U Rwanda Ruzubakwa n'Amaboko y'Abana Barwo Bose

“Igihe kirageze cyo kurwanya Perezida Kagame” – Faustin Twagiramungu.

par Faustin Twagiramungu.

kirehe-kagame-speech-sm

“Igihe kirageze cyo kurwanya Perezida Kagame. Igihe kirageze ngo abone ko byose bishoboka, yabyemera atabyemera. Kabone niyo yatorwa akoresheje iterabwoba, tuzakomeza tumurwanye.”
Faustin Twagiramungu.

Maze iminsi mpamagarira Abanyarwanda bafite uburenganzira bwo gutora ko batakwitabira amatora y’umukuru w’igihugu, ateganijwe kw’itariki ya 9 z’ukwezi kwa Kanama 2010.

Impamvu natanze narazisobanuye bihagije, cyane ariko nibanda k’ubwicanyi bw’ikirenga, n’andi mahano, by’umukandida Pahulo Kagame, ushaka kwitoresha byanze bikunze.
Uyu mukandida ubusanzwe utagombye kwiyamamaza bitewe ibisare byinshi afite, atinya demokarasi, akaba ari nayo mpamvu yica akanafunga abayiharanira.
Murabizi yafunze Ingabire Umuhoza, afunga Bernard Ntaganda, yica Andreya Kagwa Rwesereka, kugira ngo batazamukoza isoni agatsindwa.
None ubu amatora yayahinduye isabukuru (anniversaire) y’imyaka irindwi amaze yibye amajwi y’amatora yo 2003. Bityo akikomereza gutegeka indi myaka irindwi, abeshya amahanga ko yatowe n’Abanyarwanda, nabo bamubeshya ko ngo bamutoreye ko bamukunze byo kajya.
Bamukunda se bayobewe akebo yabagereyemo, n’ako akomeje kubagereramo?

Kutitabira aya matora, ni bwo buryo bwonyine dufite kugira ngo twereke Kagame ko tumurambiwe, twereke inshuti ze z’amahanga ko tudashaka ubutegetsi bwe bw’igitugu adushyiraho, kandi ko twanze ubwicanyi yagize intwaro ikomeye muri politiki.

Kumutora, muby’ukuri, ni ukumuha uburenganzira bwo gukomeza kubuza abanyarwanda gufata ijambo mu gihugu cyabo n’ubwo gufunga no kwica abatavuga rumwe nawe, twese abarwanya abutegetsi bwe bw’igitugu.

Kumutora, ni ukumuha uburyo bwo gukomeza kwitwaza ubudahangarwa afite nk’umukuru w’igihugu, bityo bigatuma adafatwa ngo ashyikirizwe inkiko mpuzamahanga, zagombye kumucira urubanza ku byaha aregwa, harimo nicyo kwica abaperezida babiri, Perezida w’u Rwanda, Yuvenali Habyarimana, na Perezida w’u Burundi Spiriyano Ntaryamira.

Kumutora ni ugushavuza abemeye kuba ibitambo n’abagikomeza kwitanga ngo bageze abanyarwanda ku bwigenge.

Rwose, dushyize mu gaciro ntitwamutora, twamwamagana tumukanira urumukwiye.

Iterambere umukandida Pahulo Kagame akangisha, ntabwo ari ryo demokarasi. Amajyambere ntabwo ari impano ya Kagame, ntabwo ari umwihariko we cyangwa ubwenge yaba arusha abamubanjirije mu kuyobora u Rwanda. Amajyambere Kagame yagize umurato kugira ngo ayobye uburari bwa demokarasi, sibwo bwambere tuyabwiwe. Amajyambere twarayaririmbye, twarayabyinnye, twayakoreye “animasiyo”, twarayatambye karahava ku ngoma ya Yuvenali Habyarimana. Hari uyobewe ko amajyambere, amahoro n’ubumwe ari byo byari politiki ye. Byagejeje he abanyarwanda?
None ngo twoye kurwanya Kagame! Arasetsa cyane, niba koko ariko abibona. Perezida Kagame rero ngo niwe nkingi y’ubumwe, demokarasi, ngo n’amajyambere.
Abambari be nabo bake muri iki gihe, babona ko ngo ibyo bihagije kugira ngo tumureke, duceceke, duhumirize, bityo ngo akomeze atuyobore nk’impumyi n’ibiragi, n’ibipfamatwi.
Guha Kagame rugari cyaba ari icyaha gikomeye imbere y’Imana, n’imbere y’abantu.
Byashoboka bite se ko twakora amakosa nk’aya?

