Mwene nyina wa Kayumba Nyamwasa, Lt Col Rugigana Ngabo, yatawe muri yombi
U Rwanda Ruzubakwa n'Amaboko y'Abana Barwo Bose

Mwene nyina wa Kayumba Nyamwasa, Lt Col Rugigana Ngabo, yatawe muri yombi

Kigali – Kuri uyu wa gatanu tariki 20/8/2010, Inzego z’ubutabera za gisirikare zataye muri yombi Lt Col Rugigana Ngabo wari umuyobozi (Commanding Officer) wa Engineering Regiment, akaba na mwene nyina wa General Faustin Kayumba Nyamwasa ubu wahungiye muri Afurika y’Epfo, aho aherutse kurusimbuka igihe yarasirwaga imbere y’iwe avuye guhaha.

Umuvugizi w’ingabo z’u Rwanda, Lt Colonel Jill Rutaremara yatangaje ko Lt Col Rugigana Ngabo ashinjwa ku giti cye kugira uruhare mu bikorwa byo guhungabanya umutekano w’igihugu.

Nyuma y’aho hatangiye kuba ibitero byo gutera gerenade mu mujyi wa Kigali, abashinzwe inzego z’umutekano batangaje ko Lt Gen Nyamwasa na Col Patrick Karegeya babifitemo uruhare, bavuga kandi ko hari abandi bakorana nabo bari mu gihugu no hanze bazagenda bafatwa bagakurikiranwa.
Ubu ngo iperereza riracyakomeza kuri ibyo bikorwa byo guhungabanya umutekano w’igihugu n’uruhare Lt Col Rugigana yaba yarabigizemo, nk’uko umuvugizi w’ingabo yakomeje abitangaza.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. George Rugamba says:

    Ariko ruriya ruzingo ngo ni Kagame rwabaye rute? Abanyarwanda bose bamufashije kubohoza igihugu abamariye mu munyururu, ubu se yumva ari we ntungane wenyine!!! Ajye akoresha ubwenge nkumuntu ujijutse ye kwirirwa ahuzagurika afunga abantu b’inzirakarengane

  2. KAREMERA says:

    Hari umuntu wigeze kunsetsa arambwira ati fpr yakoze byinshi bibi ariko hari icyiza yakoze ” uko yahembye abayisanze ngo barashaka democracy ” abo rero ibyabo byararangiye ndavuga nka KANYARENGWE,RIZINDE, SENDASHONGA ,BIZIMUNGU;PC RWIGEMA ,TWAGIRAMUNGU,GASANA ,BM HABYARIMANA ,COL. NDENGEYINKA na COL . CYIZA icyiza kirimo NUKO AKURIKIJEHO BENEWABO nka KABERA,SEBARENZI,KAJEGUHAKWA , KAYUMBA ,KAREGEYA ,NABANDI….ese biduha isomo ki?

  3. Mwitonde !!!

  4. kamugisha emmanuel says:

    Karemera we,
    Amasomo arimo menshi. NIMBA uri umunye politiki ushaka kugaragaza ko KAGAME YIBASIYE abanye politiki b’abahutu ubu hakaba hagezweho abatutsi, byaba ikibazo kumva ko hakurikiranwa abahutu gusa, ko gukurikirana umutusi ko ari ukwigereza ho cyangwa ko Kagame atakwizerwa. JYE amasomo nkuyemo n’uko ICYAHA KITAGIRA UBWOKO, KO UGIRA IMANA ARACYIRINDA. Nawe se, MURI BARIYA UVUGA, HARIMO ABARITERUYE BICIRAHO, HARI ABABIBAGA AMACAKUBIRI… KERETSE NIBA TWITIRANYA GUCIKA NO GUHUNGA. Ni icyizere kuri rubanda rwa giseseka natwe ko ntawe uzitwaza “ico arico” ngo akore icyo ashaka habure numubaza ibyo akora nko hambere. Nicyo “Zero tolerance na Accountability bivuga”. Hanyuma se ibihumbi n’ibihumbagiza by,abahutu n,abatutsi babanye neza malgre ibyabaye ko wabicecetse ugahitamo ku releva abake bananiranye. Ntawe ukura amasomo muri za exceptions ahubwo areba muri regles generales.

  5. muvunyi ramadhan says:

    ariko mwe mwandika bino muri bande ? Niba koko muri abanyarwanda bukuri mumfashe tugereranye ubutegetsi bwa kagame n’ubwa bandi ba president 5 ba mubanjirije .turebe ibi bikurikira;iterambere, education, itumanaho, ubuvuzi, ubutabera ,ubwiyunge .umutekano .ububanyi na mahanga, ubukungu , imibereho myiza y’abaturage. . Abahatana ngaba. MBONYUMUTWA. KAYIBANDA. G.M.HABYARIMANA. BIZIMUNGU. G.M KAGAME .tubahe amanota dunshingiye kubyo twavuze haruguru. Murakoze byaba byiza munshusanyirije diagramme .

  6. Théoneste says:

    hari abantu batakigira ubwenge bwo kunononsora aho ibihe bigeze! kubona badashobora kumva ko Président wacu icyo aricyo cyose yadukorera adushakira umutekano azagikora sinumva bakagombye gufungura iminwa yabo.

    Turamukunda kandi umurwanya azicwe nagahinda

  7. KOBUSINGE Joy says:

    Ariko muzavuga ubusa mugezehe? Abazi aho u Rwanda rugeze turahazi, muzasebya Paul Kagame mugehe, usibye ko ntacyo muteze kumukoraho. Ndumva igihe cyari kidukomereye twaragisimbutse kanswe noneho turi mu gihugu imbere haaaaaa!

  8. KOBUSINGE Joy says:

    Tuzamurwanira ishyaka nishaka muziyahure cyangwa musange bene wanyu aho bari.

  9. KOBUSINGE Joy says:

    Ntagihe atababwira usibye ko mutumva.

  10. Urayeneza says:

    Sha mufite mwese ibitekerezo byanyu, kandi sindi hano ngo mbibabuze cyangwa mbasabe gukurikiza ibyange. Gusa bivugwa ko uyu mugabo Ngabo Rugigana yaba yarishwe ! birabe ibyuya, kuko uwicisha inkota yicishwa indi.

    Murakoze

  11. geoffrey says:

    ibya leta y’u Rwanda havuge uyikunda ariko utayikunda, kandi ari murwanda acyecyeke azavuge aruko iyo akunda yagiyeho.

Trackbacks

  1. […] Kuri uyu wa kane tariki 27 Mutarama 2010 mu rukiko rukuru rwa gisirikare i Kigali hatangiye urubanza rwa Lt. Col Rugigana Ngabo uregwa icyaha cyo kuvutsa igihugu umudendezo. Lt Col. Rugigana afite imyaka 46 akaba ari murumuna wa Lt. Gen. Kayumba Nyamwasa wahungiye muri Afurika y’epfo akaba aherutse gukatirwa n’uru rukiko. Yatawe muri yombi mu kwezi kwa munani umwaka ushize. […]

Speak Your Mind

*