U Rwanda Ruzubakwa n'Amaboko y'Abana Barwo Bose

Abanyeshuri 11 b’Abanyarwanda bakomerekeye mu myigaragambyo muri Uganda

Ubwo abanyeshuri bo muri Kaminuza Mpuzamahanga ya Kampala(KIU) muri Uganda bakoraga imyigarambyo mu cyumweru gishize, abanyeshuri b’Abanyarwanda bagera kuri 11 barahakomerekeye.

Iyo myigaragambyo ngo yatewe n’uko ubuyobozi bw’iyo kaminuza bwategetse abanyeshuri bose batarangije kuriha amafaranga y’ishuri gutanga amande agera ku madorali y’amanyamerika 30. Bababwiye kandi ko utazabyubahiriza mu byumweru 2 azakuba ayo mande inshuro 2.

Nk’uko Umuyobozi w’Ishyirahamwe ry’abanyeshuri b’Abanyarwanda biga muri iyo kaminuza Louis Kabayiza yabitangarije The New Times, ngo abanyarwanda bagera kuri 11 barahakomerekeye ubwo polisi yageragezaga guhosha iyo midugararo. Batatu muri bo barakomeretse cyane bahita bajyanwa mu bitaro bya Nsambya.

Nk’uko abanyeshuri bose b’abanyamahanga bari basabwe n’ubuyobozi bw’iyo kaminuza kuba bagiye kuri ambasade z’ibihugu byabo, byanatumye Frank Mugambage aba umwe mu ba ambasaderi bahise bahagera ngo bafashe mu gukemura icyo kibazo.

Kabayiza yakomeje ashimira ambasaderi w’U Rwanda kuza kwifatanya n’abandi mu kwiga kuri icyo kibazo cyatumye kaminuza ifunga imiryango icyumweru cyose kandi yongeyeho ko bafite ikizere ko umuti uzaboneka bagakomeza bakiga.

[Igihe]

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Comments

  1. Gasana Florien says:

    Nyamara mu Rwanda haba ibirenga ibyo ntihagire ukopfora

  2. gahigi says:

    ibihe se muswa? ko muba muzi gusebya igihugu cyacu gusa,ariko mujye mumenya ko mwisenyeraho

  3. adeline says:

    ndifuza nanjye kumenya ahantu akavuyo nk’aka kabereye muri iki gihugu cyacu cy’u Rwanda.Turwubake ariko,ntabwo inzu ishobora kuzura umunsi umwe

Speak Your Mind

*