Ubu igihe kirageze. Igihe kirageze cyo kurwanya Perezida Kagame. Igihe kirageze ngo abone ko byose bishoboka, yabyemera atabyemera. Kabone niyo yatorwa akoresheje iterabwoba, tuzakomeza tumurwanye. Tuzamurwanyiriza hanze, tumurwanyirize no mu gihugu nyirizina. Kutamurwanya bisa no kugambanira ukuri n’umutimanama bya buri muturarwanda. Amajyambere ntabwo ariyo kamara mbere ya demokarasi, ntacyo yatumarira tutabanje kubonera ibisubizo by’ibibazo bikomeye bikurikira:

1. Gushaka igisubizo kugira ngo turangize burundu ikibazo cy’impunzi zo kuva muri 1959-1963, zirimo n’umwami Kigeri V Ndahindurwa, kugeza ku mpunzi zo mu myaka ya 1990 kugeza magingo aya.
Ikibazo cy’impunzi ntawakirengagiza ngo arashaka amajyambere. Habyarimana yaracyirengagije, impunzi ntizabyihanganiye, zishoza intambara zise iyo kubohoza u Rwanda. Birababaje rero kubona Kagame abyirengagiza, akora meeting n’Intore yarundanije nk’amarumbi y’inzuki, azibwira “amajyambere n’ikoranabuhanga”. Imihanda yasanwe (yose yasanze yarahanzwe), amazu y’i Nyarutarama, hoteli Serena, “mutuelles”, kaminuza z’udukingirizo, gutera imikindo ku mihanda no mu busitani, gukubura umujyi wa Kigali, guca plastike mu gihugu, n’ibindi bitampaye agaciro. Ibyo byose ntacyo byamara abanyarwanda bose badafite ubwisanzure busesuye mu gihugu cyabo.

2. Tugomba gushaka igisubizo ku kibazo kigiye kuba karande ku bwumvikane buke bwabaye umuzi w’amatate, n’intambara zabaye urudaca hagati y’Abana b’u Rwanda, kugeza naho twishora mu bwicanyi ntarugero, ubwicanyi ndengakamere, bwo gutsemba abo twacanye ku nda (kunywana), tugatatira igihango cy’ubuvukanyi, ubuvandimwe, kandi ari wo murage w’umwihariko (turusha amahanga) twasigiwe na Gihanga.

3. Turashaka igisubizo ku kibazo cy’ukwishyira ukizana (freedom) ku giti cya buri wese mu gihugu cye, akagenda yemye, adatinya umuyobozi ahubwo akamwizera, agatunga utwe nta mususu, agatora uwo ashaka, akavuga rikijyana, igihe cyose ntawe abangamiye.

4. Turashaka ukuntu ikibazo cy’ubwicanyi bwakozwe n’umukuru w’igihugu, Pahulo Kagame, n’ubu agikomeje, haba mu gihugu rwagati cyanga hanze y’igihugu cyajya ahagaragra.
Uyu muco wo kwica abo tuyobora tutawuranduye wazaba akaramata mu Banyarwanda bagira bati: “umwera uturutse ibukuru ngo bucya wakwiriye hose”. Nta mukuru w’igihugu ukwiye kwica, umurimo we ni uwo guhanura, kurengera, gukiza, no kuyobora neza Abanyarwanda mu Rwanda rwabo.

