme Christine Mukabunane, ati ninjye Prezida mushya wa PS-Imberakuri

Kigali – Abayobozi bashya b’ishyaka PS Imberakuri bagendera mu kibaba cya FPR barasaba inzego zibishinzwe kugira icyo zikora mu gukemura ibibazo biri hagati y’agatsiko kabo na Perezida bavanyeho Bernard Ntaganda. Ibyo byatangajwe na Christine Mukabunane uyobora ako gatsiko, wahoze ari umuyobozi mukuru wungirije w’iryo shyaka.

Mu kiganiro yagiranye n’abanyamakuru ejo kuwa kane, Mukabunani yatangaje ko nubwo Ntaganda yakuwe ku buyobozi bw’ishyaka ngo akomeje kuribera ikibazo.

Mukabunane yatangaje ko ishyaka abereye umwe mu bayobozi kuri ubu ribeshejweho n’amafaranga y’abanyamuryango gusa kubera ko Ntaganda yanze kurekura impapuro zirebana na konti y’ishyaka muri banki.

Mukabunane yagize ati: “Twafashe icyemezo cyo kwikemurira ibibazo twebwe ubwacu duhitamo kumukura ku mirimo ye y’umuyobozi w’ishyaka, gusa ibi bisa nkaho bitakemuye ikibazo. Kuri ubu twandikiye inzego zibishinzwe kugirango zigire icyo zibikoraho.”

Ntaganda yahagaritswe mu kwezi gushize ku mwanya w’ubuyobozi bw’ishyaka n’inama itunguye y’abanyamuryango bamwe, abantu bavuga ko babishishikarijwemo na FPR kugira ngo ice PS Imberakuri mo kabiri. Bafashe icyemezo cyo kumuhagarika ku bu Prezida bavuga ko arangwa n’amacakubiri kandi ko afatanyije n’udutsiko tw’iterabwoba.
Ubu rero ishyaka rya PS-Imberakuri ryacitsemo ibice bibiri koko.

Mukabunani yanabeshyuje kandi ibyatangajwe na Ntaganda yuko bamwe mu banyamuryango ba PS Imberakuri baba baragiye baterwa ubwoba ndetse bamwe muri bo bakaba barafunzwe igihe gito.

Inkuru bijyanye: Le Parti PS Imberakuri détrone Maître Ntaganda

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Jeannette Niwemukobwa says:

    Amashyaka acikamo ibice turayamenyerye, za MDR zibeshye ko zizaba Pamirihutu, siko se Makuza yasimbuye Twagiramungu?
    Ninde se utazi uko bigenda?

    Ni nk’abitandukanya ….n’abasubira kubyo bavuze cyangwa banditse….

    Reka ndekere aho,

    nanjye noye gutera iyaharurutswe kuko tuyizi twese kandi imaze kuba kimomo.

    Niwemukobwa

Trackbacks

  1. […] bijyanye: Ubuyobozi bushya bw’ishyaka PS Imberakuri buratabaza Leta ku kibazo cya Ntaganda – Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano. – […]

Speak Your Mind

*