Kagame ati “Iyo twakubise, turakubita tukagusha”
U Rwanda Ruzubakwa n'Amaboko y'Abana Barwo Bose

Kagame ati “Iyo twakubise, turakubita tukagusha”

par Paul Kagame.

“Abarasirwa hanze bagahushwa, ntabwo Leta y’u Rwanda ihusha iyo yarashe. Nta n’ubwo dushinzwe umutekano w’inkozi z’ibibi zijya kuba hanze, ntabwo dushinzwe umutekano wabo.”

“Izo nkozi z’ibibi, iyo zivuze ko zigiye kuzana intambara mu Rwanda zaba izo, zaba abazishyigikiye, bazabigerageze, tuzabakubita ntibazamenya icyabakubise.

“Muzi kubabura inkoni iyo ushaka ngo inkoni imere neza, ikubite ihamye ukuntu bayibabura. FPR ni umukandida wayo turababuye. Iyo twakubise, turakubita tukagusha. Rero mubyo bibagirwa, ntibakwiye kwibagirwa ayo mateka.”
Paul Kagame.

Banyagatsibo muraho, muraho cyane, muraho neza, n’abo hakurya, n’ab’inyuma hariya ?

Icyaduteranirije hano, nkaba mbashimira kandi mwaje muri benshi, ni ukubera inzira igihugu cyacu kirimo, inzira y’amajyambere inzira ya demokarasi, n’inzira yo guhitamo, no kwihitiramo. Isi yose yemera demokarasi ikavuga ngo twese tujye mu nzira ya demokarasi kandi tukanayijyamo. Ariko hakaba abihaye kuba ari bo bagomba kuvuga icyo demokarasi iba yo. Ariko uko babivuga bakagenda bahindura icyo bivuze bitewe n’uko babishaka.
Icya mbere, uko muteraniye aha, bivuze ngo mushyigikiye demokarasi, mushyigikiye fpr mushyigikiye guhitamo neza. Mwaba mwabivuze gutyo, bati oya bati buriya, ubwo ari benshi ubwo bavuga gutora 100%, ntabwo ari demokarasi, demokarasi ni ya yindi iyobowe n’abagénocidaires.

Icyo navugaga, inzira yatuzanye hano, icyaduhurije hano, ni inzira ya demokarasi, ni inzira yo kwihitiramo, ni inzira yo guhitamo amajyambere, ni inzira yo guhitamo ibyiza igihugu cyacu gikwiriye. Nanavugaga ngo turabizi buri munsi twigishwa ko demokarasi ari uguhitamo neza, ari ukwihitiramo, ndetse ishingira ku bantu benshi ibyo bahisemo.
Abanyarwanda, bahitamo ari benshi, bahitamo FPR, bahitamo inzira banyuramo, bati iyo ntabwo ari demokarasi. Bati demokarasi, icyo gihe bagahindura icyo demokarasi bivuze. Bati demokarasi bivuze ko n’abaregwa ibyaha bya génocide aribo dukwiriye guhitamo ko baba abayobozi b’igihugu. Ibyo ni agasuzuguro tutakwemera.

Izindi nkozi z’ibibi zahunga igihugu ngo buriya abo ni abanenga Leta. Iyo unenga Leta urayihunga? Niba ari abademokarati, abademokarate, bari bakwiye kuguma aho, ibibazo bihari bagafatanya n’abandi kubikemura. Bagera hanze, bahura n’impanuka, bati ni leta y’u Rwanda yabiteye. Leta y’u Rwanda igera mu bindi bihugu kubitegeka gute? Leta y’u Rwanda ishinzwe umutekano w’ibindi bihugu gute? Leta y’u Rwanda ntabwo FPR yivanga muri politiki y’ibindi bihugu.

[Youtube]IFxNkqrtYJY[/Youtube]
Diskuru ya Kagame i Gatsibo – 05/08/2010.