Ibisubizo kuri ibi bibazo by’ingutu bizatangwa na nde?
Icyo nzi cyo, ni uko Kagame atari we gisubizo. Ikindi nzi ko ntabushobozi afite bwo kubona umuti w’ibi bibazo. Ahubwo arabihunga, akigira muby’amajyambere, gushaka imidari, n’inshuti z’abazungu. Igisubizo kizatangwa n’Abanyarwanda ubwabo. Ni ngombwa kandi birimo n’agakiza kuri buri munyarwanda ko hashyirwaho uburyo buboneye bw’inama kaminuza: “rukokoma“, yashakirwamo ibisubizo kuri ibi bibazo bikomereye igihugu cyacu.

Demokarasi n’amatora, amajyambere n’ubumwe bw’abanyarwanda ntibizashoboka, tutabanje gusubiza ibi bibazo biranga amateka yacu.

Brusseli tariki ya 6, Kanama 2010.

Faustin Twagiramungu
Wahoze ari Ministri w’Intebe
Telefone: 0032 473 210 512

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. jemadari says:

    Muvandimwe dusangiye igihugu rero Rukokoma,N’ukwihangana cyane kuko ibwo wagiye wifuza byose nta na kimwe kilimo gukunda.Amatora noneho yarabaye kandi yitabirwa nabarenga 97% yabemerewe gutora.Muve muliyo myanda mulimo muze twubake igihugu cyatubyaye.N’ahubundi ibyo mulimo abanyarwanda barabirenze.Uyu munsi abanyarwanda bazi icyiza n’icyibi,bazi kurobanura hagati y’ururo n’icyatsi.Nta mpamvu nimwe wakwerekana ngo ugumure abanyarwanda bikunde.Komera cyane!!!!!!!!

  2. Felix says:

    Birababaje kubona umuntu nka Twagiramungu yibagirwa ibyo Kagame asebya yamukoreye!!!Umutindi umuvura ijisho koko akarigukanurira.Ubwose ntiwasebye?Abanyarwanda barahumutse ntabwo bakiri zampumyi mwarandataga munabeshya muri za 1990!!!Ubu abanyarwanda bazi icyo bashaka kandi Kagame wirirwa utuka yarabiberetse ntabwo ameze nkawe uvugugira iyo za Burayi umaze guhaga amafiriti!!!Erega bamazaze kumenya ko mubashora mwarangiza mukiyuririra rutemikirere.Twagiramungu we urananiwe mu bitekerezo gusa ukwiye gusaza utanduranyije cyaneeeee,U Rwanda rwa 1990-1994 rutandukanye nurw’ubu muri 2010.Ukwiye gusengerwa rero uwu mudayimini w’urwango ufite ntacyo uzakugezaho.Gusa birababaje imana tugira nuko abatekereza nkawe bariyo i Rwotamasimbi naho mu Rwanda turahumeka ituze n’amajyambere wowe utemera kandi na demokarasi utubeshya turayifite itubereye.

  3. Bizimana Elisee says:

    Ingengabitekerezo ya Genocide ntirakuvamo, harya washakaga kuyobora ikigihugu? niyo mvugo!,. nurwo rwango!, nubwo bukana!, ibyo watuye byose birakaba kubanzi bu Rwanda.

  4. ndayisenga felix says:

    ndashaka amakuru

  5. Niyitanga Aron says:

    murapfa ubusa . musdasubije ubwenge ku gihe inda mbi izabaroha mwes. Yaba Twagitamungu yaba na kagame mwese muri kimwe. Nibyo kagame yise kandi yica abantu, ariko se wowe twagiramungu kicyo wamariye igihugu , mugihe wari umwe mabyobozi bacyo bakomeye, ni ikihe ngo nibura abaturage abe aricyo baheraho baguha icyizere? Nonese ntabwo uri umwe mubicaje Kagame ku ntebe yicayeho. Ceceka rero wote uwo wacanye kuko abanyarwanda bavuga ngo ikubisi y’amabbyi irayitarukiriza. gusa icyo abanyarwanda bose bamenya ni uko dukeneye umuntu w’ukuri ukunda igihugu, naho rero abavugishwa n’inda dufite benshi batazagira icyo baugezaho.

