Arusha turiho mu buzima bubi: Capitaine Innocent Sagahutu
U Rwanda Ruzubakwa n'Amaboko y'Abana Barwo Bose

Arusha turiho mu buzima bubi: Capitaine Innocent Sagahutu

Capitaine Innocent Sagahutu yavukiye mu cyahoze ari Komini Gisuma muri Cyangugu mu 1962, yarangije mu ishuri rikuru rya gisirikare ry’i Kigali (ESM) mu 1986 muri Promotion ya 22, ahita yoherezwa gukorera muri Bataillon de reconnaissance muri Camp Kigali. Yize ibyo kurwanisha za Burende ahitwa i Mbanza-Ngungu mu cyahoze ari Zaïre.

Nyuma y’igitero cy’ingabo za FPR mu 1990. Sagahutu wari Lieutenant icyo gihe yitwaye neza ku rugamba aho yoherezwaga hose cyane cyane mu Mutara ku buryo yahawe ipeti rya Capitaine mbere y’igihe.

Muri Mata 1994, yategekaga Escadron A ya Bataillon de reconnaissance yabaga muri Camp Kigali, za Burende yayoboraga zarwanye ku mujyi wa Kigali kugeza mu kwezi kwa Nyakanga 1994, ingabo zose za FAR zisohotse mu mujyi wa Kigali.

Yafatiwe mu gihugu cya Danmark muri Gashyantare 2000 ahita yoherezwa ku rukiko rwa Arusha mu Gushyingo 2000, urubanza rwe rukaba rwaratangiye muri Nzeli 2004. Muri Gicurasi 2011 yari yakatiwe imyaka 20 y’igifungo.

Tariki ya 12 Gicurasi 2014, Capitaine Innocent Sagahutu wari ufungiye Arusha ku rukiko mpuzamahanga ku Rwanda yarekuwe igihano cye kitarangiye kuko ubundi yagombaga kurekurwa mu ntangiriro za 2015.

Muri Gashyantare 2014  urugereko rw’ubujurire rw’urukiko rw’Arusha rwagabanyirije igihano Capitaine Innocent Sagahutu wari umwe mu bayobozi ba Bataillon de reconnaissance. Imyaka 20 yari yarakatiwe yaragabanijwe ishyirwa kuri 15. Amaze guhanagurwaho urupfu rw’uwari Ministre w’Intebe Agathe Uwiringiyimana. Ariko yarezwe ngo kuba ntacyo yakoze ngo abuze abasirikare yayoboraga kwica abasirikare 10 b’ababiligi. Sagahutu mu myaka yakatiwe hakuwemo 14 yamaze afungiye Arusha.

Capitaine Sagahutu yarekuwe akurikira abandi basirikare benshi ba FAR bagizwe abere (Gen I.G. Gratien Kabirigi, Gen Maj BEM Augustin Ndindiriyimana, Major BAM Francois Xavier Nzuwonemeye..) n’abarekuwe barangije igihano bahawe (Lt Col BEMS Anatole Nsengiyumva, Lt Col Tharcisse Muvunyi..)

Umunyarwanda

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Ubu rwose nta makuru uba utanze. None se kubaho nabi ni uko yafunguwe igihe kitageze,cg ni ibindi washatse kuvuga? None se nimba abarangije igihano cyabo bakaba bakili Arusha mu buzima bubi, inama utanga ni iyihe ngo boroherezwe, uwagira ubufasha yabunyuza he,…? Mujye muduha inkuru zidaca umugongo gusa, izo dukeneye ni izidufasha kwiyubaka dufashanya,kuko imyaka isaga 20 amahanga yaradutereranye si mike,igihe cyarageze ngo twishakemo ibisubizo.

Speak Your Mind

*