U Rwanda Ruzubakwa n'Amaboko y'Abana Barwo Bose

Ingamba nshya zo gukarishya umutekano mu mujyi wa Kigali

Ikibazo cy’umutekano muke muri Kigali gikomeje guhangayikisha cyane abategetsi b’u Rwanda. Niyo mpamvu ubuyobozi bw’umujyi wa Kigali bwategetse abantu bafite inyubako nini zikorerwamo ubucuruzi cyangwa zihurirwamo n’abantu benshi gushyiraho uburyo bwihariye bwo gucunga umutekano.

Ba nyiri amazu akorerwamo ibikorwa bitandukanye mu Mujyi wa Kigali (barimo amahoteri, amabanki n’utubari) bagomba:
– kujya basaka ibikapu by’abakiliya babo.
– kuba bafite ibikoresho bitahura ibyuma (metal detectors/detecteurs des metaux) bitarenze impera z’uku kwezi.
– gushyira ku mazu yabo amatara amurika n’urumuri rwinshi (projectors/projecteurs). Ayo matara ngo agomba kuba nibura acana kilowati 250 mu rwego rwo gutuma inkengero z’amazu yabo zigira urumuri ruhagije.

Bahawe igihe kitarenze uku kwezi kwa munani kuba barangije gushyira mu bikorwa aya mabwiriza.

Bimwe mu bihano bizafatirwa abatazubahiriza aya mabwiriza birimo guhagarikirwa ibikorwa byakorerwaga mu mazu yabo.

Ibi byemezo bifashwe nyuma y’aho mu cyumweru gishize hatewe gerenade muri kamwe mu duce tugendwamo n’abantu benshi mu mujyi wa Kigali, imbere y’ahitwa Kwa Rubangura, hafi y’ahategerwa amatagisi ya Nyamirambo.

Ariko bamwe mubarebwa n’iki cyemezo baravuga ko iki gihe bahawe ari gito, bagasaba ko cyakwongerwa kandi bakifuza ko bakoroherezwa bagakaturirwa imisoro ku bikoresho basabwe kugura huti huti muri urwo rwego rwo gukarishya umutekano.

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Speak Your Mind

*