  6. NSHIMIYIMANA Emmanuel says:

    MUZEHE WACU TURAMWERA

  7. mucyo says:

    wangu twagira wariye aya UN wayahaga ukicecekera ubwo koko urabona abanyarwand turibizongwe?ngaho urarutanze ariko nkwifurije kutazongera kurutanga.

  8. bikorakora papy says:

    Dore re !reka nivugire kuko ntavugira abanyarwanda bose.
    Nasanze ibyiza mubuzima ar’ukunenya gukoresha Logique ,cyangwa se logic mind ,cyangwa gushyira mu gaciro.

    Kubwanjye sinamena mazi mabi ntarina bona ameza kuyarusha .
    kubwanye ,sinakwizer’ikizacyane ntazi ,kuruta icyiza nzi.

    Niba ushaka kurwanya Kagame ngo utuzanire democratie inoze?
    waje ugakosora iyafite tukareba uk’imeze. ko mbona nabari hasi yawe babizaba akabyemera. erega yakosoye byinshi byari baratuyobeye,kandi byakorwaga nabo mwakoranye ,ndeste nabakwigiyeho,ariko imbuto mwababibyemo ntabwo yatubereye nziza.
    Iyi niyo mpamvu ,nkeka ituma abanyarwanda badashishikajwe no kumurwanya ,ahubwo tumutegerejeho ibyiza biri mbere.

    Nubwo ,adukatish,ikorosi muvuz’induru ngo araturoshye tukabona rirangiye ntakibazo.ubu rero tumaze gushir,impungenge ko amakorosi yose azayarangiza ntakibazo akatugezayo. reka mpine magambo .ahubwo ngwino twubake igihugu ,naho abo yishe ntibazangana nabapfuye. urupfu nurwatwese ariko amacakubiri yo nayabamwe murakoze!

  9. MUTEIS says:

    Twagiramungu mwifurije gusobanukirwa neza n’urukundo rwak’imana,kandi ukibuka imbabazi MUZEHE yakugiriye nyuma yo kuba warufite ubushobozi bwo guhagarika genocide yo 1994 ariko ukica amtwi hanyuma ukaba utishimira uwayihagaritse hejuru yo kwifatanya nabandi gutanga amagara yabo kugirango tugire iwacu natwe hatubereye, turakwamaganye*infinity…….Perezida wacu komeza utuyobore kuko urabishoboye kandi ukunda abanyarwanda,igihugu,abaturanyi,Africa yose,n’amahanga nayo ….MUZEHE wacu turagukunda cyane kandi turagushyigikiye,turagusengera,turakwifuriza ishya n’ihirwe no kurama………..DAD,be blessed.

  10. MUTEIS says:

    MUZEHE OKEYYYYYYYYYYYY

  11. mugalain says:

    Bakurengereje AKADOZI uri umurwayi ukwiye ibitaro. ( TWAGIRA….

  12. frank yummy hirwa says:

    bareke bavuge IMANA yakuvuze batarakumenya ibyo utugejejeho nitwe tubibona naho wadukuye turahazi.oyeeee et courage KAGAME tukurinyuma

  13. kagame says:

    casse-toi pauvrecon, Twagiramungu, urashaka kugarura Genocide i Rda sha?? hhhiii ntibishoboka, paul oooooooyeeeeeeeeeeeeeeeeeeeeeeeeeeeeeeeeeeeeeeeeeeeeee!!!!!!!!!!!!!!!!!!!!!!!

