Imigambi ya Kagame yo guhitana umunyemari Tribert Rujugiro muri Uganda
U Rwanda Ruzubakwa n'Amaboko y'Abana Barwo Bose

Imigambi ya Kagame yo guhitana umunyemari Tribert Rujugiro muri Uganda

par Kyomugisha

Twamenye amakuru y’ifungwa rya ba maneko ba Kagame mu gihe twarimo dukora iperereza ku mugambi wa maneko za Kagame zari zifite wo gutsinda umunyemari Tribert Rujugiro muri Uganda, agiye gushyingura umwe mu bahungu be uherutse kwitabira Imana mu gihugu cy’Ububiligi, akaba yateguraga kumushyingura muri Uganda, dore ko kugeza ubu adashobora gukandagira mu Rwanda.

Mu minsi ishize twashoboye kumenya ko umwe mu bahungu b’umunyemari yatabarutse, agafata icyemezo cyo kumushyingura muri Uganda, icyemezo kitashimishije Perezida Kagame ku buryo maneko ze ziyobowe na Gen Jack Nziza hamwe na Dr Ndahiro zatangiye guhamagaza abantu batandukanye biteguraga kujya gutabara uwo munyemari muri Uganda, zibabuza kandi zibihanagiriza ko bazahura n’uruva gusenya nibaramuka bagannye iya Uganda ngo bagiye gutabara uwo munyemari.

Nyuma yo gutoteza abari bagiye gutabara uwo munyemari wafashije Kagame igihe kirekire yaba mu ntambara cyangwa na nyuma yaho, nibwo bafashe n’icyemezo cyo kumukutsinda muri iyo mihango y’uguherekeza umuhungu we, ariko ngo bari batarabigeraho k’uburyo tugikora iperereza ryo kumenya niba koko biri muri bimwe bafatiye izo za maneko, dore ko umwe muri bo ngo yaba afitanye ubushuti n’umuryango w’umunyemari wafashaga Mzee Rujugiro gutegura no kugura ubutaka azagira urugo muri icyo gihugu, akarushyinguramo umuhungu we, dore ko ahitwa iwaba bahamuciye.

Ikinyamakuru Umuvugizi cyanashoboye kumenya ko kurwara k’umufasha w’umunyemari Rujugiro nawe waje kurwarira m’Ububiligi amaze kumva inkuru y’urupfu rw’umuhungu we, byanafashije umugabo we kudahita agwa mu mutego w’umwanzi, dore ko byatumye bamubura ukurikije igihe bashakiraga kumutsindira muri kiriya gihugu cya Uganda.

Twabibutsa ko Kagame atungwa agatoki ko kuba inyuma y’abantu bagambaniye umunyemari Rujugiro igihe yafungirwaga mu Bwongereza. Umufasha wa Rujugiro yavuye mu Rwanda shishi itabona, dore ko bamuzizaga ubushuti yari afitanye na Janet Rwigema, kandi Janet Kagame yarabimubujije, akabyanga.

Turabibutsa ko mu minsi ishize twasohoye inkuru yerekanaga ko Kagame yamennye za maneko nyinshi muri icyo gihugu cya Uganda, zikaba zari zifite imigambi itandukanye, harimo no guhungabanya umutekano wa Perezida w’icyo gihugu, imiryango y’abanyapolitiki hamwe n’abanyamakuru b’abanyarwanda bahahungiye.

[Umuvugizi]

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. kiki says:

    erega saha, umuvugizi ni ikinyamakuru cyuzuye ibinyomo. ibyobyo mumenye ko ari ikinyoma cyambaye ubusa.

  2. Juru says:

    mwebwe se ko mudatuma ibitekerezo byacu bijya ahagaragara!
    Mujye mureka abanyarwanda ndetse n’ abandi bakoresha uru rubuga, batambutse ukuri k’ ukuntu bumva ibyo muba mwashatse kubagezaho!

  3. bazatoha says:

    mureke za poropaganda !!

  4. niyibizi oto Janvier says:

    Dukunda amakuri yanyu.

  5. Francois says:

    Ayo makuru nk’aya Kangura ya kera turayamaganye. Mushake amakuru yubaka. Kandi mureke guharabika Muzehe Kagame, mwirengagije ibikorwa bye by’ubutwari bibonekera amahanga yose

  6. nunu says:

    twamaganye ibinyoma byanyu kuko nta narimwe tuzabemerera kudusubiza aho twavuye.

  7. Inshuti ya Kayumba says:

    Iki ni ikinyamakuru kimeze nkabyabindi ny’interahamwe mugihe zarimo kwica ndetse zekarya abatutsi zimaze kwica. Iki kinyamakuru rero kigamije kubeshya gusa. Dore ko gikorera ba mpemukendamuke aribo ba Kayumba na bagenzi be.

  8. Sabiiti says:

    Ewana twiyamye amakurunkayo adashinga yogusenya gusa, nonese icyo kinyamakuru cyabuze ibyubaka cyandika? Mwaretse mzee wacu Kagame kotumwemera.

Speak Your Mind

*