Mu Bubiligi barasaba ko u Rwanda rufungura Victoire Ingabire
U Rwanda Ruzubakwa n'Amaboko y'Abana Barwo Bose

Mu Bubiligi barasaba ko u Rwanda rufungura Victoire Ingabire

Abari n’abategarugori batabariza Ingabire muri Ministeri y’Ububanyi n’Amahanga y’u Bubiligi i Bruxelles (15/10/2010).

Abanyarwandakazi bo mu ishyirahamwe riharanira demokarasi n’amahoro ryo mu Bubiligi bagiye kuri Ministeri y’Ububanyi n’Amahanga y’u Bubiligi ku wa gatanu kwamagana ifungwa rya Victoire Ingabire, umuyobozi wa FDU Inkingi.

Bose bari bitwaje ibyapa biriho ifoto ya Victoire Ingabire. Muri Ministeri bakiriwe n’abakozi bakuru bo mu ishami rishinzwe akarere k’ibiyaga bigari. Abo bari n’abategarugori babagejeje ku bakozi bakuru ba Ministeri inyandiko irimo amazina y’abanyapolitiki bafungiye ubusa mu Rwanda ari bo Victoire Ingabire, Deo Mushayidi, Charles Ntakirutinka , Bernard Ntaganda ndetse na Theoneste Niyitegeka.

Batanze kandi amafoto n’amazina y’abanyapolitiki n’abanyamakuru nka Jean Leonard Rugambage na Andre Rwisereka baherutse kwicwa mu Rwanda. Bavuze ko mu gihe cy’amahoro nk’uko u Rwanda ruvuga ko ruyafite impfu nka ziriya zidashobora kugirirwa ibisobanuro.

Barasaba u Bubiligi – nk’igihugu kiyoboye umuryango w’ubumwe bw’ibihugu by’i Burayi muri iki gihe – gutera igitutu ubutegetsi bw’u Rwanda bukemera gufungura amarembo, demokarasi ikinjira mu gihugu, abanyarwanda bakabasha kwicarana bakaganira batarebana ay’ingwe nk’uko byagenze kuva mu myaka yashize kugeza ubu.

Mu gihe abari n’ abategarugori bashyikirizaga ubwo butumwa leta y’u Bubiligi, abagabo basigaye kuri ambasade y’u Rwanda mu Bubiligi aho batangiye – kuva ku wa gatanu mu gitondo – imyigaragambyo yo kugota ambasade basaba ko abanyapolitiki bafunze bafungurwa, imyigaragambyo kugeza ubu batavuga igihe izarangirira.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Sheikh Nur says:

    Mbanje kubasuhuza mwese!mubyukuri twese dukunda U RWANDA,ariko biteye agahinda kubona ntaburenganzira dufite iwacu,ishavu nagahinda nibyo bituranga hano mu Rda.ubwoba bwo buhora kumitima yacu,mbese tumeze nkaho turi muntambara.abantu nka V.Ingabire barafunzwe cg se bazanicwa,ariko ubutwari bwabo buzasigara,ntiduteze kuzibagirwa izo ntwari zu Rda.Ingabire rwose ndagusabira kndi Imana nibishaka uzava muri iryo rimbi rya bantu bazima urimo,kndi izagushoboza kuyobora iki gihugu inshAllah mbere yurupfu rwawe.knd we love you and wish u all the best.MAY Allah free u&other innocent people frm prison.viva I.V.U.
    Your son in Rw

Speak Your Mind

*