Ese Obama azemera ko raporo ya ONU irega jenoside ingabo z’u Rwanda izinzikwa kugira ngo zigume i Darfur?
U Rwanda Ruzubakwa n'Amaboko y'Abana Barwo Bose

Ese Obama azemera ko raporo ya ONU irega jenoside ingabo z’u Rwanda izinzikwa kugira ngo zigume i Darfur?

par Gasasira

obama-pointing-sm

Turebe ukuri kwe!
Obama azemera ko raporo irega Generali Kagame n’ingabo ze jenoside izinzikwa?

Amakuru agera ku kinyamakuru Umuvugizi nkuko yemezwa n’ambasaderi w’ Amerika muri Loni Suzan Rice, avuga ko Perezida Obama yemeye ubutumire bw’umunyamabanga mukuru wa Loni kuza mu nama izahuza abayobozi b’ibihugu bigize akanama k’umutekano, Banki y’isi yose hamwe n’ibindi bihugu birebwa n’ikibazo cya Darfur. Iyo nama iteganyijwe ku itariki ya 24 Nzeri 2010, ku kicaro gikuru cya Loni i  New York, iteganyijwe no kuzitabirwa n’abandi ba Perezida b’ibindi bihugu.

Iyo nama  igomba kwigirwamo ibibazo byo muri Sudani, kurebera hamwe uburyo amatora ya Kamarampaka ateganyijwe muri uyu mwaka utaha  ariyo agomba kwemeza ko Sudani y’amajyepfo ( Southern Sudan) yakwigenga, cyangwa yaguma kuri Sudani isanzwe.

Ambasaderi w’Amerika muri Loni Suzan Rice akaba yaratangarije abanyamakuru ko Perezida Obama asanga iyo nama ari inama ikomeye cyane kuko iziga ku kibazo cya  Sudani kizagira ingaruka nziza ku mibereho ya Sudani y’ejo hazaza; mu gihe amatora ya Kamarampaka ya Sudani, ashobora kuzemeza ko Sudani y’amajyepfo iba intara yigenga asigaje iminsi ijana gusa.

Ambasederi Suzan Rice akaba yanatangarije abanyamakuru ko iyo nama izaba irimo Perezida Obama izaba ari ikimenyetso gikomeye  ku baturage ba Sudani hamwe n’ abanyapolitiki bireba, yatangaje kandi  ko Leta y’Amerika ishishikajwe no kugira uruhare runini mu gucyemura ibibazo byaranze Sudan y’ amajyepfo hamwe na Darfur muri rusange.

Amakuru atugeraho na none akaba yemeza ko umunyamabanga mukuru wa Loni Ban Ki Moon  yanatabaje Perezida Obama kugira uruhare runini mu gucyemura ibibazo bimwugarije by’ukuntu u Rwanda rushobora gukura ingabo zarwo muri Darfur kubera raporo ya Loni iherutse gutagazwa n’abanyamakuru imbura gihe igaragaza ko, u Rwanda rushobora kuba rwaragize uruhare runini mu gukora ubwicanyi bushobora kwitwa jenoside, bwakorewe impunzi z’abahutu zari zarahungiye mu Kongo.

Impungenge z’ umunyamabanga mukuru wa Loni zikaba zije zikurikira iza Madame Hilarie  Clinton umunyamabanga wa Leta zunze ubumwe z’amerika ushinzwe ububanyi n’amahanga, nawe uherutse guhamagaza ibihugu byose birebwa niki kibazo cyo kugarura amahoro n’umutekano muri Darfur gukaza umurego kugira ngo amaraso atongera kumeneka muri Darfur kubera raporo babonaga zigaragaza ko hashobora kuba imvururu nyinshi mbere y’ayo matora ya Kamarampaka, zigamije kuburizamo icyo gikorwa.

Isi yose ikaba ihanze amaso uko Leta ya Perezida Obama izacyemura kiriya kibazo cy’u Rwanda rushaka gukura ingabo zarwo mu Darfur kubera gushaka kuburizamo iyo raporo igaragaza ko zimwe mu ngabo z’u Rwanda zaba zarakoreye jenoside impunzi z’ abahutu zari muri Kongo.

Kandi abantu beshi bakaba bategereje kureba  Perezida Obama na Guverinoma ye uko izabyitwaramo cyane ko yigaragaje nka guverinoma ishaka kurwanya no guhana abica bakanabangamira uburengazira bw’ ikiremwa-muntu.

Ibibazo rero bikaba ari byinshi byibazwa ku myitwarire y’Amerika muri kiriya kibazo:

  1. Ese Perezida Obama arahitamo  gukingira ikibaba ingabo z’u Rwanda  kugirango ikomeze irinde umutekano muri Darfur bityo raporo ya Loni ikosorwe nkuko Kagame abishaka?
  2. Perezida Obama se yaba aribufashe Loni kumvisha Bashir kwemerera ayandi mahanga gusimbura ingabo z’ u Rwanda ntamananiza?
  3. Cyangwa se Loni kimwe nibindi bihugu by’ibihangage harimo n’Amerika byaba byiteguye kongera gutererana Abanyarwanda n’ Abanyekongo bakingira ikibaba abicanyi kimwe n’abandi,  kubera inyungu za Politiki ? Ese baramutse babikoze, aho bucyera ntibazafatwa nk’abafatanyacyaha?

Tubitege amaso.

[Umuvugizi]

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. MPIRANYA says:

    Yewe, abapfuye ni benshi mumaso yacu, turi muri Congo, tuzi ko abanyakuri badahabwa umwanya, nawe reba ibyo ubutegetsi bwirirwa buvuga ngo abahutu ntibapfuye, harya bo si ibiremwa?
    Byange bikunde bizabagaruka, kandi ikinyoma ntikizatuma habaho ubwiyunge nyakuri.
    TWE TUBA MU GIHUGU, MUJYE MUDUSABIRA !!

    BAMENYE SINAHARARA.
    MURAKOZE

  2. kazungu says:

    ese ko leta ihakana ibintu byose,ko yageze aho igakuraho no kuvuga itsembatsemba kugira ngo iheze abahutu nibwo bwiyunge bavuga?kubihisha sibyo bibihanagura mu mitima yacu,tuzi neza ko igihe kizagera natwe ababikoze tukabifatira ntidutegereje amahanga,abahutu bishe bafatwe bacirwe izibakwiye n amategeko,abatutsi cyane abasirikare bakoze iby nabo bafatwe n ubutabera,tuzi ko abahutu bapfuye barenga na miliyoni ebyiri,inkotanyi zatangiye jenoside muw 1992,zica impunzi mu mashuri no muri za college,i Rushaki,mugina none mu cyahoze ari byumba,none hiyongeraho izo muri congo.bizatinda ariko bizaza.

  3. kazungu says:

    Dore jenocide igihe yabaye mu rwanda 1994,ariko muri 1991,inkotanyi zaje i mabare hahoze muri komine kiyombe,ahitwa mu mashya zica abantu benshi,zisatura abagore amada zigakuramo umwana munda zikamukata kata ibice hanyuma zikamuryamisha iruhande rwa nyina nk uwonka.zikisubirira i bugande.ese ibyo tuzabivuga dute ko mudashaka ko tunabivuga,mwe mwirirwa muvuga genocide yakorewe abatutsi,ntibiva mu mitima yacu tuzi ko hazaza ikindi gihe ubutabera bukaza.mubwire amahanga ibyo mushaka ariko se twe mwatubwira iki.

Speak Your Mind

*