Ishyano ryo kwica Habyarimana riracyakurikiranye Paul Kagame: Yarezwe noneho mu Urukiko rwa Oklahoma
U Rwanda Ruzubakwa n'Amaboko y'Abana Barwo Bose

Ishyano ryo kwica Habyarimana riracyakurikiranye Paul Kagame: Yarezwe noneho mu Urukiko rwa Oklahoma

Paul Kagame - killed Hutu Presidents Juvenal Habyarimana and Cyprien Ntaryamira and sparked Rwandan GenocidePaul Kagame – yicishije ba Prezida Juvenal Habyarimana na Cyprien Ntaryamira, atangiza jenoside mu Rwanda

Mu gihe Paul Kagame yari yacyereye kwakirwa neza mu ruzinduko yagiririye muri iki cyumweru muri Universite ya Oklahoma muri Leta Zunze Ubumwe za Amerika, ibintu byarahindutse kubera ko ishyano ryo kwica Habyarimana no gutangiza jenoside ryakomeje kumukurikirana.

Iyo Universite ya Oklahoma ifitanye umubano n’u Rwanda ikaba yakira abanyeshuri b’u Rwanda. Icumi muri bo barangije uyu mwaka.

Perezida Kagame yari umushyitsi w’icyubahiro, akaba yaragejeje ku mbaga y’abanyeshuri n’abarimu ba Universite ijambo rikomeye, yerekana ko u Rwanda rwishimiye progaramu y’uburezi buha buri mwana uburyo bwo kuziteza imbere no kuzagirira igihugu akamaro.

Dore inyandiko yuzuye yashyikirijwe urukiko rwa Oklahoma, irimo ibirego byerekana ibyo Paul Kagame n’abo afatanije nabo bashinjwa
mu cyongereza

Hagati aho ariko yaje kuva muri ibyo birori mbere y’uko birangira kuko yari yamenye ko ari bushyikirizwe impapuro z’urukiko rwa Oklahoma zimurega ibyaha 8 bikomeye. Abunganira Madamu Agata Habyarimana na Sylvana Ntaryamira batanze ikirego kuwa kane mu rukiko rwa Oklahoma, bamushinja ko yicishije abagabo babo aribo Prezida Habyarimana na Cyprien Ntaryamira, icyo gikorwa kikaba cyaramuhaye uburyo bwo kwongera gushoza intambara yahitanye miriyoni zitabarika z’abanyarwanda mu gihe cya jenoside ya 1994 na nyuma yaho.

Paul Kagame ariko aracyakomeza kwemeza ko ari umwere, ko nta ruhare yagize mu ihanurwa ry’indege yari itwaye abo baperezida bombi, ahubwo agatsimbarara ku byemejwe na komisiyo y’iperereza yishyiriyeho yiswe Komisiyo Mutsinzi, yemeje ko iyo ndege yahanuwe n’abasirikari bari mu ngabo za Habyarimana.

Na mbere y’iyo komisiyo, umunyamakuru wa BBC Stephen Sackur yari yabimubajijeho, ariko Kagame aracyafite ubwoba bw’uko urukiko rwashyira ukuri ahagaragara. Abantu baribaza impamvu Kagame atinya kwegera urukiko ngo yisobanure niba koko azi neza ko ari umwere. Niba iyo komisiyo yarakoze akazi kayo mu mucyo, ntacyo yari akwiye kwikanga. Ubwoba afite ntibusobanutse.
[youtube]sSQJjB0VbJY[/youtube]

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Trackbacks

  1. […] Paul Kagame nta shiti. Soma kandi: Ishyano ryo kwica Habyarimana riracyakurikiranye Paul Kagame. – Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano. – […]

Speak Your Mind

*