  14. Habinshuti says:

    Egoko, cyakora ndumiwe koko niba hacyiriho ho abantu bafite imyinvure nki ya Twangira mungu Kagame yaba angifite akazi gakomeye!!!! ko gukomeza kwigish!!! nawese umuntu udashobora kubona impinduka yabaye mu Rwanda urunva adafite icyibazo, Ese twangiramungu koko imyaka kagame ayoboye urabona ntacyintu yagejeje ku Rwanda? urashaka kungera kworeka imbaga yabanyarwanda nkuko mwabikoze mbere? kushaje wariye bicyeya ukipfira politique yawe irananiwe! abanyarwnda babagaga abandi murwanda ntiwarumuyozi mukuru niki wakoze? Ese niki wakoze kungirango abanyarwanda bahunze 1959 ngo batahe mumahoro ntimwavugaga ko uRwanda rungana ni cyirahure cyuzuyemo amazi? icyongihese higaga bangahe? wakozi nkumuyobozi mukuru? iterambere urimo uravungisha umunwa gusa uzi ko kuringeraho byoroshye kungihugu cyivuye mumarorerwa yakozwe na mwe? Kagame uhora uvuga n’ Imana yamwoherereje abanyarwanda uburyo ayobora nabanyamahanga byarabayobeye Imana yonyine nibona nibona ayobora nabi niyo izamwikuriraho wowe ntacyo rw0se wakwishoborera kuko ufite umugambi mubi cyane, Kagame ibyo yakora byose nikunyungu zabanyarwanda n’Ingihugu murirusange natwe rega ntago tukiri babanyarwa mwari mwarabujije kwiga ngo basobanukirwe twasobanukiwe twarahumutse, Ibyo akora turabibona turabishima nintwari yabanyarwanda naho mwe murabunza INDA nini nogushaka kudusubiza mwicuraburindi gusa ntimuzabingeraho. Inama nakungira ngwino murwakubyaye utange ibitecyerezo byateza abanyarwa imbere nu Rwanda maze twubake urwatubyaye bitaribyo uzagwa mumahana urunva TWANGIRAMUNGUWE.

  15. Deus says:

    wapi kabisa uwomugabo arishuka kuko ukuri ntawutakuzi twagira ashaka yatuza akemera icyaha

  16. dusabimana nadia says:

    IMANA YO MWIJURU IKOMEZE IHE PEREZIDA WACU UMUGISHA UBWENGE,UBUHANGA,UBUSHISHOZINU,KWIHANGANA.BITYO AKOMEZE ADUSINDAGIZE TUGERE KUMAJYAMBERE ARAMBYE.BE BLESSED

  17. pammellah umutoni says:

    nkatwe tutabonye ibyabaye mugerageza kuducurika ariko anyway nibura turareba tukitegereza nta nubwo speech ya faustin yazigera igira icyo igeza ku banyarwnda njya numva bavuga ko politic ari umukino wuburyarya ariko niba nabyo ntabyuzi urumva watubeshya ute?ukeka ko uko mwabeshyaga abanyarwanda mwabisubira usubije ubwenge kugihe wasanga abo ucurika aribo bagakwiye kugucurika ariko ubupfura ntibubibemerera.tuza kagame akwerekeuko politiki ikinwa erega burya ugabanya no kwikunda ugakunda abo urwanirira usibye ko nawe ubagaragaza

  18. MANIRAGABA Emmanuel says:

    aRIKO IYO BAVUZE MUZEHE AHARI WUMVA KO ARI MUMUTWE ASHAJE!!!!!!!!!!!BARAGUSHUKA!!!!!!!!!!ESE WOWE NIBURA ICYO UZWIHO NI IKI? MUZEHE WACU KOMEREZA AHO TUZI KO AHO UTUGANISHA ARI HEZA CYANE KANDI KUKO UTABYISHOBOZA UJYE USABA IMANA IBIGUFASHEMO.

  19. MANIRAGABA Emmanuel says:

    Erega ukwanga iyo abonye wishimye arababara naho se ubundi yabuzwa niki kuvuga kuriya !!turishimye ,twibeerye mumahoro ,noneho nababare.Muze tukuri inyuma pee!maze turebe.

