U Rwanda Ruzubakwa n'Amaboko y'Abana Barwo Bose

Gen James Kabarebe mu rugendo rwo gutsura ubufatanye bw’u Rwanda n’u Bushinwa mu bya gisirikare

Gen. James Kabarebe, wayoboraga ingabo zakoze jenoside yakorewe abahutu muri Congo

Minisitiri w’Ingabo, Gen James Kabarebe, yashyitse i Beijing mu Murwa Mukuru w’u Bushinwa kuwa kane, mu ruzindiko rw’iminsi itanu mu rwego rwo gutsura umubano mu bya gisirikare hagati y’ibihugu byombi.

Akihagera, Kabarebe yasuye Diviziyo ya 6 yo mu ngabo z’u Bushinwa, anagirana umubonano n’Umuyobozi Wungirije w’Inama Ngishwanama y’Abaturage b’u Bushinwa mu bya Politiki, Bwana Li Zhaozhuo.

Itangazo dukesha Minisiteri y’Ingabo riratumenyesha ko Gen Kabarebe azanasura Ishuri rya Gisirikare ryo mu Karere ka Nanjing ndetse n’ishuri ryigisha gukoresha imbunda nini rya Nanjing. Biteganyijwe kandi ko azanasura inganda zitandukanye zikora intwaro, ahamurikirwa ibikorwa bitandukanye ndetse n’ibigo by’ubushakashatsi.

Muri uru ruzinduko, Gen Kabarebe aherekejwe n’abandi basirikare bane bakuru mu ngabo z’u Rwanda.

Minisitiri w’Ingabo, Gen James Kabarebe, yabonanye ku tariki 17/8/2010 n’uhagarariye u Bushinwa mu Rwanda ucyuye igihe, Ambasaderi Sun Shuzhong, bagirana ibiganiro byibanze ku mubano n’ubufatanye mu bya gisirikare hagati y’ibihugu byombi.

Tubibutse ko Gen James Kabarebe ari umwe mu bayoboraga ingabo zateguye zikanakora jenoside y’abahutu muri RD Congo nk’uko byatangajwe muri raporo ya ONU yasohotse mu ntangiriro z’uku kwezi.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Rudahusha says:

    Ariko se nk’umuvugizi urunva mwageza kuki abanyarwanda cyokora da muravugira Victoire Ingabire cyokora ntimukibeshye abanyarwanda ntibakibeshywa kubera inyungu zinda zanyu hafpuye abafpuye abo barahagije.

Speak Your Mind

*