U Rwanda Ruzubakwa n'Amaboko y'Abana Barwo Bose

Perezida Paul Kagame: ubwinshi bw’amashyaka si bwo bugaragaza demokarasi

Paul Kagame: President KagamePaul Kagame: Kurebera u Rwanda mu ndorerwamo ya Bernard Ntaganda na Victoire Ingabire ni agasuzuguro.

Kigali – Mu kiganiro ngarukakwezi Perezida wa Repubulika Paul Kagame yagiranye n’abanyamakuru mu gihe cy’amasaha hafi 3, yavuze ku bijyanye na politike z’uburezi, ububanyi n’amahanga, ubuhinzi n’ubworozi n’imibereho rusange y’abaturage.

Perezida Kagame yasubije ibibazo bijyanye n’igikorwa cyo kwibuka ku nshuro ya 16 genocide yabereye mu Rwanda, igikorwa kizatangira ku ya 7 Mata. Mu byo yabajijwe harimo imibereho y’abacitse ku icumu nuko igihugu kirimo kwitegura guhangana n’ingaruka z’ihungabana n’uburyo bwo gucunga umutekano w’abarokotse jenocide.

Perezida Kagame yongeye kwizeza abarokotse jenoside mu Rwanda ko hashyizweho ingamba zikomeye zo kurinda umutekano wabo, by’umwihariko abatangabuhamya mu nkiko. Yavuze ko kandi ko hagomba kongerwa ubushobozi mu gufasha abahungabanye. Perezida yavuze ko hakorwa ibishoboka byose ngo abarokotse jenocide bitabweho.

Yagaye ariko bamwe mu bashinzwe gucunga umutungo ugoboka abo baturage bahitamo kuwikubira nyamara aribo bakagombye kubitaho. Yagaragaje ko adasobanukirwa impamvu kiliziya gatolika itemera uruhare rwayo muri jenoside, ahubwo ikemera kwirengera ibijyanye n’ibyo umwe mu ba cardinal ashinjwa birimo gusambanya abana bato. Ati usanga nta shingiro waha ibisobanuro kiliziya gatolika itanga byo kwemera ibyaha byakorewe hamwe ikirengagiza ibyakorewe ahandi.

Perezida Kagame abajijwe ibijyanye n’imikoranire y’amashyaka mu Rwanda yagize ati ubwinshi bw’amashyaka si bwo bugaragaza demokarasi,ahubwo ibiva muri bene ayo mashyaka bifitiye abaturage akamaro nibyo bigomba guhabwa agaciro.

Perezida Kagame yatangajwe nuko amahanga arebera u Rwanda mu ndorerwamo ya Maitre Bernard Ntaganda cyangwa Victoire Ingabire asanga badafite amateka yo guteza imbere abanyarwanda. Yavuze ko amakuru y’uko amashyaka ashobora kuzishyira hamwe akaba yatanga umukandida wahangana n’uwa RPF mu gihe cy’amatora ashobora kuba afite ishingiro. Perezida Kagame yasoje asaba abanyarwanda kwiremamo icyizere, bakima amatwi y’ababashora mu bikorwa bisubiza inyuma intambwe bamaze gutera biyubaka.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. TURABIMANA Pacifique says:

    TWEBWE ICYO TWIFUZA NUKO ABANYARWANDA BABANA MUMAHORO ARIKO NANONE NTANUMWE URYAMIYE UNDI NIYO MPAMVU RERO NKABA BAVUGIZI BIKI KINYAMAKURU BAJYE BATUGEZAHO AMAKUKURU MENSHI NIBIBA NANGOMBWA HAGE HAGIRA AMARADIYO AMWE NAMWE ABIBWIRA BURI MUNYARWANDA WESE KUKO BIRABABAJE

  2. TURABIMANA Pacifique says:

    UREBYE NTACYO TWAVUGA TWEBWE NKURUBYIRUKO KUKO IBYO TUBONA MUBUREZI HARI BYINSHI BITWEREKA KANDI NTANUMWE WABICYENGURUKA CYERETSE UMUNYABWENGE ESE HAZIGA ABANTU BAMWE HANYU IMIYOBORERE YO IZAGENDA GUTE KANDI BAVUGAKO UBUREZI ARI UBWABURI WESE NONESE IYO UMUNTU ABONA BATANGA IMPUSHYA ZO KUJYA KWIGA MURI UNIVERISITE HAKAGIRA ABASIGARA ARIKO ATARI UKO BABUZE UBWENGE AHUBWO UGASANGA NUKO BABUZE CYIVUGIRA BYO WABIVUGAHO IKI?????????? BIRABABAJE KANDI BIRABABAJE PEEEEEEEEEEEEE

Speak Your Mind

*