Kagame na FPR nibo bafite ubwoba buruta ubw’abandi banyarwanda
U Rwanda Ruzubakwa n'Amaboko y'Abana Barwo Bose

Kagame na FPR nibo bafite ubwoba buruta ubw’abandi banyarwanda

Paul Kagame

Paul Kagame

Mu Kinyarwanda baca umugani ngo iminsi y’igisambo ni 40, kandi ngo ikinyoma ntigihabwa intebe kabiri. Iyi migani yombi ariko reka yunganirwe n’uyu uvuga ko agatinze kazaza ari amenyo ya ruguru.

Muri yi minsi iyo witegereje ibimaze iminsi bivugwa n’abayobozi b’u Rwanda, uhereye kuri Perezida wa Repubulika Paul Kagame, usanga koko bwa bwoba Umutegarugori Ingabire Victoire yakomojeho ubwo yakandagizaga ikirenge mu Rwanda, bwarokamye Abanyarwanda. Ariko noneho igitangaje ni uko usanga FPR na Perezida Kagame ari bo bafite ubwoba bwinshi! Reka babugire bufite ishingiro, bakurikije uburyo bahemukiye Abanyarwanda n’ubu kandi bakibahemukira, imyaka ikaba irenze 15.

Reka nibarize Kagame na FPR, niba bemera ko u Rwanda baruteje imbere bahereye mu mwaka wa 1994, ni kuki bashobora kugirira Ingabire ubwoba? Kugeza ubwo Perezida Kagame ubwe, yibukije abagize urwego rw’ubutabera ko bagomba guhana ingengabitekerezo ya jenoside. Kubibutsa bifite aho bihuriye na Victoire, ndabibutsa ko ubu mu byo urwego rushinzwe iperereza mu Rwanda rwo muri polisi y’igihugu rukurikiranyeho Victoire harimo n’ingengabitekerezo ya jenoside. Iyo rero umujuge mukuru ‘Perezida Kagame’ yivanze mu rwego rw’ubutabera , akarwibutsa ibyo rugomba gukora, mujye mumenya ubutumwa aba ashaka gutanga n’uwo aba ashaka ko rumukiza.

Mu myaka ishize Umuseso wigeze kwandika igitekerezo cyagiraga kiti ”Kagame azabwira iki Imana?”. Ndumva aho ibintu bigeze ku batari inkomamashyi, barabonye igisubizo. Kagame na FPR nibahura n’Imana, ndumva nta kintu bazabona cyo kuyibwira, uretse kugira ubwoba bwinshi, ururimi rwabo rukagobwa, bagatangira kudidimanga.

Kagame na FPR reka bagire ubwoba, kandi noneho batangiye kubugaragaza, ni uko cya kinyoma cyabo kigenda kirushaho gutahurwa uko bwije n’uko bucyeye.

Ubu se Kagame na FPR niba nta bwoba bafite, bazemera noneho amatora akorwe mu mucyo hatabayeho ubujura bw’amajwi? Barabizi neza ko yaba mu mwaka wa 2003, mu y’abadepite mu mwaka wa 2008, hose FPR icyo yakoze ari ukwiba amajwi. N’ubwo mbajije ikibazo nka mwarimu, byo ntibabikunda. Za ntore zabo zaba zishinzwe iki ko bazi neza icyo bazitoje?

Uko amatora ya Perezida wa Repubulika yegereza niko bagenda barushaho kugaragaza ubwoba bwabo cyane. Niba nta bwoba bafite, ni kuki itegeko nshinga ryatowe n’abaturage mu mwaka wa 2003, barihindura buri munsi mu nyungu zabo?

Kagame na FPR bagomba kugira ubwoba kubera ko iminsi yabo iragenda isatira ya yindi 40. Uko iminsi igenda, abaturage bagenda bashirika bwa bwoba ariko bo bukarushaho kubokama. Hari uwakekaga ko mu Rwanda hashobora kuvuka amashyaka atavuga rumwe n’ubutegetsi maze akabona abayoboke ku mugaragaro? Uzajye kwirebera iyo Green Party n’Imberakuri bakoresheje amanama. Kuba bikunda ni uko badashaka gukomeza kuba imbohe za FPR, bigobotora bwa bwoba yabashyizemo ikabagira ingwate.

Kagame na FPR ubwoba bagomba kubugira nk’abantu, kandi bazi neza ko sakindi ibyara ikindi. Ibi ndabyemeza kubera ko mu myaka irenga 15 bategeka, banagikomeza, icyo bakoze ari uguheza Abanyarwanda mu bukene, mu bujiji, kubicisha inzara kugeza aho abana babo bibasiwe na bwaki, gutegekesha ikinyoma n’igitugu, kwimika icyenewabo aho umwana utazwi niyo yaba yararangije kaminuza adashobora kugira aho amenera abona akazi, gusahura umutungo w’igihugu, guhembera urwikekwe mu Banyarwanda.

Ibyo FPR na Kagame bakora ni byinshi kandi nabo bazi neza ko ibibi mu byo bakora biruta ibyiza. Uko bucya bukira, Kagame na FPR bazi ko bigenda bishyira ku iherezo ryabo. Kandi nabo barabizi neza ko ibyo bakora byose bazagera ubwo babibazwa. Niba Kagame na FPR batewe ubwoba na Ingabire umaze imyaka n’imyaka ataba mu gihugu, ibi bigaragaza uburyo FPR nayo ubwayo ari “igikuri” muri politiki kimwe na PL na PSD.

