U Rwanda Ruzubakwa n'Amaboko y'Abana Barwo Bose

Nkiko Nsengimana yahawe ububasha bwo guhagararira Victoire Ingabire mu mishyikirano ya FDU-Inkingi

Komite Nyobozi y’Agateganyo ya FDU-Inkingi yemeje Nkiko Nsengimana guhagararira Madame Ingabire Victoire byagateganyo.

Nkiko Nsengimana

Itangazo dukesha Bonifasi Twagirimana, Visi Perezida w’Agateganyo wa Komite Nyobozi ya FDU-Inkingi, n’Umunyamabanga mukuru w’agateganyo w’iri shyaka, Silivani Sibomana, ryemeza ko, bisabwe n’Umuyobozi mukuru wa FDU-Inkingi, Madamu Victoire Ingabire Umuhoza, Biro ya Komite Nyobozi y’agateganyo y’iri shyaka yateraniye i Kigali ku wa 09 Gashyantare 2011, kugira ngo yemeze umurongo w’imishyikirano n’indi mitwe ya politiki iharanira ihinduka ry’imitegekere mu Rwanda.

Komite yishimiye byimazeyo Madamu Victoire Ingabire wemeye guhagararira ishyaka FDU-Inkingi mu mishyikirano ihuza indi miryango ya politiki, iyo miryango ikaba igamije gushakira hamwe inzira iboneye ubutegetsi bwo mu Rwanda bwahindukamo mu mahoro, bityo umunyarwanda akagira ubwisanzure n’uburenganzira biteganywa n’amasezerano mpuzamahanga yerekeranye n’uburenganzira bw’ikiremwamuntu.

Madamu Victoire Ingabire Umuhoza ubarizwa ubu muri gereza nkuru ya Kigali, izwi kw’izina rya 1930 kubera umwaka yubatswemo, yasabye ko Umuhuzabikorwa hagati ya FDU-Inkingi na Komite Nshyigikirabikorwa, bwana Nkiko Nsengimana, yamuhagararira muri iyo mishyikirano, mu rwego mpuzabikorwa ruzashyirwaho cyangwa no mu bindi bizumvikanwaho hamwe n’indi miryango ya politiki. Mu izina rya Perezidante wa FDU-Inkingi, Nkiko Nsengimana azajya anashyira umukono ku nyandiko zose, ari byo byitwa P.o mu rurimi rw’igifaransa.

Umuyobozi wa FDU-Inkingi yifuje kandi ko Abanyarwanda muri rusange n’abarwanashyaka ku by’umwihariko, bajya bagezwaho ibyumvikanyweho kugira ngo na bo bagire uruhare rugaragara muri iyo mpinduramatwara.

Amiel Nkuliza

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Shabani says:

    Na musimbure anahindure imitekererezo n’umurongo w’ishyaka si non nawe nakomereza aho nawe azagungwa. Yitware neza ubundi ibitekerezo bye bizumvikana neza. murakoze

  2. HUGUE de la joie says:

    NKIKO Nsengimana uwo kuki we adafungiye ARUSHA nk’abandi bicanyi n’igitero yatugabyeho igihe cy’ibyitso akohereza CISHAHOYO wari Brigadien wa NYARUGENGE ngo aze atujyane muri Stade Regional kudufungira hamwe n’ibindi byitso ? Icyo gitero nakimenye na CISHAHAYO ubwe ko yoherejwe na NKIKO NSENGIMANA. Ntagire ngo narabyibagiwe igihe kizagera azatanga ibisobanuro. Uzi umuntu wabwiraga inzego z’iperereza ngo uri inyenzi akabivuga mu kwakira 1990 ? n’ubu numva amazina ye nkabura ibitotsi dore ko abo badufatanye icyo gihe bose bishwe na genocide usigaye ni njye nkaba ngomba kuzamusaba ibisobanuro umunsi uwo ariwo wose. Iminsi y’igisambo ni 40……

Speak Your Mind

*