  20. NAHAYO Jean Pierre says:

    ARIKO SE KOKO URETSE KURWANYA UMUNTU KUBERA INYUNGU ZANYU MURABONA ICYO KAGAME ATAKOZE ARI IKI? UBU KOKO UFITE UBWENGE NTIYIGA HARI URENGANYWA SE NTAMURENGANURE UMUTEKANO DUFITE, ITERAMBERE TURIMO KUGERAHO TWIGEZE TURIBONA HEHE, ISUKU KURWANYA AKARENGANE, NIBINDIM BYINSHI NTARONDORA NGO NDANGIZE AHUBWO KAGAME WACU IMANA IKOMEZE IKWONGERERE IMIGISHA NO KUTUGEZA KURI BYINSHI

  21. U DAVID says:

    ntakundi wavuga, wanze kuviramo aho, nizere ko utari ukomeje, kuko waba wacurangiraga abahetsi.

  22. munyehirwe jean marie says:

    faustin tumwime amatwi kuko ntabwo azi abanyarwanda ahotugeze ntakatwitiranye burya sibuno.MUZEHE OYEEEEEEEEEEEEEEEEE!!!!!!!!!!!!!!!!!!!!!!

  23. Yemwe uwasoma aya Rukokoma ntasesengure yaba ateye nka Mugesera Léon.Uretse kuvugiriza induru i Burayi yaje akareba umutekano n’iterambere tugezeho mu gihe gito yarabaye muri uru Rda kdi akomeye ntacyo yahinduye! Nimuturekere umusaza kdi mwoye gukomeza kubiba urwango n’amacakubiri hamwe n’abo mufatanyije kuko ibi bisomwa n’abageze mu ishuli.Ndakugaye mwene Gatali

  24. Nsanze burya Twagira na bahuje ibitekerezo muri aba feke kabisa. kureka gutora nibwo buryo wabonye? yewe ibitekerezo byawe biri limité. ntabwo ndi umunya politike kandi sinifuza no kubijyamo. mwariye bike mukaryama kare? Inda idutegeke aho gusha aho utera ikiraka wibeshyeho ugiye kubishakira munzira zo gushyushya abantu ipoyoyo. ndakunenze rwose.

  25. Aimable uwimana says:

    Niko twagi?ibyo uvuga uba wabitekerejeho?hera mbere ya jenocide (niba nayo uyemera kuko uhinduka kurusha ibicu)wibuke amagambo yose yakuvuye muri uwo mubiri wawe urebe ayo wavuze kugeza ubu nutekereza neza utubwire kandi utubwize ukuli icyo wifuza:habyala waramujunguje ,kagame nawe urashaka kumuzunguza ,nfite ubwoba ko nawe ufashe ubutegetsi(uretse ko bitashoboka) wakwizunguza.bikindi niwowe yaririmbye uzagure kasete ye uzagira isoni y’inda nini yaririmbaga.u are too tired just keep quiet and let rwandans enjoy their security or insecurity whatever u call it.NTACYO WAMARIYE URWANDA NTANICYO UZAKIMARIRA.niba ushaka no kwiyahura no body will touch u nubundi waraje uriyamamaza uratsindwa urusohokamo wemye utaryamye 1930 unagarutse ntacyo waba wararaguje.