Icya kabiri. Abarasirwa hanze bagahushwa, ntabwo Leta y’u Rwanda ihusha iyo yarashe. Nta n’ubwo dushinzwe umutekano w’inkozi z’ibibi zijya kuba hanze, ntabwo dushinzwe umutekano wabo. Ariko izo nkozi z’ibibi, iyo zivuze ko zigiye kuzana intambara mu Rwanda zaba izo, zaba abazishyigikiye, bazabigerageze, tuzabakubita ntibazamenya icyabakubise. Ariko, izo nkozi z’ibibi zari zikwiye kuba zibuka n’amateka ya FPR, n’amateka y’u Rwanda. Zari zikwiye kuba zibuka, ngo FPR, mwebwe murabizi reka mbabwire. Muzi kubabura inkoni iyo ushaka ngo inkoni imere neza, ikubite ihamye ukuntu bayibabura. FPR ni umukandida wayo turababuye. Iyo twakubise, turakubita tukagusha. Rero mubyo bibagirwa, ntibakwiye kwibagirwa ayo mateka. Ariko reka bayibagirwe ingaruka zabyo bazazibona.

Banyagatsibo, mukomeze musobanuke, mukomeze, mube abanyarwanda bazi icyo bashaka, mukomeze tube abanyarwanda batavugirwamo n’umunsi n’umwe. Aba banyamakuru bagenda bavuga u Rwanda barutuka, ntabwo u Rwanda rugayitse. Iyo bavuga ngo abarashwe, abapfuye, abagize bate… iwabo hapfa ibihumbi n’ibihumbi buri munsi. Kuki bititwa ko bishwe na Leta yabo?

Byavuye muri disikuru ya Paul Kagame i Gatsibo kuwa 5 Kanama 2010.

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Kamonyi says:

    Yemwe bantu muba hanze y;;u rwanda ntimube muri mu kibaba cya FPR, igihe cyo gushya cya Kagame kirageze. Agiye gushya noneho yinigure. Inkoni ibabuye igiye kugakora; uruhu rugiye guhura n;;umunyutsi. Ngaho rero ba bwoba! Noneho murihisha he ko no mu miheno azabakurayo? Abanyarwanda twese duhaguruke naho ubundi turashize!! Dore ko abambari be bajagata hose; mbere y::uko dutungurwa dushire ubwoba duhaguruke tumurwanye. LA menace Kagame doit devenir une question de survie pour tout rwandais ukunda u rawanda utari igisahiranda;

  2. kuku kouate says:

    Mwiriweho mwese. noneho nanjye ndumiwe kandi muzi ko ntajyaga ndiphana. Njye raporo maze amezi abiri nyifite uretse ko ntazi igifaranza nicyongereza ariko raporo ndayifite. Ni injyanamuntu mba ndi umwambi. Nawe[Kaga…] ntagikoma wagirango ni imbeba yumvise aho ipusi ivugiye kandi byose biri mu nzu imwe ikinze. Umugabo isi imubanye ntoya. Abuze epfo a ruguru. Najya i kuzimu tuzamutuma ifuku, najya mu ijuru tuzamutuma inkuba. Umugabo nabambari be baisagje chance imwe gusa: Nibegere umuntu w’imana Pastori Samuel Usabwimana, bature ibyaha bihane, bizere bibere abaririmbyi mu Gakinjiro. Kandi imana izabababarira rwose pr. Naho ibyaha byabo byaba bitukura tukutuku… njye nkunda Kagagame ariko kutanyumvira kwe gutumye mubura. ndacyamusengera ariko wenda bizashoboka.

    Sawa. i ruhande turaho.

Trackbacks

  1. […] Ecoutez Paul Kagame, particulièrement là où il affirme que “Le gouvernement rwandais ne rate jamais sa cible”: Transcription Kinyarwanda: lire Kagame ati “Iyo twakubise, turakubita tukagusha” […]

Speak Your Mind

*