Kagame na FPR bagomba kugira ubwoba kubera ko batabugize baba nta mutima nama bagira. None se umunsi abantu nka ba Karegeya bari inkoramutima za Kagame banabitse n’amabanga menshi ye, nkeka ko yiganjemo ibibi byinshi, bazatangira kuvuga, cyangwa igihe nabo bazandika igitabo bagashyira hanze Kagame na FPR, icyo gihe noneho Kagame na FPR bazamusubiza nk’uko babikoze ku bwa Abdul?

N’ubwo Abanyarwanda bafite ubwoba kugira ngo baramukeho kabiri, ndahamya ko Kagame na FPR ari bo badagadwa kubarusha.

Source: http://umusesonline.com/397/kagame%20na%20fpr.php

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. umusomyi says:

    Kabonero, ndi umusomyi w’ikinyamakuru cyawe guhera cyera kuko numvaga duhuje icyaka ryo kuvuga ukuri. Ariko uko iminsi igenda nasanze ishyaka ryawe inyuma yaryo hihishe ikindi kandi ni ubucuruzi ni amafaranga.Ndemera ko itangazamakuru rikwiriye kugirango leta yikosore aho bitagenda neza . Ariko kugera aho utesha agaciro abayobozi ba contribuer kugirango ubone igihugu wowe n’umuryango wawe , ubashe kwiga uyu munsi ukaba ubatesha agaciro mumagambo yawe ukavuga ngo kagame na FPR bahemukiye abanyarwanda kuva 94, n’interahamwe ubwazo ntizavuga gurtyo. Zishora kwemeza neza ko kagame na FPR bazitesheje kumara abantu. Iyo wandika ibyo koko ikinyamakuru cyawe kiragurwa kandi ukabona amafaranga kubera ubwinshi bwabakunda byacitse kandi bifuza intambara. Ariko nawe uri umwanzi wabenshi mubo kagame na FPR bakijije nanubu bagikiza n’abandi. Kandi umuze nk’umwe wabonye se yasinze yambaye ubusa akajya guhuruza ngo nimuze murebe Papa yambaye ubusa. Amaze gukanguka inzoga zimushizemo akamuvuma umuvumo w’iteka ryose. Na nubu hari imiryango imukomokaho yashize kw’isi. Nawe rero your evil ambitions will create for you a bad end .

  2. josiane says:

    nakundaga uburyo mutamgaza amakuru y’umuseso, kandi dukomeje kwifatanya namwe mubihe nkibi.

  3. SESC HILDEBRAND says:

    WE LIKE ALL YOUR NEWS BUT NOW WE ARE NOT AGREE OF THAT YOU PUT OUT TODAY!! KAGAME MADE MANY GOOD THINGS IN THESE YEARS AGO,THINK BEFORE HARTING RWANDANS LIKE THAT…

  4. Mutsinzi ceasar says:

    Bite UMUSESONLINE;
    mbere an mbere ndabashimira na kazi mukora , mubyukuri abanyarwanda dufite icyibazo gikomeye – aricyo ubutejetsi uriho ubu, ikibazo gikomeye kugeza ubu dufite nubuyobozi bwabashumba bayobora abantu nkinka cyagwa ubuyobozi bwinyeshamba kuko ninayo mashuri ye ,urujero jye ukubwira nakoreye iyi leta mubihe byo kurwanya mubutu seseko (nambere yaho) nojyera nokurwana na kabila mukuri urebye abana babanyarwanda baguye congo – mubyukuri kagame akwiye ubutabera akadusobanurira inyungu yavuye murizo ntabara – kuko jye ukubwira narwanye na Brazzville muntambara ya sasugwesu , nyambura imishahara yose yimyaka itatu na mezi icyumi nkorana na murumuna wa sasugwesu muburyo bwokubashira intwaro muntambara yarajyiza bakanyambura ? makazi nkako umuntu aba ari muri risk wowe ubona kagame arumuntu . jye nakoraga muri salum- ibiro byipereza bya congo ` kitambo` kishasha ubu ndinkumwanzi wigihugu kandi icyo nababwira tugomba kwanga icyibi icyazanira abanyarwanda imiruho turashaka ubuyobozi bucyemura ibibazi – jyirango muribuka igihe nazaga kubohoza impunzi za kiryandongo settlement camp muri uganda zashimutwe na embassy yu rwanda i kampala nkaza kurega muri Rwanda human rights bigaragaye leta irabafugura -izi politcs za communist jye mbona kagame akwiye kujya uruhande kuko umuntu ufite izego zose zareta mumabokoye ashobora kuzaba ikibazo ahazaza kuko yi system niya communist ntabwo yize kuyobora abasivile yize command yagisirikari kandi ducyeneye umuntu wize amatejyeko niwe jye mbona wa humuriza abanyarwanda imibabaro bahuye nayo yose atari ibyogufata inyeshamba ngo iyobora abantu babaye imyaka yose mubhuzi ngo azane icyiboko ( rule of law ) (aravanga ) no guhuzagurika kuko atabyize – kandi agomba kumenya ko nitumushaka tuzamubona tumushikirize ubutabe ndizera atarushaga mubutu igisirikari` nawe arabizi adukuye mugisirikare none aradusanga naho twibereye kadushotora i warn him . umuntu watumye dutakaza igihugu twifatiye tugahomba abana babanyarwanda nibikoresho bitagira uko bingana kubera imibare icye ye twava nokurugamba akaduhiga nabandi bagamfa ; mfite byishi namuvugaho kuko high command nayibayemo igihe Thank you

Speak Your Mind

*