Abahitanywe n’inkangu i Nyabihu barashyinguwe
U Rwanda Ruzubakwa n'Amaboko y'Abana Barwo Bose

Abahitanywe n’inkangu i Nyabihu barashyinguwe

Ku taliki ya 4 Gicurasi, mu karere ka Nyabihu, imvura yaguye ari nyinshi yateye inkangu mu murenge wa Rugera, akagari ka Gakoro, umudugudu wa Nyarusange. Umuryango wa Jean Damascene Nzamuhabwanimana n’abagore be 3 hamwe n’abana 10 bahitanywe n’iyo inkangu yamanukiye ku ngo zabo nijoro ntihagira ushobora gusohoka

Iyo mvura ikaze yaguye mu turere dukikije ibirunga, isenya amazu ndetse yangiza n’ibindi bintu byinshi birimo imyaka y’abaturage. Ubu habaruwe amazu agera kuri 52 yangiritse kubera ko yari yubakishijwe amatafari ya rukarakara. Biravugwa ko hegitare zirenga 70 z’imyaka zangiritse mu karere ka Musanze na Nyabihu.

Mu muryango wa Nzamuhabwanimana nta muntu n’umwe warokotse. Abaturanyi be bafite impungenge ko bashobora kugwirwa n’ikiza cyabaye ku muturanyi wabo kuko nabo batuye ku misozi ihanamye.

Taliki ya 7 Gicurasi, Minisitiri ushinzwe kurwanya ibiza no gucyura impunzi Jenerali Marcel Gatsinzi, ari kumwe na Minisitiri w’ingabo Jenerali James Kabarebe, bifatanyije n’abaturage mu gikorwa cyo gushyingura abo bahitanywe n’inkangu.

Minisitiri Gatsinzi yatangaje ko ikibazo cy’inkangu n’imvura nyinshi muri ino minsi kitari i Nyabihu na Rubavu gusa, ko ahubwo cyageze henshi mu gihugu. Yavuze ko Leta ibikurikiranira hafi kugira ngo igoboke abazahazwa nabyo.

Niba ushaka kwohererezwa emails z'ibyandikwa kuri Rwandinfo mu Kinyarwanda,
Injiza email yawe hano:

Bitangwa na FeedBurner

Speak Your Mind

*