  26. hodali says:

    Abashobora gusenga mumfashe dusengere abanyarwanda bagihumirije ,IMANA YO MU IJURU ibahumure amaso bamenye ukuri.Twagiramu ubu koko ibyo utabashije mbere ubu nibwo wabishobora,watuje ugasaza neza utanduranyije. KAGAME COURAGE tukuri inyuma

  27. sabin says:

    MUZEHE WACU ATUYOBOYE NEZA
    KANDI TURAMUKUNDA

    (UMWANZI AGUCIRA AKOBO IMANA IGUCIRA AKANZU

  28. injiji says:

    twagiramungu arakaburinka n’igicucu n’injiji ni imbwa mbi yayobeje abamukurikiraga , yananiwe gushaka igisubizo afite ubushobozi(sous habyarimana) ibyabaye byose n’ubwicanyi n’ubwo nawe yahizwe byose ni we wabiteye ni imbwa mille et une fois ni injinji mbi sinon nadusobanurire ibyo yakoraga we na agatha, na nsengiyaremye tout ce qu’il a eu le courage de faire c’est d’affaiblir les exfar mais non seulement il a fait ça mais il n’a paseu le courage d’affronter kagamé et de lui demander d’atténuer la peine des réfugiés il volontairement fermé les yeux sur les crimes du fpr avant le génocide akareba abatu bamwokaga inyuma kandi ariho abaroha nta nubwo yigeze asaba imbabazi abo yashutse franchement agize neza yarorera kuvuga kuko yavuze menshi yuzuyemo ubujiji ubu se ayo yenda kuvuga arimo iki ubwenge ? il a eu le courage de dire que akazu ça n’a pas existé or twirirwa twumva iryo jambo ntiyanditse n’igitabo ngo abeshyuze iryo jambo pour quoi ? inda ndende n’ibyubahiro yagize imbaraga ashinjura icyo zigiranyirazo asabe imbabazi yandike igitabo asaba abanyarwanda imbabazi ou qu’il explique ce qu’il a fait pour que la gerre s’arrête qu’est ce qu’il a fait pour que hutu tutsi s’entendent à l’époque sans avoir des préjugé atubwire uyu munsi uko abona kagamé n’uko abona habyarimana à l’époque n’icyo habyarimana yari gukora kandi abimenyeshe abanyarwanda bose car abanyarwanda bose vraiment bose bamufashe nk’umugambanyi kuko niyo aza gutangirwa kuri barière yari kwicwa nk’umugambanyi nadusobanurire donc impamvu yafatwaga nk’umugambanyi ndetse na n’uyu munsi il ne faut pas oublier que ibyabaye ça a emporté près d’un millions de tutsis wongeyeho un autre millions de hutus wongeyeho abapfiriye congo wongeyeho abantu bose basize ibyabo niba hari uwasobanura neza ibyabaye et le pourquoi ni rukokoma n’abisobanure rero il faut l’éviter ce gar, ce traître de tous les jours qui a trahi et leaissé les rwandais seuls

  29. keza@yahoo.com says:

    Reka nanjye nunge murya abakuru nti,Twagiramungu wahungiye mu ishyamba ,wararwanye none waratsinzwe uwagutsinze ntaho yagiye bahora bagusaba kujya muri systeme ,niba warabyanze tuzabonana,Iwacu muRwanda namahoro.Ibyo uvuga urasa nusamba uta ibitabapfu uru musivili kabisa.Kagame niyo waza ukamufata ukuboka yakwiyaka atabanje guheramo , none ngo igihe kirageze?ahubwo ikigihe nicyawe cyo kumva no gusobanukirwa AGACIRO ka KAGAME.

  30. Ikiza@yahoo.com says:

    Reka mvugire Perezida wanjye umuvugo,Ngwino ngabo idatsindwa ku rugamba,ngwino rudatenguha ku ntego,Ngwino rudatetereza abaturaRwanda kucyo wababwiye,nibyo koko urimfura muri byose,ariko cyane cyane reka mvuge kumutima wawe,uti IMVUGO NIYO NGIRO.Ariko nsoje nkusaba gukomeza imihigo no Gukunda abakene kurusha abakire buRwanda.

  31. Justin says:

    Njyewe TWAGIRA ndamugaye saaaaaaannna!!!!!!!!!!!!!!!!!!!!!!!!!!!!!!!!!! arabonako ariwe wambere utavuga rumwe nubutegetsi bwu rwanda ntabariho kandi bari mu gihugu!!!! yaje agakinira mukibuga ko nta mukinyi ukinira inyuma yikibuga.PAUL we bareke bavuge bameze nkintare ziziritse. nta bwoba.

