Abarwanya Bernard Ntaganda muri PS Imberakuri basubiranyemo
U Rwanda Ruzubakwa n'Amaboko y'Abana Barwo Bose

Abarwanya Bernard Ntaganda muri PS Imberakuri basubiranyemo

Hashize amezi abiri abahoze ari abarwanashyaka ba PS Imberakuri bakoze inama itunguranye bavuga ko bakuyeho Umuyobozi wayo Bernard Ntaganda. (Reba: : Le Parti PS Imberakuri détrone Maître Ntaganda)

Abiyimitse icyo gihe ku buyobozi bw’ishami rya PS Imberakuri ni Christine Mukabunane, Augustin Niyitegeka na Pastori Noël Hakizimfura.

Byavuzwe cyane ko abo bishyizeho batumwe kandi bashyigikiwe n’ishyaka riri ku butegetsi FPR kugira ngo bace PS Imberakuri mo kabiri.

Iryo shyaka koko ryacitsemo ibice bibiri, ubu rero hakaba hari PS Imberakuri iyobowe na Christine Mukabunane, na PS Imberakuri iyobowe n’umuyobozi wayo wa mbere Bernard Ntaganda.

Inkuru nshya rero ni uko Madamu Christine Mukabunani yemeza ko yatewe iwe mu rugo n’uwitwa Theophile Uwizeye wari witwaje agakapu karimo ibibasha kugurumana, harimo lisansi na aside, agamije gutwika inzo Mukabunani atuyemo i Kabarondo. Inzu ariko ntiyabashije gufatwa ngo ishye.

Uwo Theophile Uwizeye yafashwe n’abapolisi, atangaza ko yatumwe na Pastori Noel Hakizimfura, wari ufite umugambi wo kwica Christine kugira ngo azabashe kuba ari we wiyamamariza kuba Perezida wa Repubulika mu izina ry’ishyaka PS Imberakuri.

Polisi yahise ita muri yombi Pasteur Noel Hakizimfura nk’uko Umuvugizi wayo Eric Kayiranga, yabitangarije BBC Great Lakes, yemeza ko bafite na za messages Theophile Uwizeye yoherereje Madamu Mukabunani amubwira ko agomba gupfa.
Amaperereza aracyakomeza.

Inkuru bijyanye:
Ubuyobozi bushya bw’ishyaka PS Imberakuri buratabaza Leta ku kibazo cya Ntaganda

– Niba ushaka kwohererezwa emails z’ibyandikwa kuri Rwandinfo mu Kinyarwanda, kanda hano.
– Niba ushaka kujya usomera inyandiko zo kuri Rwandinfo mu Kinyarwanda ukoresheje RSS Reader yawe, kanda hano.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Speak Your Mind

*