  32. Mushayidi justine says:

    Aliko Rukoko nta soni ugira? burya se warwanyaga Habyara wibaza ko inkotanyi muzakorana?reka wumve!ubundi se ko abahutu mwategetse imyaka myinshi,simwe mwaje gusubiranamo maze,kubera ubuswa bwanyu,abana b’abatutsi bakagifata batirutse?nimurekeraho nabo babe barutegeka,…cyangwa mwirengagije imyaka yose mwali mwarabahejeje mu mahanga,mubatwikira,94 mubicisha imihoro..mubaroha mu migezi..mureke nabo babeho di….jye nta bwoko ngira ndi imvange aliko nakoze analyse y’amateka ya politique y’u Rwanda,nsanga aliko byagenze

  33. Virginie says:

    Uyu mugabo ntabwenge agira

  34. Jack says:

    Nimureke duhindure imyunvire ya africa tudatukana twenyine kwiha abazungu n’inkiko zabo siyo solution kandi sinayo democratie kandi na Twagiramungu s’imana ngo ibyo azakora bizashimwa nabose. Turebere solution muritwe twenyine.

  35. jean bosco says:

    reka nkubwire birantangaza cyane iyo mbona umusaza nkawe utagitekereza urarebye ubona ari wowe ukwiye kudutekerereza kurusha ibyo president wacu amaze kutugezaho ndumiwe bacumugani ngo bwira utariye nibwira utabonye ,niba ari ibyo ushaje uraga abana bawe uriho urabaha umunani mubi.reka nkubwire bwire nabandi bagifite iyo myumvire nta mwanya namuto mugifite muri iki gihugu nubwo ngo ibyaye ikiboze icyonsa kandi n’umwana w’ikirara iyo agarutse umubyeyi aramwakira ariko wowe ntabwo warukwiye kugaruka ,kandi ihene mbi ntawuyizirika aho inziza iri . guma ubuyere iyo.

  36. musonesha says:

    ARIKO MUZASHYUSHYA ABANYARWANDA KUGEZA RYARI MWARIYE IBYO ABAZUNGU BABATAMIKA MUKAREKA ABANYARWANDA?MUKUNDA SE U RWANDA KUTURUSHA WAGIRANGO IYO HATAVA AMARASO NTIMURYOHERWA,MURABURA KUDUSABIRA IMFASHANYO NGO TWITEZE IMBERE NGO KAGAME?NYIRARUNYONGA BARAMUBAJIJE BATI KUKI USIMBUKA ATI UWIJUSE NTACYO ADAKORA?NAMWE MURAHAZE SHA!NIKO POLITICAL SYSTEMS NZIZA KURUSHA IYINDI NI IYIHE NIMUMUREKE YADUKUYE AHAGA MWE BYARI BYABANANIYE MUVUGA GUSA PRAXIS UBU NIYO IGEZWEHO HOSHI NI MUGENDE

  37. Parfait says:

    Ariko koko abantu bagira imyumvire itandukanye,buriya TWAGIRAMUNGU abona abanyarwanda hari uwabashuka ngo bongere bakore genocide,nibadashima ibyagezweho areke kuvuza iyabahanda wamugani yirire aya UN agumane uwo mutimafite arko ndasaba Imana ngo izamukize atazabipfana

  38. christine umurangamirwa says:

    u RwaNDA RWARABABAYE BIHAGIJE MWE MUSHAKA KONGERA GUHEMBERA RETA ZIMENA AMARASO IMANA NTIYABYEMERA.KANDI KANDI MUZEHE WACU ARARENGANA .IYABA IMANA YAMWONGEZAGA INDI MYAKA NK,IJANA TWAKONGERA TUKAMUTORA

Speak Your Mind

*